A
Ahmed Ramzy
:: مسافر ::
تجربتى مع اسبوع رحلة لاسطنبول ,تركيا :
بداية اسطنبول بلد جميلة جدا وطبيعتها الجبليه ساعدتها لكده بمعنى ان فيها منحدرات صعود وهبوط كتير بشكل يخليك حاسس انك واقف جوه كوره وانت فى السنتر فبتلاقى دايما حاجات حلوه حواليك من كل الاتجاهات وكأنه 3D Perspective
كمان اسطنبول اقدر اسميها ب The Green Land" من كتر ما هى بتحتوى على مساحات خضراء واسعه ومنتشره لدرجه انه صعب تكون ماشى فى شارع من شوارع اسطنبول الا لما تشوف لون اخضر حواليك.
- الجانب التاريخى:
اسطنبول بتحتوى على تراث كبير من الثقافه اغلبه اسلامى متمثل فى المساجد العثمانية واللى هتلاقيها تقريبا معظمها نفس النمط المعمارى لانها اخذت من معمار عثمانى يلقب ب "المعمارى سنان" وهى عباره عن القبب الكتير والاشكال الزخرفيه من داخل المساجد واشهرهم هو Sultan Ahmed Mosque وهو بيقع فى ميدان بنفس الاسم وبيحتوى على تحف معمارية ما بين مساجد واكتر من سبيل لشرب المياه وده من الاماكن اللى highly recommeded من اول ما تروح اسطنبول لانك هترجعله تانى من الجمال والابداع.
- الجانب الطبيعى:
اسطنبول كمان بتحتوى على 4 جزر سياحية طبيعيه تلقب ب "Prince Islands" اشهرها واكبرهم هى الجزيرة الاخيرة واسمها "Büyükada" فيها اكتر من شاط~ ممكن تروحه وكمان مفيش سيارات بتدخلها مشاه فقط وهى مكان صالح جدا لركوب الدراجات وتقدر تاخد جوله فيها بعربيات الاحصنة.
- الجانب الترفيهى:
فيه اكتر من مكان ترفيهى مثلا Miniaturk وهى مدينة مجسمات بتحتوى على 122 مجسم لمبانى شهيره سواء فى تركيا اى العالم بشكل عام1
كمان فيه Istanbul Sapheer Tower بتقدر تقطع تيكيت من الدور الاول وتطلع الدور الـ 54 وتقدر تشوف اسطنبول كلها من فوق وكمان بعدها تقدر تدخل الى صاله Sky Ride cinema 4D for a 10 minutes بالدور ال 52 من خلال نفس التيكت الذى يجمع بين السطح والسينما وهو ب 35 ليره تركى ودى من اروع الحاجات اللى شوفتها فى رحلتى لاسطنبول.
وطبعا مقدرش انسى Taksim Square & Istiklal Street اللى بالمعنى الحرفى بتنبض فيهم الحياة والاستمتاع والترفيه
دول جزء من اسبوع طوال ايام الرحلة للاسف مقدرش اطول اكتر من كده عشان الملل
رحلتى الفردية لوحدى بطولى كانت من خلال برنامج عملته من النت ومن السيرش على اماكن كتير فى اسطنبول وتضمنت زياره حوالى 50 مكان والحمد لله تم انجاز 95 % من الخطة.
لو حد حابب ياخد البرنامج ممكن بطلبه منى لانى لازم اوضحله شويه حاجات فيه انا كتبتها لنفسى ومحدش هيفهمها غيرى
اسطنبول كانت تجربة ممتعة فى بلد خلابة خصوصا انها كانت اول زياره ليا خارج بلدى ومكان عملى عشان كده حاولت اختارها بعنايه والحمد لله ربنا وفقنى ♥
تحديـــــث 1 :
معلومات مهمة جدا خصوصا للى وصله برنامج اسطنبول :
1- البرنامج عباره عن Daily Plan يعنى كل يوم وانشطته فى خلال 7 ايام وتم اختيار المواقع وقربها من بعضها بعنايه بعد الكتير من البحث عن موقعها ..
ممكن مثلا حضرتك هتلاقى فى اليوم الثانى Sultan Ahmed Square فيه 14 مكان لكن هما معظمهم فى حيز الميدان نفسه لكن تم التنويه للاماكن لان حضرتك ممكن تروح الميدان ده ومتعرفش ان فيه مثلا Ayasifua Muzesi على بعد 5 دقايق مشى مش اكتر.
