السلام عليكم انا عندى مشكله متعلقه بالسفر و...

  • بادئ الموضوع بادئ الموضوع Salwa Ahmed
  • تاريخ البدء تاريخ البدء
عرض العطلة
S

Salwa Ahmed

:: مسافر ::
#1
السلام عليكم انا عندى مشكله متعلقه بالسفر و اتمنى اانى الاقي حد يكون مر بنفس التجربه و قدر يتغلب عليها،،انا ظهر عندى مؤخرا فوبيا من المرتفعات،،حاولت اتجاهلها و اتغلب عليها لحد ما ركبت طياره مره و أصابني حاله ذعر و هبوط حاد من الخوف و تعبت جداا و انا لحد دلوقتى مش عارفه اتغلب عليها،،برفض حتى فرص السفر بسبب الموضوع ده،،دورت على النت لقيت الموضوع محتاج ادويه ،،هل حد اخدها او يعرف حد اخدها قبل كدا ؟؟ ارجو الافاده
هل فى امل انى اخف و ابقي انسانه طبيعيه ؟؟
 
#4
بصي هو كل انواع الخوف بيترجع للاصل ان الانسان خايف من الموت .. اي نوع من انواع الخوف مهما كانت بيكون اصلها الخوف من الموت .. الي بيخاف من المرتفعات عشان خايف يقع يموت .. اللي بيخاف من الضلمه عشان خايف يخبط ف حاجه و يموت .. اللي بيخاف من التعابين عشان تخاف تقرصه يموت .. اللي بيخاف من العربيات والسرعه بيخاف تخبطه عربيه يموت .. اللي بيخاف من الاماكن الضيقه يخاف تتقل عليه الابواب ويموت .. من الاخر عشان تتغلبي ع الحوار دة انك تبقي مش خايفه من الموت ومستبيعه ودة بيحصل عن طريق يا تبقي جرئيه ف حياتك يا يحصلك فقد حد بتحبيه ساعتها الدنيا كلها مش هتفرق معاكي وهتروحي للمغامره برجليكي
 
#5
سبحان الله انا ضغطى بيوطى وبتعب جدا وانا راجعه من سفريه اتبسط فيها وكان نفسى اقعد فيها اكتر ومعرفتش وبقعد كام يوم كده لحد ما أتأقلم . ... متخديش اى ادويه الا باستشاره طبيب وحاولى من جواكى تشيلى الذعر اللى جواكى انك تتفائلى انا كده هبقى مبسوطه كل الناس بتعمل كده وعادى فاهمانى خليها من جواكى يعنى
 
عرض العطلة
#8
المهدئات و المنومات المناسبة تقريبآ كلها جدول و لازم روشتة طبيب
الافضل استشارة طبيب الموضوع سهل و بيكون عندهم حلول
 
#9
دي مشكلة نفسية بتحتاج تدخل طبي نفسي، بأدوية والأهم هو العلاج السلوكي، أنك تاخدي طرق مع تكرارها بيتم علاجك.. مينفعش تدخلي في مواجهة مع اللي بتخافي منه وأنتي لوحدك بدون ما تكوني مدعمة بتدخل نفسي طبي لأنها ممكن تقلب بحاجة سيئة لا سمح الله.. كل شخص وليه طريقته في العلاج وكمان في أعراض مشكلته وإصابته..
اللي ممكن تعمليه لوحدك بشكل مبدأي هو تعلم دروس للتنفس والاسترخاء.. يعني تاخدي شهيق بهدوووء وعميق وتطلعيه زفرة قوية، وهكذا كذا مرة لحد ما تلاقي أن الوضع العام بقى مريح أكتر.. لو حسيتي وقتها انك عايزة تعيطي متحوشيش نفسك بل عبري عادي.

وفيه كمان تمارين يوجا بتحاول تهدي الذعر عموما وهي وتمارين التنفس بتتعرف من فيديوهات يوتيوب.

دي مجرد تمارين داعمة للإسترخاء وطرد أي فكرة مسيطرة على العقل دلوقتي.. بالاضافة للدعم الطبي السلوكي والدوائي هتتعالج المشكلة لإن الموضوع مش مجرد حد بيخاف يطلع في مكان عالي بل دي ترسبات وحاجات كلها أدت إنها تظهر في صورة ذعر من المرتفعات.

أسفة للإطالة، بس كنت عايزة أقولك متقلقيش وتزعلي من نفسك أن عندك مشكلة زي دي.. وأرجوكي بلاش أدوية أو محاولات صادمة تعمليها لوحدك كدا بدون دعم ناس بتفهم في الموضوع.. أنا مريضة فوبيا كذا حاجة كمان، علشان كدا كنت بقرأ وبتابع مع أطباء.. ربنا يساعدك ويرزقك ناس بتفهم وتدعمك :)
 
#10
انا كنت اكتر منك والحمد الله بنسبت ٩٠ فى المايه اتعلجت لها حلول اولا عدم اتباع اى اخبار وبالذات نشونيال كوغرافيك عن حوداث الطيران ثانيا يفضل او ١٠ دقايق تقرء قران فيه الا بذااكر الله تطمن القلوب وكل ماتلقى مطب هزى رجليكى او قومى اقفى شويه وحاولى تتكلمى تقومى تغيرى مكانك ده الحل الا اتبعته والحمد لله الفوبيا بتخف واحده واحده
 
