K
Khaled Hafez
:: مسافر ::
التخييم في بلو لاجونا
لو انت من هواة التخييم فالمكان ده مناسب جدا ليك .. مكان ساحر بكل المقاييس .. بحيرة صغيرة علي خليج العقبة وفي ضهرك الجبال علي طول .. مكانها في مدينة دهب علشان تروحها هتركب مركب لمدة تلت ساعه من البلوهول وبعدين هتاخد عربية لمدة ربع ساعه .. هتنزل في مخيم مبني بجريد النخل وفيه غرف من البوص لو حبيت مكان تبات فيه .
ميزة المكان
- مفيش اشارة اي شبكة من شبكات المحمول وبالتالي هتضمن محدش قاعد ماسك موبايله في ايده ومشغول بيه .
- مفيش كهربة في المكان غير بطاريات طاقه شمسيه وبالتالي هتشوف شكل السما والنجوم بشكل عمرك ماشوفته قبل كده .
- المكان فيه طاقه ايجابيه وسحر هتحس بيه من اول ما تقعد .
- هدوء جميل ومنظر البحيرة رائع .
- الأمان هناك كبير جدا رغم ان مفيش فرد امن واحد حتي .
- الاسعار رخيصه جدا
العيوب
- الكافيتريات هناك مفيهاش بوفيهات فلازم تجيب سناكس او معلبات معاك للعشا لكن الغدا متوفر
- المشوار بالمركب للمكان صعب شويه للحوامل او اللي عنده دوار بحر لكن الرحلة امان في البحر .
- مفيش شبكات غير في اماكن معينه فالتواصل مع الاهل او الاصدقاء هيكون محدود
- مستوى الغرف مش فندقي خالص عبارة عن مرتبه علي الارض ومخدة وبطانيه فيناسب الشباب اكتر من العائلات .
- الميه هناك صعبة شوية فمش لازم تاخد شاور كامل
الاسعار رخيصه جدا انتقالات رايح جاي هتكلفك في حدود 150 جنيه .. سعر الكوخ 50 جنيه في الليله .. وجبة الغدا 50 جنيه ..واسعار المشاريب من الكافيتريا زي اي كافيه في القاهره .
اي حد محتاج استفسار او مساعده انا عايش في دهب وهاساعده باللي اقدر عليه
لو انت من هواة التخييم فالمكان ده مناسب جدا ليك .. مكان ساحر بكل المقاييس .. بحيرة صغيرة علي خليج العقبة وفي ضهرك الجبال علي طول .. مكانها في مدينة دهب علشان تروحها هتركب مركب لمدة تلت ساعه من البلوهول وبعدين هتاخد عربية لمدة ربع ساعه .. هتنزل في مخيم مبني بجريد النخل وفيه غرف من البوص لو حبيت مكان تبات فيه .
ميزة المكان
- مفيش اشارة اي شبكة من شبكات المحمول وبالتالي هتضمن محدش قاعد ماسك موبايله في ايده ومشغول بيه .
- مفيش كهربة في المكان غير بطاريات طاقه شمسيه وبالتالي هتشوف شكل السما والنجوم بشكل عمرك ماشوفته قبل كده .
- المكان فيه طاقه ايجابيه وسحر هتحس بيه من اول ما تقعد .
- هدوء جميل ومنظر البحيرة رائع .
- الأمان هناك كبير جدا رغم ان مفيش فرد امن واحد حتي .
- الاسعار رخيصه جدا
العيوب
- الكافيتريات هناك مفيهاش بوفيهات فلازم تجيب سناكس او معلبات معاك للعشا لكن الغدا متوفر
- المشوار بالمركب للمكان صعب شويه للحوامل او اللي عنده دوار بحر لكن الرحلة امان في البحر .
- مفيش شبكات غير في اماكن معينه فالتواصل مع الاهل او الاصدقاء هيكون محدود
- مستوى الغرف مش فندقي خالص عبارة عن مرتبه علي الارض ومخدة وبطانيه فيناسب الشباب اكتر من العائلات .
- الميه هناك صعبة شوية فمش لازم تاخد شاور كامل
الاسعار رخيصه جدا انتقالات رايح جاي هتكلفك في حدود 150 جنيه .. سعر الكوخ 50 جنيه في الليله .. وجبة الغدا 50 جنيه ..واسعار المشاريب من الكافيتريا زي اي كافيه في القاهره .
اي حد محتاج استفسار او مساعده انا عايش في دهب وهاساعده باللي اقدر عليه