السلام عليكم صديقي مسافر بكرة عمرة هو وزوجتة...

[مصطفى محمود]

السلام عليكم
صديقي مسافر بكرة عمرة هو وزوجتة ووالدة ووالدتة ( ومكتوب انه هو المحرم لزوجتة )
راح يطلع تصريح السفر بتاع الجيش لقى ان علية استدعاء ورفضوا يطلعوا التصريح
س١ : هل حد يعرف اى حل للموضوع ده بحيث يسافر بكرة معاهم ؟
س ٢ : هل لو لا قدر الله أجل سفرة ، هل زوجتة تنفع تسافر مع والدة ووالدتة ولا لازم زوجها ( علشان مكتوب في تأشيرتها انه هو المحرم )
وجزاكم الله خيرا

تحديث
هو راح الحمد لله منطقة التجنيد ( بمحطة التجنيد ) ومضى على إقرار بأنة هيرجع يقدم نفسة تاني ، والمفروض هيستلم التصريح الساعة ١ بإذن الله
جزاكم الله كل خير

 

[Hend Salem]

- طيب هو ليه مسألش المفروض يعمل ايه عشان يحل الموضوع بس طبعا مش هينفع يسافر الا لما يحله
- و زوجته مش هينفع تسافر من غيره لانه المحرم بتاعها

 

[Heba Fayek]

زوجته تسافر مع والده عادى جدا لانه محرم دايم انا سافرت عمره 5 مرات مع حمايا و حماتى من غير جوزى اصلا

 

[Mayada Mohsen]

حماها ينفع محرم ليها

 

[Jo Jo]

لو زوجته كملت 45تسافر لوحدها ووالدته تسافر عادي لانها كبيره بالسن

 

[Basma Nassar]

حماها محرم ولو فوق 45تطلع عادي

 

[مصطفى محمود]

زوجتة تحت ال ٤٥ وتأشيرتها مكتوب ان المحرم زوجها ، فمش هينفع حماها محرم للأسف ، هو غالبا كدة مفيش غير انه هيروح بكرة يقدم إلتماس ولو منفع هيجرب يسافر عل وعسي ميطلبوش التصريح

 

[Mohamed Khairy]

بعد اذن الناس اللي بترد ومقرتش كويس هوه بيقول استدعا والاستدعا دي بتبقا حوالي 9 سنين بعد انهاء الخدمه يعني اقصي حاجه تقريبا يكون عنده 39 سنه فالناس بقا اللي بتقول زوجته عدت 45 !!!! اعقلوا الكلام ثانيا هوه لو طيارته بكره هيبقا الموضوع صعب ممكن يلغي الحجز ويظبط اموره مع بتاع الاستدعا ويحجز تاني

 

[Diaa Hussein]

معتقدش هايسافر ولا مراتة لان حصلى قبل كدة تخلف الاستدعاء دة اتفاجات بية لانة في القسم بيضرب الورق على أنهم بلغو المستدعى وهايقف حالة لحد مايتحاكم فى المحكمة العسكرية ويدفع الغرامة

 

[Youssef Ahmed]

هو مش هينفع يسافر من غير تصريح الجيش
وزوجته مش هينفع تتدخل السعوديه من غير المحرم اللي طالعه عليه التاشيره

 

[Ahmed Gamal]

لو قفلت خالص بكره معاه خليه يروح المطار في وسط المجموعه وممكن ما يتسالش علي تصريح الجيش حصلت معايا مرتين اني ما تسالتش عليه بس برده اتسالت عليه كتييير هو وحظه

 

[Ahmed Shabiek]

مش هينفع يسافر طبعا
يعمل موافقه سفر عمره للزوجة من الشهر العقاري انه موافق ان زوجته تسافر مع والده.

 

[Ahmed Morsi]

انا هكتبلك حل انا مش متأكد منه بس شوف اللينك ده حد كان كاتب ان لو جالك استدعاء و انت مسافر تقدر تعمل الحل ده
/مسافر أو في أجازة ، وجالك إستدعاء جيش ؟؟ .. متخافش .. تعالى أقولك الحل وهتلغيه وتسافر

 

[Amr Ibrahim Diab]

انا عندي ليك حل هقولك عليه في حاجة اسمها وقف استدعي بتتعمل من هيئة تنظيم وادادرةالعباسية ابعتلي ع الخاص علشان الموضوع طويل

 

[Mohamed Saeed Dox]

التنظيم و الإدارة ف العباسية هطلعك

 

[مصطفى محمود]

الف شكر ليكم يا جماعة ، هو راح الحمد لله منطقة التجنيد ( بمحطة التجنيد ) ومضى على إقرار بأنة هيرجع يقدم نفسة تاني ، والمفروض هيستلم التصريح الساعة ١ بإذن الله
جزاكم الله كل خير

 

[Heba Ibrahem]

هيروح يطلع ورقه من الشهر العقاري بان والده هو محرم زوجته

 

[Sherif Farouk]

عادي هي ممكن بكل سهوله تسافر اهم حاجه التاشيره طلعت و بس كده محدش هناك بيسئل فين محرم بتاعك اهم حاجه ان التاشيره موجوده

 

[Rehab Ahmed]

ربنا يتم سفرهم علي خير