A
Ahmed Mohamed
:: مسافر ::
البوست التاريخي ل المبتدئين في السفر .. ازاي تظبط سفريتك لوحدك من الالف للياء ؟
الحلقه الاولي : اماكن الاقامه
تقعد فين وانت مسافر بأرخص الاسعار ؟
.
مبدأيا اجابه السؤال دة بيعتمد علي حاجات كتير :
1- عدد المسافرين : شخص واحد ولا كابلز ولا اسره كامله بأطفال
2- الغرض من السفر : شهر عسل ولا خروجه شبابي ولا اجازة اسره ولا سنكحه ولا دراسه
3- الميزانيه : هل ميزانيه مفتوحه ولا ميزانيه محدودة ولا مفيش فلوس خالص
.
هنتكلم في البوست دة عن جميع انواع الاقامات المختلفه وانت مسافر وازاي تجيب ارخص الاسعار لكل نوع اقامه
.
1- الفنادق :
ودي طبعا اشهر مكان للاقامه في اي مدينه او مكان او بلد هتروحه
ميزة الفنادق ان فيها رفاهيه وراحه كبيرة خصوصا للعائلات واللي معاهم اطفال واللي مسافرين وقت قصير
.
ازاي تدور علي احسن فندق يناسبك بالبادجيت بتاعتك ؟؟
لازم تعرف ان مواقع حجز الفنادق نوعين ,, موقع حجز مباشر بتحجز منه مباشره وموقع حجز غير مباشر بيحولك لموقع تاني عشان تحجز منه
و الفندق هو اللي بيحدد السعر االاصلي والموقع الوسيط زي بوكينج بياخد من 3 ل 7 % من سعر الحجز
.
في اقوي 3 مواقع في التاريخ للبحث عن الفنادق ..
الاول اسمه 7agz Fondoq .com
التاني اسمه Hotels Combined .com
التالت اسمه Ya Msafr .com
.
المواقع دي ( اول 2 خصوصا ) وظيفتهم انهم بيجيبوا لك كل الفنادق ويقارنهالك من علي كل مواقع حجز الفنادق ..
يعني ممكن مثلا تلاقي فندق من علي expedia مش موجود علي بوكينج او ارخص من بوكينج
أو تلاقي فندق من علي بوكينج ارخص او مش موجود علي trivago .. وهكذا وهكذا
.
وانت طبعا مش فاضي والفراغ قاتلك لدرجه انك تفتح كل مواقع حجز الفنادق والمواقع الوسيطه وتدور علي ارخص فنادق في كل موقع لوحده ! انت كدة عايز مليون سنه عشان تلاقي سعر مناسب
.
عشان كدة وظيفه موقع hotels combined أو موقع 7agz Fondoq انهم هيجيبو لك كل الفنادق ويقارنلك اسعارهم مع كل مواقع الحجز وبالتالي هتعرف تجيب احسن سعر للفندق من علي احسن موقع للحجز
.
بعد ما تدخل عليهم هتستخدم كل الفلاتر اللي علي الشمال ,,
.
يعني ايه كلمه فلتر ؟؟
معني كلمه فلتر يعني قوائم للاختيار موجودة فيها كل مواصفات الفنادق وانت وظيفتك انك بتفلتر النتائج يعني بتختار النتائج اللي تناسبك وتستبعد اللي مش يناسبك لتقليل نتائج البحث ..
.
مثلا هتلاقي فلتر عن التقييمات وعدد النجوم
( النزلاء بيعطوا تقييمات حسب اللوكيشن بتاع الفندق ,, حسب وسائل الراحه فيه ,, حسب الخدمات من اصحاب الفندق ,, الخ الخ )
هتلاقي فلتر تاني عن متوسط السعر وميزانيتك قد ايه
هتلاقي فلتر ثالث عن نوع المكان اللي عايز تنزل فيه هل فندق ولا ريزورت ولا فيلا ولا بيت شباب
هتلاقي فلتر رابع عن تسهيلات الفندق زي مثلا هل في واي فاي ولا مطعم ولا باركينج ولا صاله جيم ولا توصيله من المطار للفندق الخ الخ
اقعد العب في كل الفلاتر دي عشان توصل للفندق اللي يناسبك ويناسب احتياجاتك
.
