مساء الخيرات الطبيعي انك لما بتسافر أى بلد...

  • بادئ الموضوع بادئ الموضوع عبدالرحمن حبت
  • تاريخ البدء تاريخ البدء
عرض العطلة
#121
معلومة كمان بالنسبة ل tax free
لازم تروح مكتب ال tax free وانت معاك الحاجه اللى اشترتها لان الموظف من حقه يشوف الحاجه عشان يتأكد انك مسافر بيها ومن تجربتى انا عملت ال tax free مرات كتير ومره واحده بس اللى طلب يشوف الحاجه .. بس مين يضمن
وعلى فكره حجة ان الحاجه حطتها فى شنطة السفر وعملت خلاص check in غير مقبوله
 
#124
شكرا على البوست المفيد ده ....اسمحلي بشوية توضيح وتعديل لبعض المعلومات .

اولا : استرداد الضريبة لا يكون بالكامل .... الفاتورة حتلاقي عليها مبلغ VAT value added tax او ضريبة القيمة المضافة ومن حقك استرداد حزء منها ...في فرنسا مثلا الضريبة دي 20% وبتسترد بحد اقصى 12% لو تحويل وحوالي 9% لو كاش بعد خصم العمولة .

ثانيا : كل المحلات لازم يكون عندها استمارة استرداد الضريبة لو كان من حقها اضافة الضريبة على فاتورتك ... ....ده قانون وده حقك لو تجاوزت فاتورتك مبلغ معين من المشتريات.

ثالثا : في بعض الدول تكون استمارة استرداد الضريبة الكترونية بمعنى انه يتم تسجيل الفاتورة على ماكينة مثل ماكينة الفيزا ومتصلة بشبكة الشركة الوسيطة والجمارك ويتم طباعة الاستمارة الالكترونية وعليها بار كود . تأكد من قيام المحل بالتوقيع عليها وختمها مع توقيعك ايضا .

رابعا: دائما يكون معاك الباسبور او صورة منه لأن المحل لازم يتأكد من احقيتك في استرداد الضريبة لأنك لو مواطن مثلا في الاتحاد الاوروبي فليس من حقك استرداد الضريبة ويتم ملء بيانات الباسبور ..اسمك ورقم الباسبور ودائما تأكد ان البائع كتب اسمك ورقم الباسبور بشكل صحيح.

خامسا : اثناء ملء الاستمارة بيسألك البائع اذا كنت ستسترد الضريبة كاش ام تحويل ....اذا اخترت الكاش فإن قيمة الاسترداد سوف تكون اقل ....اذا اخترت تسترد على الفيزا فإن البائع بيطلب منك بيانات الفيزا وبيمشيها على الماكينة الالكترونية وبيتم تسجيلها في استمارة الاسترداد الكترونيا.

سادسا : بعض المولات الكبرى بتسمح انك تشتري من كذا محل واذا جمعت مشتريات للحد اللي يسمح لك بالاسترداد فتتوجه الى مكتب خدمة العملاء بالمول وتملى الاستمارة وتعمل كل الخطوات اللي قلت لك عليها .

سابعا : قبل السفر ...قم بتجميع جميع قسائم الاسترداد وقم بتصويرها .

ثامنا : هناك شركات وسيطة مثل جلوبال بلو وبريميير وغيرها .... جمع قسائم كل شركة في الظرف الخاص بكل شركة .
تاسعا: اماكن استرداد الضريبة ومقر الجمارك بيكون دائما في مدخل المطار علشان تخش تسترد وتكشف وبعدين تخلص وتخش على الشيك ان.

عاشرا: توجه بجميع الاستمارات الي ماكينات الكترونية بتستخدم في مسح الباركود الخاص بإستمارة الاسترداد validation. وده يعتبر هو ختم الجمارك بس الكترونيا وبعد مسح الباركود بيطلع لك رسالة ان القسيمة مفعلة ....لو طلع لك رسالة انها مرفوضة ...بتتوجه الي شباك الجمارك ومعاك الباسبور وهم بيعملوا لها تفعيل وممكن يسألوك بعض الاسئلة او يطلبوا يشوفوا المشتريات . اما القسائم المقبولة من الماكينة فخلاص انت كده خلصت والجمارك مش حتراجعها.

بعد كده قدامك حاجة من اثنين حسب طلبك عند الشراء وهو اما استرداد نقدي ففي هذه الحالة بتقف في طابور شركة صرافة مصرح لها برد الضريبة والافضل تستردها بنفس عملة الشراء لأن سعر التحويل بيبقى استعباط رسمي .

او لو كنت مقرر تأخد القيمة على الكريدت كارد فتأخد القسيمة وتحطها في ظرف الشركة الخاص بها وتحطه في صندوق عليه علامة الشركة او تحطه في صندوق البريد العادي وفي حالة الاسترداد بالتحويل بتأخد كل المبلغ دون خصم عمولة كبيرة وفي خلال 3 اسابيع لشهر ولو حصل تأخير بتبعت ابميل للشركة ومعاه صورة الاستمارة وبتسترد فلوسك غصب عن ابوهم لأن الاستمارة اتسجلت برقمها في الماكينة اللي في المطار واخدت موافقة وبقه من حقك الفلوس .

Tip: لما بتستخدم خطوط طيران الدولة اللي رايح لها بتسافر من صالة افضل من الصالات المخصصة للطيران الاجنبي وبتلاقي مفيش ضغط على الجمارك او استرداد الضريبة وكمان السوق الحرة بتبقى اكبر

خش على موقع جلوبال بلو او اي موقع لشركة وسيطة لإسترداد الضريبة ....الموقع بيشرح بكل اللغات ازاي تسترد الضريبة خطوة خطوة بالنسبة لكل بلد وقائمة بكل المحلات اللي بتتعامل بإسترداد الضريبة وعناوينها وكذلك اسماء المولات اللي تقدر تسترد منها الضريبة على مجموع مشترياتك من المول نفسه مش من كل محل .
 
عرض العطلة
عرض العطلة
عرض العطلة
أعلى أسفل
عودة
قائمة