السلام عليكم عايز اخد رايكم في حاجة انا مصري...

[Ahmed Saleh]

السلام عليكم
عايز اخد رايكم في حاجة انا مصري مقيم بالسعودية من عشر سنوات معاي زوجتي و ثلاث اولاد اكبرهم 6سنوات تعبت نفسياً من السعودية ومن الخليج عموماً وضعي الوظيفي ممتاز حالتي المادية جيدة والحمد لله اقدر اخد تأشيرة شنجن بسهولة لاي بلد في اوروبا او حتى كندا او امريكا
مش عايز ارجع مصر وعايز اسيب الخليج عمري 38سنة
كلمت احد اصدقائي مقيم في المانيا قالي هات تأشيرة شنجن وتعال المانيا ونعمل لك هنا طلب لجوء سياسي وفي محامي يتولي الموضوع
ويعمل لك لجوء لحد ما تاخد الاقامة الدائمة وشوية تاخد الجنسية بعد فترة زمنية ممكن 8سنوات وتعلم الماني وممكن تعمل شغل خاص بك
ايه رأيكم هل الكلام هذا صحيح ام ماذا؟

 

[Shehab Fazzani]

صحيح لحد المحامي لو معكش اسباب قوية تمنعك من مصر هتتقبل فورا بص انتا روح جرب تمام وشوف المحامي ممكن فعلا يجبلك لجوء وتعمل لم شمل وفي تلك الحالتين محدش بيتعلم ببلاش

 

[محمود عويضة]

متابع

 

[Mohamed Fouad Serag]

المشكله انهم ممكن يرفضوا طلب اللجوء ويرحلوك وفي الحاله دي تبقي ضاعت السعوديه وقعدتك في المانيا هتبقي صعبه

 

[Shaimaa Zaki]

بتمني الدنيا تبقي سهله زى ماحضرتك مببسطها اوى في الشرح كدا .. بس هي مش بالبساطة دى

 

[Ayman Sourial]

روح كندا

 

[Yasmina SH]

لجوء سياسي على أساس اية؟ مصر مفيهاش حرب وواضح من اسم حضرتك انك مسلم .. المسيحيين امورهم تمشي اسهل بلس لجوء سياسي يعني لازم تكون بلادك فيها حرب تمنعك من
الرجوع لها او مثلا مسيحي فتستغل احداث الارهاب وتقول ان البلد خطر والمسيحيين في خطر او عليك حكم اعدام مثلا هي دي أسباب اللجوء السياسي ... مش هينوبك غير انك هتروح ترفع قضية اللجوء الي بتعد سنة او اكثر وخلال المدة دي هتخسر إقامتك في السعودية وفِي الاخر اللجوء هيترفض

 

[Reham Elsamar]

لجوء سياسي لا لجوء ديني ممكن في وضعك لا

 

[Mostafa Tata]

عليك مشاكل متقدرش ترجع بلدك عشان في خطر علي حياتك روح اعمل لجوء ويكون معاك دليل مفيش بقي حاجه وكلة تمام خليك مكانك ها تتبهدل علي فاضي ومفيش جو محامي ده اصلا

 

[Adel Ammar]

المانيا بدأت تشدد جدا على موضوع اللاجئين عشان المشاكل واهى عماله تعمل مؤتمرات عشان توقف الهجره ليها
انت ممكن تشوف اى دوله من الى عندها fast entry كندا الدنمارك استراليا وهكذا خش بكرامتك افضلك انت عندك عيال والحمدلله مش لازم تتمرمط جرب قدم واديك ماشى فى شغلك حاول يمين وشمتل وهنا وهنا وهنا لحد مايجيلك حاجه جتلك انهارده فل وبركه مجتش اديك فى شغلك زحياتك ماشيه وظبط اجراءاتك اكتر وقدم تاتى وفى مكان تانى بكره لحد ما تظبط معاك اظن كده اكرملك انت ومراتك وولادك
ربنا يويع عليك وييسرلك

 

[Hussien Khatab]

اكتر حاجه معاك فيها انك تعبت نفسيا من السعودية ... بس جرب تروح دبي زيارة وشوف الوضع هناك دبي ممكن تلاقي فيها اماكن جو اوروبي ... وخبرتك في السعودية هتفيدك جدا في انك تلاقي شغل بوضع كويس ... وبالتوفيق في الحالتين

 

[Amany Salem]

وانت بتسأل لسه

 

[Mohamed Soliman]

ايه الى مضايقك عندك مفهمتش يمكن ندلك على بديل

 

[Mohamed Mohamed]

طب والعيال ؟

 

[Mohamed H. Radwan]

رايي متجسش مصر
غير كدا الخليج فلوسها اكتر من غيرها

 

[Mohamed Soliman]

روح قطر او تركيا قولهم انا اخوانى و مطارد او اشترى شقه فى تركيا تاخد اقامه و عيش هناك بقى

 

[Mohamed Harash]

هاقولك علي حاجة لو وضعك كويس في الخليج يبقي خليك هناك احسن اما لو حبيت تروح اوروبا يبقي فعلا المانيا بس هاتتعب اول سنتين كتير وبعدين ترتاح وممكن تظبط من مصر ورقة بحكم محكمة سياسي علشان يقبلوا اللجوء لان اول سنة هايقبلوك لغاية ماتثبت انك تستحق وطبعا هاتقعد سنة او اكتر من غير شغل واول ست شهور هاتقعد في كامب مشترك وهاتاخد مصاريف بس ...عموما معاناة في الاول للي يقدر يتحمل

 

[Amina Osman]

ياجماعهً خروج الناس من الخليج مش بايدها ...الخليج بيسرح الناس عشان بس الناس فاكره ان الموضوع اختياري ...الخليج بيشطب وازمات واكيد بيدور علي بديل زي كل الناس هناك ...وسنه خلاص غير مناسب للهجرة

 

[Toaa Shereef]

عين العقل ياابنى والله .. ربنا يوفقك

 

[Abdo Qassem]

M