2- معظم الاماكن الموجوده فى مكتوبه باسمها التركى وده سببه ان بيساعد فى google maps حضرتك هتاخد الاسم كوبى وتحطه وهو هيدلك تروحه ازاى ومكنش ينفع يتكتب بالعربى او بالانجليزى لان معظم الاماكن موجوده على Google Maps بالتركى فده هيساعدك كتير جدا لما تكون هناك ان شاء الله.
3- بعترف ان البرنامج كبير جدا ومرهق جدا لاى حد مش لوحده انا عملته لانى كنت لوحدى وكنت سهل الحركه يعنى بمشى وبركب الاتوبيس او المترو او الباخره ومفيش حاجه مقيدانى وبردو كان مرهق ليا لكن كان عندى حب الاستطلاع واستكشاف بلد جديده اهم من تعبى لكن لو فردين او اسرة ممكن يحققوا maximum نص البرنامج وبردو هيبقى ممتع جدا ليهم.
4- بخصوص Google Maps فيه مميزات كتيره جدا لكن للاسف فيه عيوب مش هتعرفها الا لما تعانيها هناك
الميزه وهو مثلا ممكن يقولك عشان تروح Gulhane Parki هتمشى 5 دقايق من مكانك وبعدها هتركب باص رقم M53 وهتنزل تمشى دقيقتين وبعدها هتركب مترو رقم M25 وهتوصل فى خلال 40 دقيقه
العيب ان حضرتك ممكن توصل Gulhane Parki بعد محطتين مترو من جنب مكان فى 10 دقايق
طبعا مش كل الاماكن بيشير ليها غلط بالعكس هو بيساعد جدا خصوصا فى بلد هتلاقى بصعوبه فيها ناس بتتكلم عربى او انجليزى فهيبقى google maps رفيقك الوحيد اللى هتلجئله مضطرا
الخلاصه انك متحاولش تعتمد الاعتماد الاول على google maps حاول تشوف موقعها على الخريطه من مكانك اللى انت فيه وحاول توصله ولو معرفتش استخدمه وبردو مش هتندم اوى لانك طول ما انت ماشى بتشوف مناظر جميله حواليك بالموضوع هيبقى ممتع
تحديـــــث 2 :
ناس كتير بتسأل على التكلفة ؟
سؤال التكلفه يا جماعه ده سؤال عام جدا زى مثلا سؤال هو ايه الجو فى الكره الارضيه النهارده؟!
- التكلفه بتاعت اى رحلة دايما مختلفه من شخص لاخر فيه واحد عايز يسافر رحله ترفيهيه عايز يقيم فى فندق 5 نجوم وفيه واحد عايز مجرد يكتشف البلد حتى لو هيقعد فى هوستيل مجرد هينام فيه
- التكلفه كمان بتختلف حسب مكان الخروج سواء من مصر او من دولة تانيه حضرتك مقيم فيها
- التكلفه هتختلف على حسب انت لوحدك ولا مع جروب سياحى
- التكلفة هتختلف لو انت فرد او فردين او اسره كامله
- التكلفة هتختلف على حسب توقيت السفر نفسه الصيف غير الشتاء
- التكلفه بخصوص الاكل والشرب هتختلف حسب مكان اقامتك يعنى لو حضرتك مقيم فى الخليج زيي هتلاقى الوجبه فى المطاعم العاديه النضيفه بردو فى حدود 25 ليره وده يعتبر معقول جدا بالنسبه للخليج
اما لو حضرتك مقيم فى مصر فهتلاقى الوجبه العاديه بحوالى 130 جنيه مثلا وده حضرتك ممكن تشوفه
كويس وغيرك ممكن يشوفه غالى
- التكلفة بخصوص المواصلات فيه كارت بتقدر تستخرجه من ماكينة جنب اى محطه مترو اسمه istanbul card ب ١٠ ليرة وده بتستخدمه لكل المواصلات الاتوبيس والترام والمترو وبتشحنه بعد كده باى قيمه من نفس الماكينه وده مهم وموفر ومفيد جدا جدا جدا
- التكلفة بخصوص الطيران مقدرش افيد اللى هيخرج من مصر لانى سافرت من بره مصر لاسطنبول لكن فى اغلب الاحيان ارخص طيران لتركيا هو Pegasus airlines وارخص كمان من Turkish airlines وعامه حضرتك قبل ما بتحجز بتشوف الطيران فى مواقع كتير بتقارنلك بين اسعار الشركات المختلفه وبتجيبلك الارخص انا شخصيا فضلت Google Flights بصراحه كنت اول مره اعرف ان جوجل عامله الميزه دى اللى بتلاقيها موجوده زى Translation مثلا ودى كانت مفيده اوى ليا وانصح الجميع باستخدامها وده اللينك بتاعها للى مش هيقدر يوصلها ..
