S
Salma Hydar
:: مسافر ::
برشلونه باختصار
مدينه جميله كلها الوان و حيويه و شباب و مرح و طبعا شوبنج بجنون..المحلات بتفتح من ١٠ ل ٨ بليل و يوم الاحد اجازه كلهم قافلين ماعدا magnum mall فى المارينا جنب الاكواريوم .. المدينه غاليه شويه ..نصيحتى تنزل فى هوستل فى لا رامبلا ..الهوستل ممكن لعائلات مش للشباب بس..فيه غرف رباعيه مناسبه لاسره من اربع افراد ..الحمام ممكن يكون خاص او مشترك بس بجد هتلاقيه فى منتهى النظافه و السعر مناسب ..لا رامبلا هو قلب برشلونه النابض بالحركه ليل نهار ..مواصلات و انشطه و موسيقى و شوبنج ملهوش حل و اخره البحر ..برشلونيتا..الشواطئ مجانيه و جميله جدا و البياعين عالشاطئ مش بيبيعوا فرسكا..بيبيعوا سمبوسك سخن و سى فوود و موهيتو و سنجاريا .. المزارات فى برشلونه جميله..معظمها مش لازم تدخله كفايه يتصور من بره .. ساجرادا فاميليا و دى ابتدى بناؤها من سنه 1880 تقريبا و لسه مخلصتش... كازا باتيو للفنان جاودى بليل احلى من الصبح ...بارك جويل حديقه جميله على الجبل بتحجز تذاكرها اونلاين بميعاد الزياره بالساعه ..هيا و كامب نو للى بيحب الكوره ..نافوره مونتجويك السحريه ..عرض رائع كل يوم ٩.٣٠ مساء ببلاش..تحفه متتفوتش..قلعه مونتجويك عالجبل بالتلفريك .. سوق الخضار فى وسط لا رامبلا ..لا بوكيريا ممكن تاخد فيه سناك عالسربع..متفوتش الاكواريوم فى الميناء و لا الحى القوطى بمبانيه الجميله و الكاتدرائيه الرائعه فيه و لازم تحضر عرض فلامنكو بليل او تسهر فى pup .. متنساش تاكل باييا و تاباس ..و اللى ميحبش طعمهم هتلاقى مكدونالد و كنتاكى ..اشترى لوازمك للاكل و الشرب من السوبرماركت ..و اللى بيحب الستروب وافل هتلاقيه فى ماركت Hema فى وسط لا رامبلا ...متنساش تترسم من الفنانين فى الشارع بعشره يورو ..اشترى هدايا تذكاريه من الشارع او قدام الاماكن الاثريه ..المواصلات سهله ..كرنيه مترو ١٠تذاكر ب ١٠ يورو بدل ما تشترى التذكره ب ٢.٥يورو ..متنساش تاخد ال aero bus وانت رايح المطار من بلاسا كتالونيا ب ٦ يورو..و اتأكد انت تذكرتك تيرمينال ١وللا ٢ علشان متاخدش الباص الغلط
مدينه جميله كلها الوان و حيويه و شباب و مرح و طبعا شوبنج بجنون..المحلات بتفتح من ١٠ ل ٨ بليل و يوم الاحد اجازه كلهم قافلين ماعدا magnum mall فى المارينا جنب الاكواريوم .. المدينه غاليه شويه ..نصيحتى تنزل فى هوستل فى لا رامبلا ..الهوستل ممكن لعائلات مش للشباب بس..فيه غرف رباعيه مناسبه لاسره من اربع افراد ..الحمام ممكن يكون خاص او مشترك بس بجد هتلاقيه فى منتهى النظافه و السعر مناسب ..لا رامبلا هو قلب برشلونه النابض بالحركه ليل نهار ..مواصلات و انشطه و موسيقى و شوبنج ملهوش حل و اخره البحر ..برشلونيتا..الشواطئ مجانيه و جميله جدا و البياعين عالشاطئ مش بيبيعوا فرسكا..بيبيعوا سمبوسك سخن و سى فوود و موهيتو و سنجاريا .. المزارات فى برشلونه جميله..معظمها مش لازم تدخله كفايه يتصور من بره .. ساجرادا فاميليا و دى ابتدى بناؤها من سنه 1880 تقريبا و لسه مخلصتش... كازا باتيو للفنان جاودى بليل احلى من الصبح ...بارك جويل حديقه جميله على الجبل بتحجز تذاكرها اونلاين بميعاد الزياره بالساعه ..هيا و كامب نو للى بيحب الكوره ..نافوره مونتجويك السحريه ..عرض رائع كل يوم ٩.٣٠ مساء ببلاش..تحفه متتفوتش..قلعه مونتجويك عالجبل بالتلفريك .. سوق الخضار فى وسط لا رامبلا ..لا بوكيريا ممكن تاخد فيه سناك عالسربع..متفوتش الاكواريوم فى الميناء و لا الحى القوطى بمبانيه الجميله و الكاتدرائيه الرائعه فيه و لازم تحضر عرض فلامنكو بليل او تسهر فى pup .. متنساش تاكل باييا و تاباس ..و اللى ميحبش طعمهم هتلاقى مكدونالد و كنتاكى ..اشترى لوازمك للاكل و الشرب من السوبرماركت ..و اللى بيحب الستروب وافل هتلاقيه فى ماركت Hema فى وسط لا رامبلا ...متنساش تترسم من الفنانين فى الشارع بعشره يورو ..اشترى هدايا تذكاريه من الشارع او قدام الاماكن الاثريه ..المواصلات سهله ..كرنيه مترو ١٠تذاكر ب ١٠ يورو بدل ما تشترى التذكره ب ٢.٥يورو ..متنساش تاخد ال aero bus وانت رايح المطار من بلاسا كتالونيا ب ٦ يورو..و اتأكد انت تذكرتك تيرمينال ١وللا ٢ علشان متاخدش الباص الغلط