عرض العطلة
#11
في ادويه بسيطه بتتاخد مفيهاش اي خطوره ولا حاجه لانها عباره عن مهدئات ومش بتاخديها بانتظام يعني بتاخديها وقت مواجه الحاجه اللي مخوفاكي قبل ركوب الطياره ولا النلفريك ودي حاجات بسبطه وبتحصل لناس كتير مفيهاش حاجه
 
#12
لو ادركتي للحظة ان كل شيء بايد ربنا وان لو مكتوب لينا نموت فالطيارة هنموت ومحدش هيقدر يهرب ... انا كنت زيك بس اولا مبحطش فدماغي اني فالجو ولو جه مطب بفكر فربنا وانا عارفه ان كله بايده ولو مكتوب ليا الموت فاللحظه دي مش هقدر امنعها. ... فبتوكل ع الله وبسلم امري ليه ...
 
#13
بكل بساطة خلي معك كتاب و كلي علكة و لا تقعدي جنب الشباك و لا تحاولي ابدا النظر للارض و اذا كان حدى معك حاولوا افتحوا مواضيع روتينية .....و ان شاء الله هدا هو الحل
 
#14
هو الموضوع فعلا ممكن يكون محتاج ادوية نفسية لو انتي كبرتيه في دماغك ...انا عارف انتي بتحسي بايه بالظبط .. بس صدقيني موضوعك سهل التخلص منه .. وانتي انسانة طبيعية بالعكس قولي الحمد لله انه الخوف جه في حاجة تافهة كده ... اعرفي اول حاجة ان انتي مش حتتخلصي من الخوف ده الا لما تعاصري الحاجة اللي انتي خايفة منها كتير .. وساعتها تبتدي انك تهدي نفسك ( عارف والله انه صعب) بس هو اصعب وانتي بعيدة عن الموضوع نفسه .. كل اللي عليكي تعمليه انك تنوي وبشجاعة انك حتركبي الطيارة وخلي الخوف والذعر موجودين وخليهم يوصلوا لاقصى درجة ما يهمكيش ومتفكريش في العواقب .. يعني ما دام ان عندك اعتقاد ان ده حيحصلك اوتوماتيك لما ي الطيارة فا خليه يحصل اوتوماتيك مع نفسه .. بس انتي خلي عندك تركيز تاني غير كده ... التركيز ده بقى في اي حاجة تانية .. حتقوليلي طيب وازاي برضه اركز في حاجة تانية .. اتفرجي على فيلم . او اقري رواية .. متقعديش تاكلي في نفسك طول مانتي قاعدة وتفكري في الخوف وازاي تتغلبي عليه وتفكري انه حصلك قبل كده ... بس تركزي في حاجة تانية وتبتدي تقنعي نفسك انك بالفعل اجتازتي الخوف ده بدليل انك حققتي دقايق وانتي قاعدة في الطيارة ومحصلش حاجة ... ومتكرريش الافكار كتير .. خلاص اقنعتي نفسك متقعديش بقى تكلمي نفسك كتير في الموضوع .. كفاية مرة واحدة وارجعي تاني ركزي في روايتك .. او الفيلم اللي بتتفرجي عليه
 
#15
وعلى فكرة كلنا عندنا الخوف من الطيران بس مش بيبقى ظاهر الا لو حد قالنا مثلا المحركات عطلت فا كله بيتلخبط وبيحصله نفس الحالة اللي انتي بتحسيها .. فا انتي انسانة طبيعية ومفيكيش حاجة .. كل القصة انك حطيتي نفسك في الموقف ان الطيارة بتقع وهو محصلش اصلا ... المفروض انك بتركبي وانتي عندك قناعة ان ان شاء الله مش حيحصل حاجة ... اصلا نسبة حوادث الطيران بتبقة 0.001 في المية . انما نسبة الحوادث في ركوب العربيات ممكن تبقى 30 في المية مثلا .. يعني خطر انك تركبي عربية اكتر من خطر انك تركبي طيارة .. وبعدين انتي فاكرك يعني الطيار مش خايف على حياته ولا شركة الطيران مستغنية عن الطيارة .. دي نسبة الامان في الطيارة اعلى من اي حاجة .. متكبريش الموضوع .. و عشان متقلقيش .. انا ياستي مريت باصخم من اللي بتمري بيه .. والحمد لله حاجات كتير زي كده عدت وانتهت واكتشفت اني كنت اهبل اني كنت بفكر في كده ... فا متقلقيش انا عارف انتي حاسة باية بالظبط يمكن ناس كتير هنا علقت بس عمرها ما حتحس بيكي ولا انتي بتتكلمي في ايه .. كمثال كنت بخاف من المية ولو حسيت اني دخلت في حتة في مفيهاش طول كان بيجيلي حالة ذعر واحس اني بغرق ... وفي يوم واحد كنت في حمام سباحة وابتديت اني احاول اخش في حتت مفيهاش طول وكنت بقول لنفسي الناس حواليا اهو .. وبعد كدة بقيت اعوم لوحدي ممكن الساعة 2 و 3 باليل واخش في حتت غويطة .. فا متقلقيش اللي انتي فيه ده هبل .. ومتفكريش فيه كتير بس اجلي القلق لغيت ما تركبي طيارة وتعملي اللي قولتلك عليه ... متقعديش تشحني نفسك قبليها
 
عرض العطلة
عرض العطلة
عرض العطلة
أعلى أسفل
عودة
قائمة