/Вигідне бронювання авіаквитків | Google Авіаквитки
رحلة سعيدة للجميع ♥
بداية اسطنبول بلد جميلة جدا وطبيعتها الجبليه ساعدتها لكده بمعنى ان فيها منحدرات صعود وهبوط كتير بشكل يخليك حاسس انك واقف جوه كوره وانت فى السنتر فبتلاقى دايما حاجات حلوه حواليك من كل الاتجاهات وكأنه 3D Perspective
كمان اسطنبول اقدر اسميها ب The Green Land" من كتر ما هى بتحتوى على مساحات خضراء واسعه ومنتشره لدرجه انه صعب تكون ماشى فى شارع من شوارع اسطنبول الا لما تشوف لون اخضر حواليك.
- الجانب التاريخى:
اسطنبول بتحتوى على تراث كبير من الثقافه اغلبه اسلامى متمثل فى المساجد العثمانية واللى هتلاقيها تقريبا معظمها نفس النمط المعمارى لانها اخذت من معمار عثمانى يلقب ب "المعمارى سنان" وهى عباره عن القبب الكتير والاشكال الزخرفيه من داخل المساجد واشهرهم هو Sultan Ahmed Mosque وهو بيقع فى ميدان بنفس الاسم وبيحتوى على تحف معمارية ما بين مساجد واكتر من سبيل لشرب المياه وده من الاماكن اللى highly recommeded من اول ما تروح اسطنبول لانك هترجعله تانى من الجمال والابداع.
- الجانب الطبيعى:
اسطنبول كمان بتحتوى على 4 جزر سياحية طبيعيه تلقب ب "Prince Islands" اشهرها واكبرهم هى الجزيرة الاخيرة واسمها "Büyükada" فيها اكتر من شاط~ ممكن تروحه وكمان مفيش سيارات بتدخلها مشاه فقط وهى مكان صالح جدا لركوب الدراجات وتقدر تاخد جوله فيها بعربيات الاحصنة.
- الجانب الترفيهى:
فيه اكتر من مكان ترفيهى مثلا Miniaturk وهى مدينة مجسمات بتحتوى على 122 مجسم لمبانى شهيره سواء فى تركيا اى العالم بشكل عام1
كمان فيه Istanbul Sapheer Tower بتقدر تقطع تيكيت من الدور الاول وتطلع الدور الـ 54 وتقدر تشوف اسطنبول كلها من فوق وكمان بعدها تقدر تدخل الى صاله Sky Ride cinema 4D for a 10 minutes بالدور ال 52 من خلال نفس التيكت الذى يجمع بين السطح والسينما وهو ب 35 ليره تركى ودى من اروع الحاجات اللى شوفتها فى رحلتى لاسطنبول.
وطبعا مقدرش انسى Taksim Square & Istiklal Street اللى بالمعنى الحرفى بتنبض فيهم الحياة والاستمتاع والترفيه
دول جزء من اسبوع طوال ايام الرحلة للاسف مقدرش اطول اكتر من كده عشان الملل
رحلتى الفردية لوحدى بطولى كانت من خلال برنامج عملته من النت ومن السيرش على اماكن كتير فى اسطنبول وتضمنت زياره حوالى 50 مكان والحمد لله تم انجاز 95 % من الخطة.
لو حد حابب ياخد البرنامج ممكن بطلبه منى لانى لازم اوضحله شويه حاجات فيه انا كتبتها لنفسى ومحدش هيفهمها غيرى
اسطنبول كانت تجربة ممتعة فى بلد خلابة خصوصا انها كانت اول زياره ليا خارج بلدى ومكان عملى عشان كده حاولت اختارها بعنايه والحمد لله ربنا وفقنى ♥
تحديـــــث 1 :
معلومات مهمة جدا خصوصا للى وصله برنامج اسطنبول :
1- البرنامج عباره عن Daily Plan يعنى كل يوم وانشطته فى خلال 7 ايام وتم اختيار المواقع وقربها من بعضها بعنايه بعد الكتير من البحث عن موقعها ..
ممكن مثلا حضرتك هتلاقى فى اليوم الثانى Sultan Ahmed Square فيه 14 مكان لكن هما معظمهم فى حيز الميدان نفسه لكن تم التنويه للاماكن لان حضرتك ممكن تروح الميدان ده ومتعرفش ان فيه مثلا Ayasifua Muzesi على بعد 5 دقايق مشى مش اكتر.
2- معظم الاماكن الموجوده فى مكتوبه باسمها التركى وده سببه ان بيساعد فى google maps حضرتك هتاخد الاسم كوبى وتحطه وهو هيدلك تروحه ازاى ومكنش ينفع يتكتب بالعربى او بالانجليزى لان معظم الاماكن موجوده على Google Maps بالتركى فده هيساعدك كتير جدا لما تكون هناك ان شاء الله.
