M
Maometto Rabie
:: مسافر ::
تأجير العربيات في أوروبا .
تأجير العربيات في أوروبا هيوفر عليك كتير اوي اوي ، خصوص لو كنت هتقعد ف كل مدينه يومين مثلا و تروح ع اللي بعدها ،
طب انت محتاج ايه :
انا هتكلم للناس بتوع السياحه اللي معهمش إقامات و لا جنسيات أوروبية ،، لو حد عاوز استفسار منهم يكتبلي في كومنت :
١ - رخصة سواقه دولية مترجمة من نادي السيارات خد بالك الحاجات اللي ع النت دي مبتنفعش و كلها مزيفة و غير معترف بيها لو الشركة قبلتها و الشرطة وقفتك هتبقى ليله سوده.
٢ - كريديت كارد مش ديبيت و لا بريبايد و لا الكترون
٣- طبعا إثبات محل إقامة ، باسبورك يغني عنه.
طيب تمام اصعب حاجه دلوقتي ال الكريديت كارد ، لانها مش سهلة تطلع ، انت ممكن تحط وديعه باي مبلغ ف بنك و تطلع كريديت كارد بضمنها ،
الفيزا المصرية بتاعت ال ATM متنفعش
لازم تعرف ٣ حاجات
ال CDW و دا لو عملت لقدر الله حادثه و خبطت العربية المفروض أنه بيكون كڤر تأمين بس بيكون فيه Excess حوال ١٠٠٠ أو ٢٠٠٠ يورو يعني لو التصليح هيكلف ميت الف هتدفع ٢٠٠٠ يورو و لو هيكلف ٥٠٠ هتدفع ال ٥٠٠.
و الديبوسيت
و دا زيادة عن تمن التأجير غالبا بيكون ف حدود ٣٠٠ يورو و بيتقفلوا ف الفيزا لحد ما ترجع العربية و تكون التانك مليان و نضيفه و مفيهاش مشاكل.
و التأمين
التأمين تبع شركة التأجير نفسها راحة طبعا بس غالبا بيكون مبلغ خيالي حوالي ٢٥ يورو ف اليوم ،، ممكن تشتري تأمين من شركة تانية ب ٣ يورو ف اليوم و لو حصل مشكلة ، الشركة بتردلك اللي انت دفعته.
عمليات النصب اللي بتحصل
١- اتاكد أن التانك مليان.
٢- اتاكد أن السعر شامل الضريبة.
٣- صور العربية قبل ما تستلمها و صمم تكتب كل حاجه فيها لو فيها خدش حتى واحد.
٤- و انت بترجع العربية ، صورها فيديو و صور التانك.
٥- إلحاح الموظف ع أنه يبيعلك التأمين لو شايف انك مش محتاجه و هتقدر تمشي نفسك سيبك منه و جيب الرخيص بس ف حاله لو حصل حاجه.
٦- اوعى تدخن ف العربية أو ترجعها متبهدله هيخصم من الديبوسيت ١٠٠ يورو ، و يقلك اصلها احتاجت تنضيف مش عارف ايه.
٧- لو عملت مخالفة حاول تدفعها انت لان الشركة لو دفعتها هتخصم بتاع ٥٠ يورو مصاريف إدارية من فيزتك.
٨- الشركة ليها الحق انها تخصم من فيزتك لمدة سنة قدام ف حال لو كنت عملت اي مخالفه في دولة تانية.
٩- متحولش تشتري اضافات زي GPS مثلا هتلاقي تمنه ٩ يورو ف اليوم يعني لو مأجر ١٠ ايام بتمن واحد جديد.
١٠- بيت آند سويتش .. انك تاجر عربيه فيات ٥٠٠ مثلا و تروح تلاقيه مديك سمارت و يقولك نفس الجروب و هشرح الموضوع دا باستفاضة.