وبعد ما تخلص فلتره هيطلعلك النتائج النهائيه المتفلتره من علي كذا موقع للحجز وانت تبدأ تشوف فندق فندق وتدخل علي الموقع بتاع الفندق نفسه وتشوفه وتشوف مواصفاته ومواصفات الغرفه وتقييم الناس ليه و نوع الغرفه اللي هتاخدها و التسهيلات اللي فيها الخ الخ .. وطبعاااااااااااا اهم حاجه الخريطه .. الخريطه و جوجل مابس في السفر هي ايديك و رجلك .. من غير خريطه و جوجل ماب انت هتبقي محتاس وضايع برا مصر
يعني لازم تشوف خريطه المكان كويس اوي وتحفظ العنوان بتاع الفندق وازاي تروحله .. وبعدين تحجز ..
.
اهم نصيحه وانت بتحجز انك لازم تقري شروط الحجز كويس اوي اوي خصوصا فيما يتعلق بال free cancelation وهو الالغاء المجاني للحجز لان ياما ناس لبست في الحيط بسبب انها مبتقراش شروط الحجز كويس
*******************************************************
تحجز الفنادق اونلاين ولا مع شركه سياحه احسن ؟؟؟؟
عشان ننهي النقطه دي اللي فيها جدل كتير جدا
اغلب شركات السياحه بيكونوا متفقين علي سعر معين مع الفنادق والفندق بيديلهم سعر ارخص وبالتالي هو هيبيع ليك بسعر ارخص
.
لان الشركه بتاعه السياحه بتتعامل مع الفندق مباشره وعلي اساس انهم شركه بيبقي ليهم سعر اقل من سعر الفندق نفسه ... يعني مثلا لو انت ك سائح كلمت الفندق هيديك السعر 1000 مثلا وبيدي شركه السياحه السعر 800 تقوم شركه السياحه تبيع ليك ب 900 ويبقي كده كل الاطراف كسبت .. انت كسبت سعر اقل من سعر الفندق ,, الفندق كسب انه باع كل الغرف ,, شركه السياحه كسبت انك اتعاملت معاها وخدت كوميشن وباعت ..
.
كمان في ميزه تانيه كبيره اوي لشركات السياحه
ناس كتير حجوزاتها بيعملوها اون لاين ويحبوا يعملوا ريفاند والاونلاين بتبقي الرولز بتاعته ان الحجز ما بيرجعش .. لكن لو حجز مع شركه .. الشركه بتعرف تتكلم مع الفندق وتقدر في اغلب الاحوال ترجع جزء كبير
.
طيب وانا اعرف ازاي ان الشركه هتعرف تجيب لي سعر اقل من الفندق !!!! مش جايز بينصبوا عليا وهيبعولي بسعر اعلي من الاونلاين ؟؟؟؟
حضرتك ببساطه هتحجز الفندق اللي انت عايزة في الفتره اللي انت عايزها من اي موقع حجز وليكن بوكينج مثلا وتخليه free cancellation وبعدين تروح لشركات السياحه
.
جابولك سعر ارخص من السعر اللي انت حجزته من بوكينج ( بعد عموله الموظف بتاعهم طبعا ) يبقي تكنسل الحجز بتاعك وتحجز مع شركه السياحه دي
.
لكن لو لقيت سعر شركه السياحه هو هو نفس حجز بوكينج او اغلي يبقي تفكس ليهم وتكمل بالحجز اللي معاك اللي حجزته من الاول
*************************************
حركه صايعه في الحجز ميعملهاش الا اللي قلبه جامد ومستبيع ومعندوش اسره :
متحجزش فندق قبل ما تسافر .. هتحجزه بعد ما تسافر
يعني بعد ما توصل البلد اللي انت رايحها بالسلامه هتبدأ تروح الفنادق اللي ف البلد علي رجلك وتقولهم انا عايز غرفه فاضيه عندكم
.
ليه تعمل كدة ؟؟
عشان الغرف اللي مش محجوزة مسبقا دي بتبقي ارخص بكتير من انك تحجز من بوكينج مثلا لان بوكينج بياخد ضريبه لكن لما تحجز من الفندق فيس تو فيس مبياخدش فلوس الضريبه دي يعني فلوس الحجز بتكون ارخص كتير جدا جدا
.
