محتاجه مساعدتكوا ضرورى لان التفاصيل كتيره و...

[Kholoud K Afify]

محتاجه مساعدتكوا ضرورى لان التفاصيل كتيره و انا تايهه
انا ظبط رحله لتركيا من 22/9 ل 29/9 و الاسعار معقوله بس عندى كام سؤال لانى طلعت قبل كده من 3 سنين بس تبع شركه سياحه بس دلوقتى هطلعها انا وجوزى بدون شركه عشان اقلل التكاليف
احجز ازاى على skyscanner و booking وانا مش معايا visa او credit card
وهل الحجز بتاع booking لما بيقول انى ادفع هناك بيكون مؤكد واسافر على اساسه ولا ايه؟؟
بعد ما بحجز الفندق او التذاكر بيكون معايا confirmation ولا بتأكد ازاى ان كله تمام
كمان الفيزا اطلعها بنفسى ازاى و اعمل ايه قبل ايه يعنى احجز الطيران و الفندق الاول ولا الفيزا الاول
الباسبور بتاعى هينتهى اخر 9 كده هيكون محتاج يتغير قبل ما اسافر صح؟
ابدأ احجز دلوقتى ولا لسه بدرى؟؟
التصريح الامنى ايه شروطه و بيطلع ازاى ؟
ساعدونى بليييز انا تايهه
الرحله اتكلفت 13000 لينا احنا الاتنين لو حد عايز تفاصيل اكتر اقوله
شكرااااا

 

[Moutaz Mohamed]

Gamal Abdelmeged

 

[Rehab El Masry]

واحدة واحدة كده:
١-الباسبور: لازم يكون صالح لست شهور من تاريخ الرجوع في اغلب الدول، فجديديه الاول
٢- دلوقتي فيزة تركيا لزملها معاد مسبق، ادخلي على الويبسايت بتاعهم هتلاقي كل التفاصيل امشي معاها واحدة واحدة
٣- booking بيبعتلك ايميل بتأكيد الحجز، انا عمري ما حجزت من غير كردت كارد بس كنت بحجز من اسبوع و اخدت بالي ان في اوبشن حجز من غير فيزا بس مجربتوش
٤- اعتقد صعب تحجزي على سكاي سكانير او اي ويبسايت من دول من غير فيزا، احسنلك احجزي مع مصر للطيران و ادفعي بالمصري او مكتب الطيران التركي بدل متدفعي عمله بالكردت كارد اصلا
٥- كل متحجزي بدوي كل متلاقي اسعار كويسه
٦- التصريح الامني بعد ما بتخدي الفيزا بتروحي المجمع و انت معاكي الباسبور و التذاكر و البطاقة و صوري كله، بتقدمي و بعدين تخدية من اسبوع لاسبوعين
و صور ليكي كمان
لو مسافرة من غير جوزك او باباكي لازم باسبورك يكون مكتوب فيه انك بتشتغلي يا اما مش هيخلوكي تقدمي اصلا على التصريح