بصوا يا جماعة عاوز اسءلكم علي حاجة دلوقتي لو...

  • بادئ الموضوع بادئ الموضوع Ali Hadi
  • تاريخ البدء تاريخ البدء
عرض العطلة
A

Ali Hadi

:: مسافر ::
#1
بصوا يا جماعة عاوز اسءلكم علي حاجة دلوقتي لو انا مسافر لي دولة اوروبيا ومعاية فيزا شنجن ليها و التذكرة ليها هتكون في حدود 5500 ودة رايح بس مع مصر الطيران ودايركت في حين انها مع الخطوط التركي ارخص حوالي الف جنيه يعني فرق 50 دولار بس ترانزيت كبيير حوالي 18 ساعة
1- ينفع مثلا اني اطلع الفيزا الكترونية بتاعة تركية الهيا بي 20 دولار عشان سعتها معاية شنجن ومثلا ينفع بي 40 50 دولار اقضي اليوم في اسطنبول الكام ساعة ترنزيت دول وهيكفون بي موصلاتي رايح وراجع ولو هاكل وجبة هناك مثلا وهلف شوية ولا لا؟
2-ومش دلوقتي المفروض في الترانزيت الشنط البحطها في الميزان مبتخرجش من الميزان غير لما بوصل البلد الرايحها عشان قبل كدة لما كت بسافر ترانزيت مكنتش بتخرج ولا ممكن يدهولي اقعد بيها؟
3-دلوقتي كدة انا مش محتاج تصريح من امن الدولة عشان انا المفروض مسافر علي دولة بتاعة الفيزا الشنجن المعاية فا مش لازم تصريح صح ؟
4-ومعلش لو نفع الموضوع دة ايه الاماكن الممكن تتراح او تتلف في 12 ساعة في اسطنبول ؟
وشكرا ليكوا
 
#2
مش محتاج تصريح ال خمسين دولار دول حوالي 170 ليره و دول يشهيصوك هناك اخر دلع
عندك البوسفور رحله ساعتين ب12 ليره عندك منطقه السلطان احمد الاكل رخيص ب 8 ليره سمك من علي البوسفور و روح البازار الكبير و البازار المصري و حرب الturkish delights رخيصه و هتعجبك و اركب الترام لف بيه شويه لو لسه في وقت و صحه انزل ميدان تقسيم او روح الجلاتا تور و عندك اورتكوي بعد بيشكتاش كل ده هيكفي ف الوقت بتاعك و زياده تاخد نفسك علي اي قهوه و رحله سعيده يا جدع
 
#4
معلومة قد تهمك. تركيا بتشجع السياحة لذلك قريت مرة إنها عاملة رحلة مجانية للناس اللي بتنزل فيها ترانزيت في حالة استخدام الخطوط الجوية التركية. معك المعلومة وممكن تتقصى عنها عالنت.

في الترانزيت شنطك مالكش شأن بيها (بتستلمها في الوجهة النهائية).
 
عرض العطلة
#6
ممم ينفع تطلع فيزا تركيا طالما معاك شنجن ومسافر ع التركيه لكن لازم تكون الشنجن بدات قبل معاد رحلتك.. يعني لو مسافر يوم 4 والشنجن هتبدا 5 مينفعش لازم تبدا 3.
اعتقد مش هتحتاج تصريح امني لان انت علي تذكرتك انك رايح اوروبا.. والترانزيت الشنط مبتنزلش بتتشحن اتوماتك علي الطياره التانيه.. وساعه بس مش هتلحق تلف لان اسطنبول زحمه جدا والمطار بعيد عن المدينه نفسها.. الخطوط التركيه بتنظم رحلات مجانيه للترانزيت ادخل اونلاين علي موقعهم واحجز
 
#8
بص انا كنت زيك بظبط كده شنجن وطيران تركي و 11 ساعه .. بس ياسيدي هتخرج من الطيارة تنزل تسال علي مكنة electronic visa ويكون معاك credit card ضروري وتاخد ورقة كده اللي هي الفيزا يعني وتقف طابور عشان تختم دخول بقي .. الشنطة الكبيرة مش هتخدها كده كده هتخدها في مصر . الشنطة اللي معاك ال 7 كيلو دي او اي حاجة معاك علي الطيارة . حسب انا عن نفسي سبتها في locker في المطار اول متخرج علي ايدك اليمين .. وبعيدن في علي ايدك الشمال لما تخرج من الختم برضه صرافه هتحول فلوس فيها .. وبعدين تنزل المترو موجود جوة المطار التذكرة ب 4 ليرة عشان تروح السلطان احمد هتركب 20 محطة . هتدبل في محطة كده مش فاكر اسمها وهندفع 4 ليرة تانين .. هتنزل السلطان ده تلف شوية وتتغدي وبتاع وترجع ب 8 ليرة تاني المطار .. وليك تبع التذكرة وجبة في المطار من 4 مطاعم معينة بيحدودها بس روح اسال علي الوجبة في المكتب بتاعهم .. وربنا معاك
 
عرض العطلة
#11
معلش ومتعرفوش لو انا معاية الفيزا ولسة مبداتش ينفع اطلع الفيزا الالكترنية دي واسافر بيها؟ بي الهوا اقعد في تركيا كام يوم وارجع علي مصر مش ترانزيت؟
 
#12
هجاوبك على اول ٣ نقط بس عشان مرحتش اسطنبول قبل كده
١- اه ينفع وانا دايما بعمل كده فى بعض الدول الاوروبيه وانا نازل مصر
٢- لو الترانزيت نغس خطوط الطيران او شكرتين بارتنرز فانت حاجز التذكره مره واحده منهم اه الشنط بتتنقل لوحدها ولو غير كده يكتبوا وانت بتحجز وبيكون مكتوب فى التذكره
٣- على حسب معلوماتى لو هتقعد فى تركيا اكتر من ٦ او ٨ ساعات هتحتاجه لانك هتبقى طالع من مصر رايح تركيا مش رايح اى مكان اوروبى ظابط الجوازات مش هيبقى عارف اصاا انك رايح دوله اوروبيه

معلومه ممكن متاخدش بالك منها خلى ساعات الترانزيت تكون بالنهار لان اوقات كتير ترانزيت طويل بيكون فيه اوفرنايت وتلاقيك اتمرمطت عالفاضى ومفيش حاجه تتراح بالليل او المواصلات شطبت او المطار قفل ودى حاجه طبيعيه فى اغلب اوروبا
 
عرض العطلة
عرض العطلة
أعلى أسفل
عودة
قائمة