انواع العربيات
لو انت لوحدك أو معاك شخص واحد بس خليك ف العربيات الميني اللي زي Fiat 500
لو معاك مثلا طفلين ممكن عربية كومباكت زي فولكس جولف مثلا
اسعار البنزين بتختلف من دولة لدولة ،
الديزل مفضل عن البنزين
الديزل متوسط تمنه ١,٢ يورو
البنزين متوسط تمنه ١،٥ يورو
العربيات المانيوال بتشكل ٨٥ ف المية من العربيات ف أوروبا و دا بصراحه بسبب مش معلوم
العربيه الاوتوماتيك غالبا بتبقى ضعف سعر المانيوال.
انت ممكن تجيب عربية ب ٦ يورو ف اليوم بس تلاقيها ب ٣٠ يورو نفسها بس اوتوماتيك.
طيب انا دلوقتي معييش كريديت كارد بس معايا ديبيت " الديبيت اللي ممكن تشتري بيها من ع النت او مكن ال ATM عادي " اتاكد انها كدة و ميكونش مكتوب عليها For electronic use only
ممكن تعمل حساب بنكي ف أوروبا بس مش كل البنوك هتقبلك و الكارت هياخد اسبوع علشان يطلع.
انا هحط تجربتي مع شركة باستخدام فيزا الكترون ، و اصورلكم العربية انا أجرت فيات ،، ٥٠٠ اوتوماتيك ,, ٢٠١٧ عامله ٥٠٠٠ كيلو لمدة ١٠ ايام و بتأمين من الشركة و كله ب ١٩٠ يورو + ٥٠ يورو بس ديبوسيت , يا ريت لو حد عنده استفسار يقول ، انا بس مستني لما اخلص مدة الايجار علشان لو ظهرت ليا سلبيات اكتبهلكم مع الإيجابيات طبعا و فين تلاقي ارخص سعر.
الناس اللي عاوزه استفسار ياريت تحطوه علشان اجاوبه ف الڤيديو و الناس اللي أجرت ياريت تشارك معانا.
تأجير العربيات في أوروبا هيوفر عليك كتير اوي اوي ، خصوص لو كنت هتقعد ف كل مدينه يومين مثلا و تروح ع اللي بعدها ،
طب انت محتاج ايه :
انا هتكلم للناس بتوع السياحه اللي معهمش إقامات و لا جنسيات أوروبية ،، لو حد عاوز استفسار منهم يكتبلي في كومنت :
١ - رخصة سواقه دولية مترجمة من نادي السيارات خد بالك الحاجات اللي ع النت دي مبتنفعش و كلها مزيفة و غير معترف بيها لو الشركة قبلتها و الشرطة وقفتك هتبقى ليله سوده.
٢ - كريديت كارد مش ديبيت و لا بريبايد و لا الكترون
٣- طبعا إثبات محل إقامة ، باسبورك يغني عنه.
طيب تمام اصعب حاجه دلوقتي ال الكريديت كارد ، لانها مش سهلة تطلع ، انت ممكن تحط وديعه باي مبلغ ف بنك و تطلع كريديت كارد بضمنها ،
الفيزا المصرية بتاعت ال ATM متنفعش
لازم تعرف ٣ حاجات
ال CDW و دا لو عملت لقدر الله حادثه و خبطت العربية المفروض أنه بيكون كڤر تأمين بس بيكون فيه Excess حوال ١٠٠٠ أو ٢٠٠٠ يورو يعني لو التصليح هيكلف ميت الف هتدفع ٢٠٠٠ يورو و لو هيكلف ٥٠٠ هتدفع ال ٥٠٠.
و الديبوسيت
و دا زيادة عن تمن التأجير غالبا بيكون ف حدود ٣٠٠ يورو و بيتقفلوا ف الفيزا لحد ما ترجع العربية و تكون التانك مليان و نضيفه و مفيهاش مشاكل.
