لو سمحتوا يا شباب انا مش من القاهره ولا...

[Mahmoud Elawady]

لو سمحتوا يا شباب انا مش من القاهره ولا الاسكندريه ونازل ان شاء الله معايا ٣ أجانب اول مره ينزلوا ممكن ترشحولي اماكن نزورها؟ ٤ ايام قاهره و٣ اسكندريه؟

 

[Moutaz Mohamed]

القاهره
شارع المعز و الحسين
حديقه الازهر
جزيره المعادي
المدينه الفرعونيه
الاسكندريه
المكتبه
قصر المجوهرات
القلعه
اركب بص الاسكندريه الي بيلف الاسكندريه كلها

 

[Mohammed Ahmed Mostafa]

القاهرة : الاهرامات يا معلم اهم حاجة بتهوس الاجانب و دي عايزة يوم حلو من بدري
يوم لمصر القديمة في العموم: قلعة محمد على و المساجد اللي حواليه زي قلاوون و السلطان حسن و بعدها اطلع الحسين كل و اسهر في المعز على قهوة
في برضك حتت زي مارجرجس و خان الخليلي و درب 1718 و البرج و قصر عبدين و المتحف المصري

 

[Jo Jo]

اهم حاجه في الاسكندريه تروحوا مكتبه الاسكندريه .وتطلبوا مرشد من المكتبه يكون معاكم .جوه المكتبه اقسام كتيره بتحكي تاريخ مصر كله ومتاحف لكل العصور .وتدخلوا القبه السماويه وتشوفوا افلام علميه عن الكواكب .بصراحه وهم ومش حتشبعوا من المكتبه ابدا
وتروحوا قلعه قايتباي وجواها متحف للفتره دي
وتروحوا عامود السواري حتنزلوا تحت الارض في دهاليز فيها اسكندريه القديمه
ده اللي مميز وافتكرته .لما افتكر تاني حاكتب لكم ان شاء الله

 

[Heba Fayek]

فى كنيسه حلوه جدا فى القاهره اسمهاsaint simon دى فى المقطم جميله جدا هى طريقها صعب لازم عربيه
منطقه دهشور اللى فيها هرم زوسر
انا الاماكن دى رحتها مع صديق اجنبى وللاسف انا ماكنتش عارفاها و هو كان جاى من بلده حططها فى برنامج زياراته

 

[Hany Adel]

3 ايام القاهرة و 2 اسكندرية و 2 الاقصر كده 7 ايام

 

[Mohamed Ahmed Elmagdy]

و الكردى و عدى على ماريا شاربوفا هاتها هي و الهيال

 

[Mahmoud Heakal]

Package per person 150 $ including transfers English guide entrance fees in cairo and alexandria

 

[Caren Kiro]

مصر القديمه الكنيسه المعلقه والقلعه وممكن الكاتدرائيه العباسيه ومسجد النور كمان في اسكندريه مكتبه اسكندريه والقلعه وتعزمهم علي الغدا في بلبع مش غالي ونظيف كمان

 

[Mohammed Gaber]

إسكندرية خدهم المنتزه بالنهار مكان جميل وممكن يرحوا قلعة قايتباي فى بحرى

 

[Mahmoud Elawady]

شكرا بجد علي اقتراحاتكم. هحاول اعرف العناوين من جوجل وان شاء الله نزور كل الاماكن دي.

 

[Waleed Abd-monsif Afifi]

بالنسيبة للقاهرة الهرم + المتحف +سقارة + القلعة + خان الخليليلى والاسكندرية ممكن تتعمل فى يوم واحد صد رد بتزور الكاتاكومب وعمودالسواراى والمسرح والقلعة والمكتبة وقصر المنتزة وممكن تزبط مرشد سياحى معاك يزبطلك الدنية ويعمل برنامج مظبوط بدل ماتتبدهل بالناس اللى معاك ولوحاببب اظبطلك حد كلمنى انبوكس

 

[Doaa Saied]

الاسكندريه اولا كده حنمسكها من المنتزه وقصر االمنتزه وبمشو عالبحرر (لجليم) تروححو قصر المجوهرات وبعدين. تتطع ععاي الشاطب مكتيبه اسسككندرريه. والقبه السمماويه وفي كمان كفهات في وشها حلوه اوي. وبعدين بحري وماادرراك ما بحري. القلعه. ومتحف وبعدين ايس كرريم الشيخ وفيق او الرز بلبن والايس كريم

 

[Doaa Saied]

اما بالنسبل الاكل لااااازم اكلت اسماك حلووه عنددك كذا اختيار يابحري. يا جليم عاالبحر يا. اما زافييرررر ودا احن وانضضف حاجه. بجد تحفه. اما ببنسبل الفول والفلافل والككشري عنك برضو ككذه حاججه واه ككمان لو تقدر تنزل يوم بدري تتمشو فيي محطه الرمل ببججد تحفه الممباني. واالمطاعم وكلها تحفه عطيقه كده بس مش وقت الزحمه عشان حتتخنق وعندك الن سوويسرا اه ولاازم تجربو مطعم من بتوع المنتزه عنك اسبكتررا وروستري دول من. عند البرابه وزانلز. عالبحر جوه الفيو. تحفه فيه وانشاء الله تتبسطو