انا مش عارفة البوست بتاعي مبينزلش ليه يا جماعة...

[Menna-Allah Magdy]

انا مش عارفة البوست بتاعي مبينزلش ليه يا جماعة انا في مشكلة:دلوقتي بعد ما خلصت تأشيرة لندن ودفعت الفلوس وحددت الميعاد وكل حاجة,اكتشفت اني غلطت غلطة سخيفة اوي في الابليكيشن وجالي ايميل صريح اني مينفعش اعدل خلاص اي معلومات ولو حبيت اعدل لازم اعمل ابليكيشن جديدة..طيب لو عملت ابليكيشن جديدة هل هيدفعوني تاني ؟ ولازم ساعتها احدد معاد تاني ولا لما اروح يوم التقديم اقولهم علي الغلطة دي ولا اعمل ايه بجد ؟؟ بليز لو حد مر بالموضوع ده يقولي اتصرف ازاي انا ميعادي الخميس

 

[Hend Salem]

طالما عملتى submit للابليكيشن خلاص .. عشان كده بننبه الابليكيشن ده بالذات لازم يتراجع عشروميت مرة قبل الارسال و الدفع
طبعا هتعملى ابليكيشن جديد و تدفعى تانى و تعملى refund للقديم و بياخد حوالى ٢٨ يوم للاسترجاع و ساعات بيخصموا منه حوالى ٢٠%

 

[Shourouk El-khateeb]

بصي و انتي هناك حيخلوكي تعدلي جنب الابليكشن بالايد و تمضي جمبها مش مهم

 

[Hend Salem]

Steven Gerrard Bergkamp

 

[Mohamed Ibrahim]

عادي جداااا لا تقلقي حضرتك تطبعي الابلكيشن وانتي بتقدميه هناك قولي للموظفه علي الغلطه بتصححيها هناك وتمضي جمبها حصلت معايا واخدت التاسيره عادي جدااا

 

[Mohamed Hussein]

تاشيرة سياحة ولا درسة

 

[Osama Adel]

هو ايه الغلطة السخيفة عشان نقدر نساعد انه ممكن يتعدل هناك و لا لأ..انا كنت عامل الابليكيشن و فوجئت انى كاتب انى female و عرفتها و صححتها و مشى الحال و اخدتها عادى..

 

[Osama Abdellatif]

ان شاء الله مفيش مشاكل لو غلطة صغيرة

 

[Mohamed Sayed]

انا غلطت وعدلت الابلكشن هناك عادي وخالوني امضي جمب التعديل وقالي مفيش مشكله

 

[Nouran Ashraf]

متقلقش يا منة قوليلهم هناك وهما هيعدلوها ان شاءالله متقلقيش
ان شاءالله خير

 

[Rinada Refaey]

عادى بتروحى هناك وانتى بتقدمى ورقك بتبلغيهم مفيش اى مشكله

 

[Steven Gerrard Bergkamp]

في تحذير بعدم كتابه بااااااي قلم في الابلكشن حتي لو فيه غلطة في بياناتك الشخصية. .حتي ولو قولتي للموظف اللي هناك علي الغلطه ديه هو كل ما عليه مراجعه الورق فقط لاغير ....الموضوع مختلف شويه عن سفارة باريس في سفارة باريس بيسمح بإعادة الورقه بحكم أن الورقه مكتوبه بخط الايد من الممكن طباعه أي ورقه في ابلكشن باريس. ....إنما لندن مينفعش التعديل في الابلكشن. .........ولو سمح بذلك بيكون علي مسؤوليتك ..... ولو هنعمل إلغاء المعاد بيكون استرداد الفلوس بعد 28 يوم عمل ..وأنتي وحظك 28 ممكن يوصله لفترة أطول. .أهم حاجه بعد القصه ديه كلها.... شهادة الأرصدة مع كشف الحساب ..وجواب الشغل .......مع تصوير جميع صفحات الباسبور اللي فيها اختاام وأي فيزا. .... .

 

[Heba Salah Hashim]

انا برضه كنت كتبت رقم الباسبور القديم و عدلتهةبقلم جاف هناك و مضيت جمبه

 

[Tawfik Azer]

آسف
ما كتبته كان عن الشنجن وليس بريطانيا
لذلك مسحت ما كتبته بعد ٣٠ ثانية

 

[Mohamed Kamal]

انا عملت ابلكيشن وقدمته واخدت معاد وبعدين كنسلته وطلبت refund والفلوس رجعتلى كامله بعد تقريبا شهر

 

[Eman Salem]

هي فيزا انجلترا بكام ؟؟؟؟

 

[Amr Eledriessy]

هههههه مش لازم الاجابه النموذجيه يعني يا منه
هتفضلي زي منتي مبتتغيريش ابداً

 

[No Ur]

مش غلطة عشان يتلككوا عليها ماتشغليش بالك
هى اهم حاجة سؤال الدخل وتقسيمته هى دى اللى بيرفضوا عشانها

 

[Ahmed Hosny Younis]

ح تعدلى جنبها و تمضى بخط ايدك عادى جدا . عملتها قبل كدة . و اخد التأشيرة مالتى 6 شهور فقط

 

[Ahmed Hasan]

بتعدلي في المكتب و بتمضي و تختمي
الانجليز بتوع فلوس، معاكي فلوس تروحي