3- بعترف ان البرنامج كبير جدا ومرهق جدا لاى حد مش لوحده انا عملته لانى كنت لوحدى وكنت سهل الحركه يعنى بمشى وبركب الاتوبيس او المترو او الباخره ومفيش حاجه مقيدانى وبردو كان مرهق ليا لكن كان عندى حب الاستطلاع واستكشاف بلد جديده اهم من تعبى لكن لو فردين او اسرة ممكن يحققوا maximum نص البرنامج وبردو هيبقى ممتع جدا ليهم.
4- بخصوص Google Maps فيه مميزات كتيره جدا لكن للاسف فيه عيوب مش هتعرفها الا لما تعانيها هناك
الميزه وهو مثلا ممكن يقولك عشان تروح Gulhane Parki هتمشى 5 دقايق من مكانك وبعدها هتركب باص رقم M53 وهتنزل تمشى دقيقتين وبعدها هتركب مترو رقم M25 وهتوصل فى خلال 40 دقيقه
العيب ان حضرتك ممكن توصل Gulhane Parki بعد محطتين مترو من جنب مكان فى 10 دقايق
طبعا مش كل الاماكن بيشير ليها غلط بالعكس هو بيساعد جدا خصوصا فى بلد هتلاقى بصعوبه فيها ناس بتتكلم عربى او انجليزى فهيبقى google maps رفيقك الوحيد اللى هتلجئله مضطرا
الخلاصه انك متحاولش تعتمد الاعتماد الاول على google maps حاول تشوف موقعها على الخريطه من مكانك اللى انت فيه وحاول توصله ولو معرفتش استخدمه وبردو مش هتندم اوى لانك طول ما انت ماشى بتشوف مناظر جميله حواليك بالموضوع هيبقى ممتع
تحديـــــث 2 :
ناس كتير بتسأل على التكلفة ؟
سؤال التكلفه يا جماعه ده سؤال عام جدا زى مثلا سؤال هو ايه الجو فى الكره الارضيه النهارده؟!
- التكلفه بتاعت اى رحلة دايما مختلفه من شخص لاخر فيه واحد عايز يسافر رحله ترفيهيه عايز يقيم فى فندق 5 نجوم وفيه واحد عايز مجرد يكتشف البلد حتى لو هيقعد فى هوستيل مجرد هينام فيه
- التكلفه كمان بتختلف حسب مكان الخروج سواء من مصر او من دولة تانيه حضرتك مقيم فيها
- التكلفه هتختلف على حسب انت لوحدك ولا مع جروب سياحى
- التكلفة هتختلف لو انت فرد او فردين او اسره كامله
- التكلفة هتختلف على حسب توقيت السفر نفسه الصيف غير الشتاء
- التكلفه بخصوص الاكل والشرب هتختلف حسب مكان اقامتك يعنى لو حضرتك مقيم فى الخليج زيي هتلاقى الوجبه فى المطاعم العاديه النضيفه بردو فى حدود 25 ليره وده يعتبر معقول جدا بالنسبه للخليج
اما لو حضرتك مقيم فى مصر فهتلاقى الوجبه العاديه بحوالى 130 جنيه مثلا وده حضرتك ممكن تشوفه
كويس وغيرك ممكن يشوفه غالى
- التكلفة بخصوص المواصلات فيه كارت بتقدر تستخرجه من ماكينة جنب اى محطه مترو اسمه istanbul card ب ١٠ ليرة وده بتستخدمه لكل المواصلات الاتوبيس والترام والمترو وبتشحنه بعد كده باى قيمه من نفس الماكينه وده مهم وموفر ومفيد جدا جدا جدا
- التكلفة بخصوص الطيران مقدرش افيد اللى هيخرج من مصر لانى سافرت من بره مصر لاسطنبول لكن فى اغلب الاحيان ارخص طيران لتركيا هو Pegasus airlines وارخص كمان من Turkish airlines وعامه حضرتك قبل ما بتحجز بتشوف الطيران فى مواقع كتير بتقارنلك بين اسعار الشركات المختلفه وبتجيبلك الارخص انا شخصيا فضلت Google Flights بصراحه كنت اول مره اعرف ان جوجل عامله الميزه دى اللى بتلاقيها موجوده زى Translation مثلا ودى كانت مفيده اوى ليا وانصح الجميع باستخدامها وده اللينك بتاعها للى مش هيقدر يوصلها ..
/Вигідне бронювання авіаквитків | Google Авіаквитки
رحلة سعيدة للجميع ♥