G
George Nabil
:: مسافر ::
ناس كتير أوى خايفة من أنها تحجز على أير بى أن بى Airbnb
هاحيكلكم ملخص تجاربى فى خلال السنة اللى فاتت بس باختصار شديد بعد إذن الأدمن
الموضوع بكل بساطة أنها نفس فكرة الأوبر ( مع أختلاف الخدمة المقدمة )
الناس اللى برة اللى مخهم سم أكتشفوا ان فى ناس سايقة عربيات كتير جدا" و بتبقى فاضية , فوفقوا راسين فى الحلال انت تركب عربية حلوة بنصف سعر التاكسى و السائق مستفيد انه يقلل من مصاريفه
نفس القصة فى اير بى ان بى
ناس كتير جدا" عندها بيوت او شقق و مليانة غرف فاضية
فى المقابل ناس كتير جدا" محتاجة غرفة فنادق و شركات الفنادق و شركات الحجز بتلعب بيهم كورة فى الاسعار
هنا اير بى ان بى اتدخلت و وصلت ده بده
وصلت الغرف الفاضية دى بالناس اللى محتاجينها
ايه الضمان ان محدش يضايقنى ؟
أولا" مفيش حاجة فى الدنيا مضمونة 100% حتى حياتنا مش مضمونة
ثانيا" الشخص اللى مأجرلك الغرفة ده مش من مصلحته أنه يأجرهالك يوم واحد و يغلس عليك ( يرمى قشر لب عليك و انت نايم مثلا" !! او يعلى التليفزيون أوى علشان يقرفك !) لا يافندم حضرتك الراجل أو الست دى محتاجة فلوس مستمرة ( كاش فلو ) Cash flow تساعدهم على تدبر معيشة حياتهم فى ظل ارتفاع اسعار- ضرايب - Mortgage أو قسط البيت بالترجمة العربية
ليه ؟
أغلب الناس برة مستقلين ماديا" و معنويا" و نفسيا" من سن 16 سنة . فى اختلافات بسيطة لكن بتكلم عن الاغلبية . بلاش ندخل فى مواضيع زى احنا احسن او هم أحسن ده شغل أطفال هايفتح مناقشات سوفسطائية مالهاش اى لازمة فى الحياة هاتضيع وقتك الغالى و تملاك طاقة سلبية
المهم الناس دى بيعرضوا الغرف دى بأسعار أقل بكتير من سعر الفندق ( مع ملاحظة طبعا" عدد الأفراد )
يعنى محدش يقولى انا شفت فندق فى مونتريال على بوكنج بخمسين دولار فى الليلة ارخص من اير بنب بتاعك ده _ اقوله حضرتك ملاحظتش ان ده اشخص واحد
لكن لو ايربنب أفضل لأنك ممكن تلاقى نفس السعر او اقل 40 دولار مثلا" بس لشخصين أو تلاتة
ثالثا" أزاى أضمن ان الشخص ده مش هايخدرنى و يشربنى حاجة أصفرة و يسرق الساعة؟
حضرتك هو حاطط معلومات البنك الخاصة به ( علشان يقبض)
و حضرتك حاطط رقم الكريديت كارد
الناس اللى ماتعرفوش ان دى مش مجرد حفظ للحقوق المالية فقط , لكن المعلومات البنكية تستخدم عند اللذوم لتتبع الشخص لو حصلت منه مشكلة ( محاولة سرقة الساعة مثلا" المذكورة أعلاه ! )
رابعا" حضرتك بتقيم صاحب المكان و هو بيقيمك ( زى اوبر تمام )
نصيحتى عامة لأى شخص سواء ولد أو بنت أنك تختار واحد/ة واخد تقييمات حلوة كتير قبل كدة
لو عرفت تستخدم الموقع ده صح انت ممكن توفر الافات بمعنى الكلمة و تقلل التكلفة الأجمالية للرحلة
واحد تانى هايقولى كاوتش سرف ببلاش خالص !
