أنا رايح دبي إن شاء الله بكرة 4 أيام. أول مرة...

  • بادئ الموضوع بادئ الموضوع Ahmed Mamdouh
  • تاريخ البدء تاريخ البدء
عرض العطلة
#41
برج خليفة ملوش أي لازمة كمزار، بالنسبة للبحر عندك حديقة الممزر على الحدود بين الشارقة ودبي في شواطئ تحفة وتذاكرها رمزية بس لازم تروح في يوم يكون متاح للعزاب الدخول فيه، كمان في شاطئ مجاني جميل اسمه كايت بيتش في جميرا
 
#42
الحلاب في Emirates mall تحفة هات سجق بدبس الرمان وفتة حمص وادعيلي

خد المركب اللي بتتطلع جولة من دبي مارينا تحفة بس تكون بالنهار

دبي مارينا مكان تحفة لازم تقعد فيه شوية

فيه كمان مطعم صيني حكاية اسمه PF CHANG هتلاقيه في كذا حتة هناك

لو بتحب القطارات السريعة بتاعت الملاهي يبقى لازم تزور ملاهي Firrari في ابوظبي
 
#43
اعمل الى يبسطك بس فيه حجات هناك هتصرف فيها كتير اوى و هيا مش تستاهل بصراحه زى طلوع برج الخليفة
Top sky to expensive for not logic
124 level is fair
 
#44
مع احترامي لكل المعلقين بخصوص برج خليفه .. طلوع برج خليفه ممتع جدا وحاجه هتعملها مره واحده في حياتك ممكن ميجيش فرصه تاني انك تطلع الارتفاع ده اطلع وجرب ملهاش لزمه الدور 146 لانه ب 500 درهم بس ممكن تطلع 124 و125 عن طريق ويبسايت Groupon وده الفوتشر بتاعه ب 145 درهم شامل كافيه وكرواسون في كافيه بس في الارضي مش فوق ... لو ليك في المغامرات اطلع على عالم فيراري بأبو ظبي انا مرحتش لان مليش في الجو ده العضمه كبرت لو روحت ابو ظبي زور مسجد الشيخ زايد حلو جدا وزور قصر الامارات حلوه جدا الديكورات هناك .... متنساش عند برج خليفه تشوف النافورة جميله جدا بس حاول تستحمل الحر والرطوبه طبعا يفضل يكون بليل ... وطبعا عندك مول دبي ومول الامارات وابن بطوطه وعندك دبي فيستفال دوول كمان اماكن لطيفه ومكيفه بس حاول تمسك نفسك عن الشوبينج علشان الله وكيلك العمليه مصيبه هنا والدنيا مغريه:-) الصراحه احسن حاجه لدبي هو الشتا ابتداء من شهر 11 هتلاقي القريه العالميه فاتحه وهتعرف تروح جناين واماكن كتير حلوه مفتوحه بس حاليا نار يا حبيبي نار ومش هتعرف تستمتع اوي بس معلش ان شاء الله تتبسط وتقضي يومين حلوين اه كمان بلاش تكسيات على قد ماتقدر لانها غاليه كتير خليك على المترو على قد ما تقدر هو غالي برده بس افضل من التكسيات واعتبرها فسحه برده وبتشوف حاجه اشي خيال يا ناس مترو من غير سواق
 
#45
For water activities swiming dancing etc i recommend nikki beach at pearl jumirah
Night life i recommend cavali fairmont hotel shi5 zayrd road ,the list bussiness bay or le pacha in madint jumirah
Shisha and food mmkn 7adita masrya at barsha dar el kamar or i kandy wa mmkn al warehouse bs shishto msh 7ilwa
Gao malls malish feh f msh ha2dr a recommend any :) ve a safe trip isa enjoy your time
 
عرض العطلة
#47
بالنسبة للمولات في دبي، دي المولات المختلفة اللي مش المفروض تفوتك كمزارات: ابن بطوطة مول، وافي مول (مول رائع على الطراز المصري القديم وفيه كمان هناك خان مرجان على الطراز الإسلامي، فيه كمان مركاتو مول على الطراز الإيطالي، وطبعا مول الإمارات ودبي مول.
 
#48
طب كنت اجلت المشوار ل11 او 12 على الاقل تحضر الجو بيكون اروع مما تتخيل وكمان تلحق مهرجان التسوق الحاجات بتتكون رخيصه جدا
الوقت ده رطوبه وحر جدا جدا
 
عرض العطلة
#51
الجو حر هنا اووووووي دلوقت دور بقي علي كل الأندور .اولا البحر ياما الصبح اوووووووي ياما بالليل اووووووووي عشان من ١١ وانت طالع ل ٥ مثلا هتتسلق و ميه البحر بتغلي
ليك ف الملاهي روح img world احلي كتير من فيراري و مغطاه.
برج خليفه لازم طبعا تروح مش لازم تطلع بس تجربه كويسه بس لازم تحضر النافوره ع الاقل ٣ مرات .
مسجد الشيخ زايد ف ابوظبي حلو جدا وانت جاي تدخل last exit ومتنساش تتفرج ع الحمامات وانت راجع تدخل last exit mad max.
روحت الكايت بيتش و شوف برج العرب وشوف اتلانتس. اتمشي في شارع الشيخ زايد و الجميرا
 
عرض العطلة
#56
لو مفيش حد هيستناك في المطار، خد المترو من المطار، اسأل metro exit منين لو معرفتش تلاقيه بنفسك. واشتري كارت نول من شباك التذاكر، أفضل تشتري كارت اعادة الشحن وتشحنه كل ماتحتاج. ملحوظة صغيرة: تاكسي المطار بيفتح من ٢٥ درهم.
 
#58
برج خليفة ممتع جدا بتشوف دبي كلها والبحار والابراج بس بعد ٦٠٠متر مش بتشوف حاجة خالص غير سحاب حواليك كأنك وسط صحراء جليد عن تجربه
 
عرض العطلة
عرض العطلة
عرض العطلة
أعلى أسفل
عودة
قائمة