دلوقتي انا قدمت على تاشيرة سياحه للمملكه...

[AhMed Elasele]

دلوقتي انا قدمت على تاشيرة سياحه للمملكه المتحدة عشان رايح مسابقه عالميه هناك يوم ٢٠ الاسبوع الجاى وبعتولى خطاب الدعوه وبعت مع ابلكيشن التسجيل شهاده الميلاد والدعوة من المسابقة فى بريطانيا وافادة قيد من المدرسة مختوم بختم النسر انى لسه طالب وخطاب الدعم من موسسة مصر الخير مكتوب فيه انها هتدفع تكاليف السفر والاقامة وتذاكر الطيران والتاشيرة والمصاريف الشخصيه وممضى على الخطاب من رئيس القطاع ومختوم.
‎رحت النهردا استلم الجواز لقيت انى اترفضت والسبب عشان مبعتش اثبات ان مصر الخير معاها فلوس تقدر تدفع مع انها مؤسسه كبيره ومعروفه ومقدم خطاب ممضى منها انهم هيدفعوا
ايه العمل خصوصا ان فاضل اسبوع على المسابقه وكمان معايا تذاكر الطيران وحجز الفندق

 

[Hend Salem]

مصر الخير مؤسسة كبيرة و معروفة بالنسبة لنا ... لكن مش معروفة بالنسبة لهم خصوصا انك ماقدمتش مع الورق غير خطاب منهم فقط لكن مافيش دليل على قدرتهم المادية ... يعنى لا كشف حساب و لا سجل تجارى لهم او مايثبت انهم مسجلين و لهم نشاط و راس مال
للاسف انجلترا مافهاش تظلم
هتضطر تقدم تانى و لان مافيش وقت بتقدم على خدمة priority بتاخد ٥ ايام من تاريخ التقديم بس غالية شوية

 

[Mahmoud R. El Nakeeb]

محمد مجدي العدل 2olo kda enta 3mlt eeh

 

[محمد مجدي العدل]

حاول تقدم تاني بس تجيب ما يثبت ان الجمعية دي معاها فلوس بمعنى سجل تجاري مثلا لأنك غالباً مقدمتش ما يثبت ان معاهم فلوس و زي ما أستاذة هند بتقول هي لو معروفة لينا مش معروفة ليهم و قدم ع الخدمة المستعجلة بقى

 

[Shady Ezz]

الحلو في سفاره بريطانيا شارحه بالتفصيل سبب الرفض علشان ما نقعشي فيه تاني
ممكن تجيب كشف حساب الاب او الام وورقه تبين فيها انه ولي الامر متكلف بكافه المصاريف واي مسائله قانونيه يوقع عليها مع ارفاق صوره الجواز اوي امرك صوره الاولي وصوره التوقيع مطابق للتوقيع عل الخطاب
هتلاقي نمازج كتير عن النت
بالتوفيق

 

[Shady Ezz]

هل ينفع ان مصر الخير تخاطب السفاره ان عندنا طلاب عايزين نسفرهم عل حسابهم ممكن تسال في الموضوع ده اكيد عندهم شوون قانونيه

 

[Mohamed Ramadan]

معلش سؤال
هي مؤسسة مصر الخير بتصرف فلوسها على مسابقات

 

[Arnold Esperanza]

Better luck next time my friend...