طب افرض صاحب الفندق قالك اوك هحجزلك الاوضه الفاضيه بس طلع ان سعر الغرفه اغلي من اللي مكتوب علي بوكينج ؟؟
ساعتها هتقوله ثانيه واحدة وتقوم حاجز من علي بوكينج وانت واقف وتديله الحجز في وشه وتبقي برضو خدت الاوضه بسعر رخيص
.
طيب ايه خوازيق الموضوع دة ؟؟
الخازوق طبعا انك متلاقيش غرف فاضيه أو صاحب الفندق ميرضاش انه يديك غرفه بدون حجز مسبق وبالتالي تقعد تلف في الشمس علي كذا فندق وممكن تنام ف الشارع لو ملقتش وعشان كدة منصحش بالحركه دي ل الاسر واللي معاهم اطفال
============================================
2- الهوستل :
هو عباره عن بيوت الشباب وهي نسخه مصغره من الفنادق ودي الاقامه المفضله ل الرحاله و الشباب اصحاب الميزانيه المتوسطه
احسن موقع تدور فيه علي الهوستلز هو Hostel World .com
.
الاقامه في الهوستل عباره عن نوعين :
1- ال Dorms : ودة معناه انك بتحجز سرير جوة اوضه
وعلي حسب كل هوستل ممكن تلاقي 8 سراير ف اوضه ,, وممكن تلاقي 10 سراير ف اوضه وممكن تلاقي 6 سراير بس في الاوضه
.
2- ال private rooms : ودي انك بتحجز اوضه كامله لوحدك بس طبعا حجم الاوضه بيبقي اصغر من اوض الفنادق
.
ليه تروح الهوستلز ؟
1- لانه ارخص بكتير جدا جدا من الفنادق
2- لان معظم الهوستلز بتبقي صغيره في الحجم ومبتشغلش مساحه كبيره وبالتالي بتبقي قريبه اوي من معظم المناطق الحيويه في البلد اللي هتروحها سواء قريبه من محطه اتوبيس او مترو او قريبه من وسط المدينه او قريبه من مكان سياحي مشهور الخ الخ
.
عكس الفنادق بقي بتحتاج مساحات كبيره عشان الهووول و البسين ومكان للباركينج الخ الخ .. يعني الرفاهيه دي بتبقي محتاجه مساحات كبيرة وصعب تلاقي المساحات الكبيره دي وسط اماكن حيويه ف البلاد اللي هتروحها .. ولو لقيته في وسط اماكن حيويه هتلاقيه باسعار خرافيه تصلح لابناء ابو هشيمه و مرات كريستيانو رونالدو فقط
.
ليه متروحش الهوستلز ؟
1- الحمااااااااااااااااااااااااااام .. او ما يسمي ب بيت الراحه
ال dorms بتبقي ب حمامات مشتركه ودي صعبه شويه علي البنات انها تستني دورها وكدة
لكن لو private room اوقات كتير بتبقي ب حمام مستقل لكن ساعات برضو ال private room بتبقي بحمام مشترك
.
2- مفيش الرفاهيات اللي موجودة في الفنادق وانت اللي هتعمل كل حاجه بايديك
يعني انت اللي هتشيل الشنط بنفسك قليل جدا لو لقيت room service في هوستل خصوصا لو انت وصلت بليل متأخر
انت اللي هتطبخ الاكل بنفسك وتغسل الاطباق بعد ما تخلص بنفسك مفيش حاجه اسمها اوبن بوفيه والكلام دة
.
هل الهوستل امان ولا ممكن اتسرق فيه ؟؟
معظم الهوستلز بيبقي فيها locker او security انك تحط فيها شنطك وحاجتك اللي خايفه انها تتسرق منك
معظم الهوستلز بيكون فيها free wifi و احيانا في بعض الهوستلز بيكون فيه مغسله ودة مفيد جدا لو هتقعد فتره طويله هناك
.
