استفسار لو سمحتم انا مقيم فى السعودية و قدمت...

  • بادئ الموضوع بادئ الموضوع كريم جودة
  • تاريخ البدء تاريخ البدء
عرض العطلة
ك

كريم جودة

:: مسافر ::
#1
استفسار لو سمحتم
انا مقيم فى السعودية و قدمت على سياحة لامريكا من حوالى ٦ شهور و اخدت رفض الحمد لله
ناوى اقدم تانى من القاهرة
و بدردش مع صديق مقيم فى امريكا احبطنى و قالى للاسف هتترفض تانى
لازم تغير الجواز لان مش هينفع تقدم بنفس الجواز
و مش عايز احبطك اكتر و اقولك انك لازم تغير اسمك كمان «««««« دة كلامه
انا رديت عليه و قولتله طيب ما هم معاهم بصمتى ....... و من ساعتها مردش
السؤال هنا دلوقت هل بصمتى لو اتاخدت فى دولة معينة بتكون مربوطة عندهم فى كل الدول ( يعنى قدمت فى السعودية مرة ف لما اجى اقدم من مصر هيعرف انى قدمت قبل كدة )
و هل كلام الشخص دة صح و لا غلط
و شاكر جدا لحضراتكم
G8kUx8dMqrOg4Bc9t7X1XwG-eCHHdHUV.jpeg
 
#2
اكيدا البصمة بتبقي في كل السفارت حتي ولو غيرت جوز السفر او اسمك من الافضل تقدم ثاني عادي ويستحسن من نفس البلد عشان حيفهمو انك بتعمل محاولات من كذا سفارة خليك في واحدة عادي الرفض مش نهاية المطاف ليك حق تقدم ثاني بعد ثلاث شهور
 
#3
الشخص دا بطيخة يعنى شغل محمد وقع منى اسمع يا برنس مع واقع خبرتى فى الرفض تغيير اسمه ملوش علاقة بالبظيخ اللى قالهولك صحبك ولا اسمك ولا اى شئ اعرف ناس عن تجربة شخصية ومقابلة معاهم وجها لوجه قدام السفارة فى السعودية الناس اترفضت مرة واتنين وتلاثة وبعدها اخدوا عادى والفيزا الوحيدة اللى ملهاش مقاييس خارج التقديرات لكن هما هيعرفوا انك دخلت من الرياض واترفضن اه هيعرفوا وهيعرفوا سبب الرفض اللى انت نفسك متعرفوش لغايو دلوقت اه لان القنصل بيكون كاتب ملحوظة عن سبب الرفض طيب لو انت قدمت تانى والنقطة دى اتصلحت فى ورقك هيديك تاشيرة اه بنسبة عالية اكيد هيديك لا طبعا مش اكيد لكن لازم يكون ورقك بقا اقوى من المرة الاخيرة اللى انت قدمت فيها ودى على قد معرفتى ولان سيستم امريكا مربوط كله مع العالم كله
 
#4
السلام عليكم
يا جماعة الخير
الاي بيحصل لاغلبية الناس اسمه عدم اعطاء التأشيرة ؛ لان رفض بالمعنى الدارج عندنا يا مصريين انه بلاك ليست وكون ان سعدتك مخدتهاش اول مرة يبقى متقدمش تاني ؛ قدم عادي مرة تانيه وكمان دون ارتباط بوقت في اي معاد يتحددلك حتى لو بعدها باسبوع
والله الموفق
 
عرض العطلة
#6
زبط ورقك كويس وقدم تانى من السعوديه وان شاء الله تتقبل ولو رحت قدمت من اى مكان تانى حيعرفوا انك اخدت رفض قبل كده
 
#8
و لا تغير جواز و لا اى حاجه من الهبل ده و نصيحه متقدمش تانى الا لو وضعك اتغير غير كده لو غير الجنس نفسه و قدمت من المريخ هتترفض برضه
 
#9
اه طبعاً لازم تغير جواز سفرك وتضرب اسم جديد ومن الافضل تنتحل شخصية تاجر مخدرات كولومبي تاب وحالياً عايش ف انجولا بس انت هتبقا ذكي وتعمل محل الإقامة في ريف تايلاند وتستخبي هناك. ربنا معاك ويعينا على الي بنقراه ده جبتولنا الضغط

**صاحبك ده منين ف امريكا؟ بيقولوا الحشيش في كولورادو حوار
 
#10
لو سمعت كلام صحبك مش حتدخل امريكا نهائي لأنهم حيشكوا فيك في حالة تغيير الجواز والاسم أوعي تعملها باين ان صحبك دا بيحبك اوي او غبي
 
عرض العطلة
#13
البلاد اللي عايزه فيزا وقرف ووجع دماغ قبل السفر نخليها للضرورة.. ... نروح اندونيسيا وماليزيا والمالديف والاكوادور واي بلد جميلة بترحب بالمصريين من غير وجع دماغ
 
#14
القصة كلها انك رايح تقدم علي فيزا سياحة معناها اني عاوز اروح عندكم اهيص و اهيس و اصرف فلوس، هما بيبصوا في ورقك و بيقولولك معلش يا حاج احنا شاكين فيك و مش مصدقينك و لو علي فلوسك مش عاوزينها يا عم. انما انت تقوم تصر و تروح تقدم خلال ٦ شهور او اقل من سنة تاني كدة انت بتضعف موقفك اكتر لانك لحوح و هما بيشكوا في نفسهم. كمان لو سالوك انت قدمت قبل كدة ممكن يكونوا هم عارفين انك مرفوض قبل كدة و لو حضرتك قلتلهم لا انا مقدمتش كدة خلاص انت اتعلم عليك انك كداب و مش هتاخد الفيزا مهما قدمت.
 
عرض العطلة
#17
ف البداية صاحبك ده ما عندوش فكرة عن اي حاجة
ثانيًا قدم تاني وادرس ورقك كويس وحاول تعرف كان ايه سبب الرفض .. عشان تتلافاه وان شاء الله تاخدها .. بس لو تقدر تقدم م السعودية افضل
 
#18
انت لو كدبت هتترفض عشان كذبت السفارات مبتحبش الكذب وقدم تاني عادي خالص مش هيقلل موقفك وفيه ناس بتتقبل من المرة الخامسة والسادسة بس زي مقولتلك متنكرش انك اترفضت قبل كدة وبأذن الله هتاخدها
 
#19
انا قدمت من سنتين و اترفضت .. قدمت السنادي واخدتها عادي جدا .. لا غيرت باسبور ولا اسم ولا اي بتنجان .. كنت بس سافرت كتير خلال السنتين دول
 
#20
فيزا.امريكا بالذات ملقاش قاعده،،يعني ممكن تقدم تاني بورق اقل من القديم وتتقبل، وممكن تقدم تاني وتالت وعاشر حتي لو اترفضت مفيش اي مشكله
 
عرض العطلة
عرض العطلة
عرض العطلة
أعلى أسفل
عودة
قائمة