A
Antonio Berbatov
:: مسافر ::
يا جدعان مش لازم نعمل حوارات انتهت من زمان, لو انت مسافر تستقر, فتقريبا ً كل دول اوروبا وامريكا وكندا فيها لحوم مذبوحة حلال , كون ان واحد نصب وكتب على اللحمة حلال وهي مش حلال فهو الى هيشيل الذنب مش انت , ثانيا ً لو انت مسافر سياحة والموضوع دة مقلق منه متاكلش لحمة يا سيدي , مش هتموت فى الاسبوعين السياحة الى انت رايحهم لو ماكلتش لحمة , انا عن نفسي فمرة سافرت شهر وفى مكان مكنش فيه لحمة حلال , اقرب مدينة ليا فيها لحمة حلال كان بيني وبينها 150 كيلو وكان شهر رمضان , قضيت الشهر كله نباتي وسمك كل فين وفين , وعادي عايش سليم الحمد لله
H
Hany Bahgat
:: مسافر ::
انا مش عارف الناس بتكبر المواضيع ليه...بالنسبة للي مسافر سياحة لو عايز ياكل لحوم او فراخ يدور علي المطاعم اللي مكتوب عليها حلال ويتوكل علي الله ويسمي قبل ما ياكل وبالنسبة للمقيم اكيد فيه جنبه مجتمع اسلامي وناس مسلمين عايشين في المكان اللي هو فيه يدور وهيلاقي برده جزار مسلم بيدبح بالطريقة الاسلامية ويجيب منه احتياجاته من اللحوم او الفراخ ويشلها في الفريزر ويتعامل...مينفعش ناكل اكل اليهود لان بالرغم من انهم زينا في حاجات كتير يعني مش بياكلوا خنزير ومش بيشربوا خمرة (المتدينين منهم) ولكن بكل بساطة هو مش بيسمي بسم الله علي الحاجة اللي بيدبحها...الدبح الحلال لية شروط منها استقبال القبلة ووضع الذبيحة علي الجانب الايمن والتسمية (بسم الله الله اكبر) وبردة لو انا هموت من الجوع ومفيش قدامي غير حاجة مش مدبوحة بالطريقة الاسلامية هاكلها...الدين يسر لنا كل شيء ولكن لازم نتحري الدقة ونسأل قبل مانعمل اي حاجة بدون مانكبر المسائل ونديها اكبر من حجمها
I
Ismail Taher
:: مسافر ::
البلاد الآسيوية واللادينية زي الصين والهند وكده هتلاقي فيها أحياء خاصة ومطاعم خاصة للمسلمين بس غير كده مينفعش تاكل لحوم او فراخ. الدول الي اغلبيتها مسيحية ولو بالاسم زي أوروبا وأمريكا وكندا وأستراليا وكل دول يبقا حلال تاكل من لحومهم عادي. إندونيسيا وماليزيا طبعا بلاد إسلامية.