الهوستل استايل شبابي يعني ممكن تلاقي فيه حفلات او تجمعات للمزيكا والغناء او حلقات نقاش وحكاوي عن السفر .. يعني لو انت انطوائي وكئيب ومتنكد عليك من مراتك ف بلاش تروح الهوستل عشان متقرفش الناس هناك معاك
======================================
3- تأجير الاستديوهااااااااااات والشقق المفروشه
موقع Airbnb
/Vacation Rentals, Homes, Experiences & Places - Airbnb
لحجز الغرف والشقق المفروشة أو الفلل أو الاستديوهات من اصحابها .. ودة انسب حل ل الناس اللي بتسافر عشان تدرس او بتسافر عشان تدور ع شغل في الامارات مثلا ,, او عائله وعايزين يقضوا اجازة طويله شويه بفلوس اقل بكتير من الفنادق وبامتيازات احسن بكتير من الهوستلز
.
يعني الموقع دة هو الحاجه الوسط اللي بتعالج عيوب غلاء سعر الفنادق و تعب وارهاق الهوستلز ..
.
في الموقع دة في 3 اوبشنز للمكان اللي هتستأجره :
1- اولا ال Shared room : ودي انك تأجر نص غرفه ( سرير مثلا ) و تتشارك فيها مع حد وتعيشوا كلكم مع صاحب السكن و عائلته
.
2- ثانيا ال Private room : ودي انك تأجر غرفه كامله لوحدك من غرف الشقه بس برضو هتفضل عايش مع المالك و عائلته في نفس البيت وتشاركه في الصالون والمطبخ والحمام
.
3- ثالثا ال Entire Place : ودي انك تأجر البيت كله ليك من المالك ومحدش يعيش معاك فيه وتستخدم كل مرافق البيت لوحدك
.
من مميزات البرنامج دة انك تقدر تعمل سيرش اما عن طريق السعر اللي يناسبك او عن طريق الماب ( الخريطه ) او المنطقه اللي عايز تسكن فيها
.
بتعمل سيرش وتشوف صور الشقه او الغرفه اللي انت عايز تأجرها وتشوف المالك ومعلومات عنه وتشوف تقييمات الناس اللي سكنت معاه أو أجرت منه قبل كدة
.
الموقع عندة خيارين في الحجز :
1- حجز فوري بمجرد ما تحجز تروح تسكن فورا
2- حجز غير فوري انك ترفع طلب الاول لصاحب السكن و صاحب السكن قدامه 24 ساعه يرد عليك هل هو موافق علي انك تسكن او لأ وبعدها تعمل كونفيرم للحجز
.
ملحوظات مهمه :
1- لو عملت تفعيل للحجز الفوري اللي هو اسمه instant book هيقلل من الخيارات المعروضه عكس لو عملت تفعيل للحجز الغير فوري هيجبلك ملايين من الشقق والغرف المعروضه للتأجير
.
2- السعر اللي بيطلعلك غالبا ل الليله وغالبا قبل الدفع بيكون فيه خصومات
.
3- انت مبتحاسبش صاحب السكن .. يعني اوعي تديله اي فلوس .. انت بتحاسب airbnb وبمجرد ما صاحب السكن يبعتلك موافقه علي انك تسكن معاه أو تأجر شقته تقوم ال airbnb تسحب المبلغ من الفيزا بتاعتك .. وبعدين ال airbnb بيحولوا المبلغ ل صاحب السكن بمعرفتهم .. بعد ما تاخد عمولتها طبعا
يعني من الاخر ال airbnb بتقوم بدور السمسار .. بيوفق راسين في الحلال
.
4- صاحب السكن بيتواصل معاك عن طريق الواتس او الفون عشان يقولك هتوصل امتي عشان يديك مفاتيح الشقه
======================================
4 - الكاوتشسيرفنج ( الاقامه مجانا بدون اي فلوس )
موقع Couchsurfing
/Meet and Stay with Locals All Over the World
الموقع دا بيخليك تلاقي ناس من اهل البلد اللي انت رايحها تستضيفك ببلاش عدد ايام معينه سواء يوم او اتنين او 10 .. حسب كل هوست بالاتفاق معاه
.
الموقع ببلاش .. كل اللي بتعمله هتخش علي الويب سايت وتعمل بروفايل وتدور علي الهوستس اللي مستعدة تستضيفك في البلد اللي رايحها
.
ليه اشتراك سنوي ,, من 10 ل 20 دولار .. انت ممكن متدفعش وتستخدمه عادي لكن لما بتدفع الاكونت بيتعمله vertified وبالتالي بيكون موثوق عند الهوست انك شخص جاد وكدة
دة غير انك لما بتدفع بيديك عدد غير محدود من طلبات الاضافه للهوست عكس لما مبتدفعش بيديك عدد محدود كل شهر حوالي 10 طلبات كل شهر بس
.
