جماعة لو سمحتم ابداء آراء فى عقد للكويت بمبلغ...

  • بادئ الموضوع بادئ الموضوع Gamal Salah El Serafy
  • تاريخ البدء تاريخ البدء
عرض العطلة
G

Gamal Salah El Serafy

:: مسافر ::
#1
جماعة لو سمحتم ابداء آراء
فى عقد للكويت بمبلغ 35الف جنية
والشغل 8 ساعات الراتب تبعه 130 اى ما يعادل 7800 مصرى مثلاً
والسكن عليهم
هل تُعتبر دى فرصة كويسه للشغل أم لا أرجو الإفادة منكم عن تجربة؟؟
 
#2
طيب هو اولا لو عايز تشتغل برا مصر انسي النظريه الغريبه بتاعه انك تحول الفلوس اللي هتاخدها هناك بمرتب واسعار هنا في مصر .. يعني متقولش انا هاخد مثلا 1000 دولار ف امريكا يبقي كدة كأني باخد 20 الف جنيه مصري .. غلط طبعا .. لان هتصرف ال 1000 دولار هناك ف امريكا مش هتصرفهم في مصر يعني هتشحت ف امريكا بال 1000 دولار .. عشان كدة متحسبهاش ابدا انك تقول الدينار ب 60 جنيه والكلام دة .. لو 130 دينار وعليهم السكن والمواصلات اوك ... لكن 130 من غير سكن ومواصلات يبقي تهريج
 
#3
130 دينار في الكويت مبلغ زهيد واوعى تقارنه بسعر الصرف المصري لانك تعتبر بتاخد الف جنيه في مصر مرتب

والحياه في الخليج عماله تزيد اصلا بسبب هبوط اسعار النفط
يعني السنه اللي فاتت رفعوا اسعار المواد الغذائيه في المملكه والكويت
وهيبدأوا اهم تطبيق نظام رعايه صحيه للوافدين في الكويت
يعني ابناء البلد ليهم مستشفيات حكوميه ورعايه صحيه مجانيه والوافدين يروحوا مستشفيات خاصه وربنا معاهم
 
#4
دي شركات امن بتسكنك ممكن. لكن اكلك عليك. ومفيش شغل اسمه 8 ساعات. اقل حاجه 13ساعه وبعدين شوف هتصرف كام وضرييه الغربه وبلويها الي لازم هتجيلك بعدين. وبعدين احسب بقي وقرر
 
#5
اولا مينفعش تحول الفلوس بالمصري زي ما بتعمل لأنك حتعيش في الكويت يبقا حتصرف بالدينار مش بالجنيه
ثانيا شوف هل حيبقا ليك تأمين ؟؟ وبدل المواصلات ايه اخباره ؟ وخد بالك العيشه هناك مش رخيصه ولسه فيه اكل وشرب ومصاريف احسبها وقرر وربنا يوفقك لما فيه الخير ليك
 
عرض العطلة
#8
١٣٠ دينار داه تهريج و فعلا ذى ما الشباب قالو اوعى تحول العمله بالجنيه لانك هتعيش هناك و هتصرف بالدينار دا رقم قليل جدا مش هيكفيك اكل و شرب
 
عرض العطلة
#13
ملكش دعوة بالتحويل ع قد ماليك دعوة هيتبقا كام من ١٣٠ د فهمت ممكن تلاقي نفسك في الاخر بتوفر ٢٠٠٠ ج كل شهر

انا هنا ف السعودية وكنا حسبناها زيك كدة بالظبط ولما اجينك لقينا نفس اللي بنوفرو كان ممكن نوفرو واحنا ف مصر ومرتاحين من قرف الغربة كمان
 
#14
علي فكره كنت هناك في رمضان سنه 2011 من 6 سنين بنخلص مشروع
وكنت بصرف 3 دينار يوميا علما باني صائم والمفروض المصاريف في الحد الادني اللي هو اكل وميه وعصير
دي اسعار 2011 شوف دلوقتي بقت كام

دا غير التاكسيات لان الانتقالات والسكن كانت علي الشركه
مش عايز احبطك بس قولهم عندي التزامات والمبلغ دا زهيد جدا هاكل واعيش بكام وابعت لاهلي في مصر كام وخلال كام شهر هغطي راس المال اللي دفعته في الفيزا
 
عرض العطلة
#17
راتب ضعيف جداً جداً واعتقد كمان ان عقدك حكومي يعني مش هتعرف تحول من عليهم ولا بعد ١٠٠ سنه الا على عقز حكومي زيه .. متسافرش على الراتب الضعيف ده لانك هتندم
 
#18
انت اللى يفيدك يكون شغال هناك وزى ماقالوا مش ينفع نقيم المرتب على تحويله المصرى التقييم على حسب المعيشه هناك غاليه ولارخيصه اكل والشرب وتقدر تحوش منهم ولا لأ
 
#19
نصيحه للسائل : ابعت السؤال بتاعك في مكان غير هنا وليكن صفحة ( وافدون في الكويت ) هتلاقي ردود منطقية اكتر .

ومن وجهة نظري الشخصية العرض مش مناسب خالص .
 
#20
انت بتحول ليه المبلغ بالمصري انت هتعيش هناك يعني اكلك و شربك و خروجك هيبقي بسعر هناك يعني لو معاك ٧٠٠٠ مصري ممكن تاكل و تشرب ب ٥٠٠٠ مثلا ف انت بتقيس المرتب علي البيئه المحيطه بيه مش علي بيئه انت مش موجود فيها اصلا
 
عرض العطلة
عرض العطلة
عرض العطلة
أعلى أسفل
عودة
قائمة