هقولك كاوتش سرف معناه انك تبيت ليلة او ليلتين بالكتير على كنبة
لو هو ده مفهومك للأستمتاع بالخصوصية يبقى عيش و استمتع , كل واحد ليه نظرته المختلفة للحياة
هاحيكلكم ملخص تجاربى فى خلال السنة اللى فاتت بس باختصار شديد بعد إذن الأدمن
الموضوع بكل بساطة أنها نفس فكرة الأوبر ( مع أختلاف الخدمة المقدمة )
الناس اللى برة اللى مخهم سم أكتشفوا ان فى ناس سايقة عربيات كتير جدا" و بتبقى فاضية , فوفقوا راسين فى الحلال انت تركب عربية حلوة بنصف سعر التاكسى و السائق مستفيد انه يقلل من مصاريفه
نفس القصة فى اير بى ان بى
ناس كتير جدا" عندها بيوت او شقق و مليانة غرف فاضية
فى المقابل ناس كتير جدا" محتاجة غرفة فنادق و شركات الفنادق و شركات الحجز بتلعب بيهم كورة فى الاسعار
هنا اير بى ان بى اتدخلت و وصلت ده بده
وصلت الغرف الفاضية دى بالناس اللى محتاجينها
ايه الضمان ان محدش يضايقنى ؟
أولا" مفيش حاجة فى الدنيا مضمونة 100% حتى حياتنا مش مضمونة
ثانيا" الشخص اللى مأجرلك الغرفة ده مش من مصلحته أنه يأجرهالك يوم واحد و يغلس عليك ( يرمى قشر لب عليك و انت نايم مثلا" !! او يعلى التليفزيون أوى علشان يقرفك !) لا يافندم حضرتك الراجل أو الست دى محتاجة فلوس مستمرة ( كاش فلو ) Cash flow تساعدهم على تدبر معيشة حياتهم فى ظل ارتفاع اسعار- ضرايب - Mortgage أو قسط البيت بالترجمة العربية
ليه ؟
أغلب الناس برة مستقلين ماديا" و معنويا" و نفسيا" من سن 16 سنة . فى اختلافات بسيطة لكن بتكلم عن الاغلبية . بلاش ندخل فى مواضيع زى احنا احسن او هم أحسن ده شغل أطفال هايفتح مناقشات سوفسطائية مالهاش اى لازمة فى الحياة هاتضيع وقتك الغالى و تملاك طاقة سلبية
المهم الناس دى بيعرضوا الغرف دى بأسعار أقل بكتير من سعر الفندق ( مع ملاحظة طبعا" عدد الأفراد )
يعنى محدش يقولى انا شفت فندق فى مونتريال على بوكنج بخمسين دولار فى الليلة ارخص من اير بنب بتاعك ده _ اقوله حضرتك ملاحظتش ان ده اشخص واحد
لكن لو ايربنب أفضل لأنك ممكن تلاقى نفس السعر او اقل 40 دولار مثلا" بس لشخصين أو تلاتة
ثالثا" أزاى أضمن ان الشخص ده مش هايخدرنى و يشربنى حاجة أصفرة و يسرق الساعة؟
حضرتك هو حاطط معلومات البنك الخاصة به ( علشان يقبض)
و حضرتك حاطط رقم الكريديت كارد
الناس اللى ماتعرفوش ان دى مش مجرد حفظ للحقوق المالية فقط , لكن المعلومات البنكية تستخدم عند اللذوم لتتبع الشخص لو حصلت منه مشكلة ( محاولة سرقة الساعة مثلا" المذكورة أعلاه ! )
رابعا" حضرتك بتقيم صاحب المكان و هو بيقيمك ( زى اوبر تمام )
نصيحتى عامة لأى شخص سواء ولد أو بنت أنك تختار واحد/ة واخد تقييمات حلوة كتير قبل كدة
لو عرفت تستخدم الموقع ده صح انت ممكن توفر الافات بمعنى الكلمة و تقلل التكلفة الأجمالية للرحلة
واحد تانى هايقولى كاوتش سرف ببلاش خالص !
هقولك كاوتش سرف معناه انك تبيت ليلة او ليلتين بالكتير على كنبة
لو هو ده مفهومك للأستمتاع بالخصوصية يبقى عيش و استمتع , كل واحد ليه نظرته المختلفة للحياة