طيب هو ايه الاستفادة اللي هيستفيدها الهوست ؟؟ بينيمك عنده ليه مجانا ؟؟
** في ناس بتبقي مهتمه بالتعرف علي الثقافات المختلفه وتكوين اصدقاء من كل دول العالم
** في ناس تانيه بتستعمله من مبدأ " قدم السبت تلاقي الخميس والجمعه بليل "
انه لما يستضيف ناس كتير مجانا ويقرر يروح دول غاليه جدا في المصاريف عشان يتفسح ساعتها الناس اللي استضافهم دول هيقولوله تعالي عندنا طبعا وبكدة يبقي اتردله اللي عمله ولقي سكن برضو مجانا
** في ناس تالته بتستعمله لغرض تحسين اللغه زي ان حد امريكاني عايز يتعلم تركي ف يستضيف ناس اتراك او حد مصري عايز يتعلم روسي ف يستضيف ناس روس الخ الخ
.
طيب اضمن منين الهوست دة انه امان خصوصا للبنات ؟؟
طبعا كل الناس هترد في بوق واحد " من الريفيوهااااااااااااااااات "
وهيقولولك كل ماكان الهوست واخد ريفيوهات كتيره كويسه دة معناها انه امان اكثر
طبعا دة كلام هلس والريفيوهات مبتعبرش ابدا عن المشاكل اللي ممكن تتعرضلها
هتقولي عشان ممكن كل الريفيوهات تكون من صحابه وعيلته وشلته وبيجاملوة ؟؟؟ لا عادي ممكن تكون الريفيوهات من كل بلاد العالم
.
بس الفكرة ان ممكن واحد امريكي حشاش يستضيف ناس من كرواتيا مثلا عندة بيحبوا الحشيش ف يقعدوا يرولو مع بعض والناس الكروات يخرجوا من عندة يكتبوا الراجل دة ميه الميه الميه الميه الميه اسيادنا راضيين عليه
او واحد روسي بيحب يشيش ف استضاف ناس من المجر بتحب تشيش فهيطلعوا من عندة يقولوا عليا الطلاق الراجل دة اجدع من ابويا
القصد يعني الريفيوهات مبتعبرش ابدا عن واقع شخصيه الهوست حتي لو عنده 200 ريفيو
.
طيب امال نعمل ايه يعني عشان نتأكد من الهوست انه محترم وامان ؟؟
ببساطه هتدخل عند الهوست دة هتلاقيه منزل اكونت الفيس بوك وتويتر وانستجرام .. هتعمل سيرش علي كل بوستاته وصوره .. ومن الصور والبوستس دي هتعرف :
هل الراجل دة محترم ولا هلاس
هل متواجد بصورة منتظمه وليه حياه فعليه زي ما كاتب عن نفسه في ريفيو الاكونت ولا مجرد شخص وهمي
هل ليه صحاب كتير وصحابه من نوعيه محترمه ولا شله صيع
هل مثلا لو الهوست بنت وانتي بنت وعايزة تقعدي عندها .. البنت الهوست دي مصاحبه ولاد وبيقعدوا عندها ف الشقه ولا لأ
.
الخطوة التانيه وهي الاهم انك تتكلم معاه سواء ع الماسنجر او واتس قبل ما تروح ومن خلال كلامكم هتعرف ايه النوعيه الشخص اللي بتتعامل معاه .. وبيبان من كلامهم ووصفهم لنفسهم
.
طيب هل الموقع دة للاستضافه فقط ؟؟ مفيش اي انشطه تانيه بتتعمل ؟
طبعا في انشطه تانيه .. ممكن تعمل اكونت عليه عشان تتقابل مع الهوستس في clubs او يوصلوك بالعربيه لمكان معين في البلد اللي رايحها ,, لان الهوستس دول يعرفوا عن البلد اكثر من trip advisor نفسه
.