و التأمين
التأمين تبع شركة التأجير نفسها راحة طبعا بس غالبا بيكون مبلغ خيالي حوالي ٢٥ يورو ف اليوم ،، ممكن تشتري تأمين من شركة تانية ب ٣ يورو ف اليوم و لو حصل مشكلة ، الشركة بتردلك اللي انت دفعته.
عمليات النصب اللي بتحصل
١- اتاكد أن التانك مليان.
٢- اتاكد أن السعر شامل الضريبة.
٣- صور العربية قبل ما تستلمها و صمم تكتب كل حاجه فيها لو فيها خدش حتى واحد.
٤- و انت بترجع العربية ، صورها فيديو و صور التانك.
٥- إلحاح الموظف ع أنه يبيعلك التأمين لو شايف انك مش محتاجه و هتقدر تمشي نفسك سيبك منه و جيب الرخيص بس ف حاله لو حصل حاجه.
٦- اوعى تدخن ف العربية أو ترجعها متبهدله هيخصم من الديبوسيت ١٠٠ يورو ، و يقلك اصلها احتاجت تنضيف مش عارف ايه.
٧- لو عملت مخالفة حاول تدفعها انت لان الشركة لو دفعتها هتخصم بتاع ٥٠ يورو مصاريف إدارية من فيزتك.
٨- الشركة ليها الحق انها تخصم من فيزتك لمدة سنة قدام ف حال لو كنت عملت اي مخالفه في دولة تانية.
٩- متحولش تشتري اضافات زي GPS مثلا هتلاقي تمنه ٩ يورو ف اليوم يعني لو مأجر ١٠ ايام بتمن واحد جديد.
١٠- بيت آند سويتش .. انك تاجر عربيه فيات ٥٠٠ مثلا و تروح تلاقيه مديك سمارت و يقولك نفس الجروب و هشرح الموضوع دا باستفاضة.
انواع العربيات
لو انت لوحدك أو معاك شخص واحد بس خليك ف العربيات الميني اللي زي Fiat 500
لو معاك مثلا طفلين ممكن عربية كومباكت زي فولكس جولف مثلا
اسعار البنزين بتختلف من دولة لدولة ،
الديزل مفضل عن البنزين
الديزل متوسط تمنه ١,٢ يورو
البنزين متوسط تمنه ١،٥ يورو
العربيات المانيوال بتشكل ٨٥ ف المية من العربيات ف أوروبا و دا بصراحه بسبب مش معلوم
العربيه الاوتوماتيك غالبا بتبقى ضعف سعر المانيوال.
انت ممكن تجيب عربية ب ٦ يورو ف اليوم بس تلاقيها ب ٣٠ يورو نفسها بس اوتوماتيك.
طيب انا دلوقتي معييش كريديت كارد بس معايا ديبيت " الديبيت اللي ممكن تشتري بيها من ع النت او مكن ال ATM عادي " اتاكد انها كدة و ميكونش مكتوب عليها For electronic use only
ممكن تعمل حساب بنكي ف أوروبا بس مش كل البنوك هتقبلك و الكارت هياخد اسبوع علشان يطلع.
انا هحط تجربتي مع شركة باستخدام فيزا الكترون ، و اصورلكم العربية انا أجرت فيات ،، ٥٠٠ اوتوماتيك ,, ٢٠١٧ عامله ٥٠٠٠ كيلو لمدة ١٠ ايام و بتأمين من الشركة و كله ب ١٩٠ يورو + ٥٠ يورو بس ديبوسيت , يا ريت لو حد عنده استفسار يقول ، انا بس مستني لما اخلص مدة الايجار علشان لو ظهرت ليا سلبيات اكتبهلكم مع الإيجابيات طبعا و فين تلاقي ارخص سعر.
الناس اللي عاوزه استفسار ياريت تحطوه علشان اجاوبه ف الڤيديو و الناس اللي أجرت ياريت تشارك معانا.