M
Mandela Mando
:: مسافر ::
انا قدمت علي تأشيرة الشنجن وطبعا عملت كل الاوراق المطلوبة وكنت مقدم تبع مكتب vfs جلوبال وعملت حجز مؤكد للفندق من علي بوكينيج قابل للالغاء المجاني قبل الوصول بيومين وبعدها عملت مقابلة السفارة واستنيت الرد. بعد المقابلة بكام يوم بفتح الميل بتاعي لاقيت ان حجز الفندق اللي عملته اتلغي لأني كنت عامله بفيزا منتهية ودي كانت غلطة مش مقصوده لان رقم الفيزا كارد متسجل علي ابليكيشن بوكينج وكمان معاه ارقام فيز تانيه. المهم حاولت ارجع الحجز تاني بنفس رقم التأكيد منفعش لأنه اتلغي نهائي فعملت واحد تاني في نفس الوقت والمواعيد والبيانات بس رقم التأكيد اتغير . بعدها ب٣ ايام اتصلوا بيا في السفارة علشان اني لغيت الحجز فهما لغوا الفيزا وطبعا انا كنت لسه مااستلمتش الباسبور من مكتب vfs جلوبل ولا اعرف حتي اني اخدت الفيزا. روحت النهارده و طبعت رساله الفندق أنهم لغوا الحجز علشان الفيزا كارد منتهية الصلاحية مش انا اللي لغيت وكمان طبعت الحجز الجديد اللي عملته وروحت اخد الباسبور بتاعي من مكتب vfs جلوبال ولاقيتهم وافقولي علي الفيزا. روحت السفارة بكل الاوراق والباسبور علشان افهمهم ان مش انا اللي لغيت الحجز محدش رضي يسمع مني وادوني ورقة فيها سبب الرفض ومضيت عليها ومافيش قدامي غير اني اعمل تظلم. مع العلم دي الفيزا علي الباسبور دلوقتي والسفارة ماختمتش عليها الغاء بس قالولي انها موقوفة من علي السيستم. مش عارف اعمل ايه دلوقتي وايه الحل
