طبعا اتكلمتم كتير قبل كده في جزئية السوائل...

[Hesham M Hussein]

طبعا اتكلمتم كتير قبل كده في جزئية السوائل وصعودها للطائرة .. وطبعا انا كان الرأى الأفضل بلاش ..

رحلة النهاردة على خطوط الطيران الرخمة KLM من جنيف أمستردام .. وقت البوركينى سألت الكونتر ينفع اطلع بالبيرفيوم اللي معايا ولا لأ بحيث لو مينفعش احطه في الشنطه اللي على السير .. المهم الأنسة اللي على المونتر طلعته وشافته وورته للاخ اللي في الكونتر التاني .. قال لها مفيش مشكله ..

طلعت للتفتيش والسير .. سألوا فيه سوائل لوشن اي حاجه .. انا قلت فيه بيرفيوم .. اخدته حطته في كيس وقالت اتفضل ..

هل كده اقدر اقول مسموح ؟؟ طبعا لأ القصص كتير بتقول انهم اخدوه من ناس ورموه ..

الخلاصة هي قسم ونصيب ومن شخص لآخر ومن خطوط للتانية.. أسأل الكونتر قبل ما ترفع حاجتك ..

 

[Akram Essam Mohamed]

هما ١٠٠ مل اللى مسموح بيه مش اكتر اللى عاوز يغامر اوك بس معظم المطارات دلوقتى مش بتتساهل حتى و انت مسافر ب هاند باج بس !

 

[Mohamed Torky]

هو من شروط الطيران ممنوع انك تطلع الطيارة بي اي سوائل بس في جزئية غبية برضو أن في السوق الحر ممكن تشتري برفين أو حاجات زجاجية مش مفهوم برضو ليه القانون الغبي دة

 

[Shaimaa Hakim]

انا وقفني ورمي مني علبة زبادي كنت نسياها في شنطتي.

 

[Marwa Salah]

احيانا بيكون فيه موظفين بيغلسوا
انا كنت جايبة صابون مكعبات يعني مش سائل و البيه اخده مني و بمنتهى الكبر راح يرميه و انا اتنطط و في الاخر اداني 2 من الكمية و رمى الباقي و انا اصريت اقوله ايه اللي يسمحلك تاخده في النهاية قاللي السوبرفايزر
استنيتها لحد ماجت و بتقولي زي الشمع قلتلها بس ده صابون ...و في الاخر خلت واحدة من السيكيورتي جابتهولي
الشاهد ان احيانا بتكون سخافة و تسلط من الموظف نفسه ولازم تكون قاري التذكرة و عارف حقك ايه

 

[Lamia Mostafa Ashour]

على فكرة بظروفها كذا مرة طلعت الطيارة ببرفيوم و لا حد سال و لا حد فتش اساسا

 

[Ahmed Elgendy]

طب ما ايه رأيكو نستحمل الكام ساعة دول من غير perfumes

 

[Abdel-Rahman Refaei]

يمكن عدوك علشان مكنش معاك حاجه غير الريحه

 

[Eng M Sabri Alfarra]

القانون انو ليك ١٠٠ مم سوائل فقط... تتمثل في عطور و كرامات مغلقه
اما ماء فلا يسمح ... والسبب انو ايه الي ياكد انو ده ميه و طبعا مش هيقعد يجربها ...

 

[Mahmoud Amin]

100mml bas for each bag or closed box or jar etc

 

[Mostafa Fahmi]

انا شنطتى اتنفضت حرفيا فى مطار فرانكفورت اللعين وجابولى الأمن وخدوا منى ازازة المياه (قالولى يا انت يا هى على الطائرة :-D )و اتعمل تيست كيميكالز على الشنطة وطلع موجب مش عارف ازاى وفى الاخر طلع انذار كاذب ومشيت الحمد لله

 

[Ahmed Osama]

طب متحطها تحت وتريح نفسك

 

[Katy Mina]

Tereza Khalil تعالي احكي تجربتك مع مطار فرنكفورت

 

[Neama Elzibak]

انا بطلع ب الميه والعصير بتاع الاولاد عادى

 

[Mariam Samy El-Shazly]

اشترى دماغك وحطه فى شنطة السفر وخلاص...مهو معروف اى سائل ممنوع على الطيارة

 

[Mostafa Mohamed]

عملو معايا نفس الكلام ..بس طلعت عينه ..كنت عاينه جوه الكوتشي ودخل الشنطه علي السير ٧ مرات عشان يوصله ..في الاخر طلعته بس قالي مفيش مشكله،.. بس اللي عرفته ان المفروض يكون معاك ملي معين ..مش كل الاحجام بتطلع الطياره ..بيبقي مكتوب على موقع الطيران كام ملي ممكن يطلع الطياره .

 

[Jolie Mohamed]

في عدد معين من المللي مسموحلك تطلع بيه انا شخصيا بطلع عادي ب بيرفيوم محدش دايقني قبل كدة الحقيقة

 

[Yusuf A Mahmoud Fahmy]

وقتها قلت جائز والناس اتريقت عليا

 

[Moro Mahmoud]

صح كده هو ده اللى بنقوله ..الموقف لا يخضع لقواعد بس لحسب معرفة موظفى كل شركة للقوانين

 

[Hesham AbuSaif]

هو كل شخص ليه ١٠٠ مل فقط، المغامره هتبقي في الزياده كانو بيرمو للناس التانيه علشان معاهم فوق ال ١٠٠ مل.