طيب هتنام فين ؟؟
دي المفروض بتتفق مع الهوست قبل ما تروح عليها ,, في هوست بيقدم كنبه فقط ,, في هوست بيقدم سرير في اوضه ,, في هوست بيقدم اوضه كامله .. علي حسب كل هوست وامكانياته
=====================================
5- التطوع مقابل الاقامه ( اقامه شبه مجانيه )
في مواقع زي
Work away - Home stay - World packers - Wwoof - Helpex - Au Pair
الموضوع ببساطه دي مواقع للمتطوعين .. بتشتغل عدد ساعات معينه في اليوم مقابل سكن واكل واحيانا فلوس كمان .. والشغل بيبقى في كل حاجه تتخيلها ,, اما في الزراعة .. او المساعدة في بناء بيت .. او في رعاية أطفال .. او في تنضيف الهوستل .. او في تعليم الانجلش للاطفال .. الخ الخ
.
المواقع دي كلها باشتراك سنوي ما بين 10 دولار ل 50 دولار .. بتدخل تعمل اكونت وبتختار المجال اللي هتشارك فيه .. بس وانت بتقدم لازم تقرا الريفيو كويس اوى عشان مش كل الاماكن شبه بعضها
المواقع اللي تدور فيها :
/Workaway in over 155 countries - Give meaning to your travels
/Find your au pair or your host family today - AuPairWorld
/Be an Au Pair | Go Abroad with Go Au Pair | Go Au Pair
/WWOOF
/Help Exchange: free volunteer work exchange abroad Australia New Zealand Canada Europe
/MindMyHouse - Bringing home owners and house sitters together
/Find House Sitters | House Sitting Guide USA Australia Canada NZ UK worldwide
/FREE Volunteering Abroad | Work Away and Help Exchange | GapYear
===================================
6- الكامبااااااااااااااااات و التخييم
طبعا دي للناس اللي بتحب تجربه اماكن جديدة عكس المألوف وطبعا هي مقصد ال solo travellar الاول خصوصا في مصر
الكامب عباره عن زي شاليه كدة بيبقي في قريه صغيرة علي البحر
طبعا ليها انواع كتير
فيه كامب بيبقي مكيف وفيه وسائل راحه كتير وينفع للعائلات
وفيه كامب بيبقي بسيط جدا ينفع للسنكحه و ال day use بس
وفيه كامب بيبقي مجهز للهاني مونرز بس
===================================
انا اسف طبعا اني شرحت الحاجات بالتفصيل الممل عشان الناس اللي معندهاش اي خبره ف السفر تبدا تعرف وتفهم .. طبعا في ناس الكلام دة بالنسبالها عبيط اوي ومعروف بس زي ما قولت احنا التارجت بتاعنا من البوستات دي هما المبتدئين وليس الرحاله ..
.
ان شاء الله الحلقه الجايه عن تذاكر الطيران وازاي تجيب ارخص تذكره طيران في رحلتك
صحيح انا نزلت مقاله قبل كدة عن ازاي تجيب ارخص تذاكر طيران
بس المرة دي هتكون أشمل و افيد وفيها معلومات اكثر من المقاله اللي فاتت
.
وكالعادة .. اقعدوا بالعافيه
الحلقه الاولي : اماكن الاقامه
تقعد فين وانت مسافر بأرخص الاسعار ؟
.
مبدأيا اجابه السؤال دة بيعتمد علي حاجات كتير :
1- عدد المسافرين : شخص واحد ولا كابلز ولا اسره كامله بأطفال
2- الغرض من السفر : شهر عسل ولا خروجه شبابي ولا اجازة اسره ولا سنكحه ولا دراسه
3- الميزانيه : هل ميزانيه مفتوحه ولا ميزانيه محدودة ولا مفيش فلوس خالص
.
هنتكلم في البوست دة عن جميع انواع الاقامات المختلفه وانت مسافر وازاي تجيب ارخص الاسعار لكل نوع اقامه
.
1- الفنادق :
ودي طبعا اشهر مكان للاقامه في اي مدينه او مكان او بلد هتروحه
ميزة الفنادق ان فيها رفاهيه وراحه كبيرة خصوصا للعائلات واللي معاهم اطفال واللي مسافرين وقت قصير
.
ازاي تدور علي احسن فندق يناسبك بالبادجيت بتاعتك ؟؟
لازم تعرف ان مواقع حجز الفنادق نوعين ,, موقع حجز مباشر بتحجز منه مباشره وموقع حجز غير مباشر بيحولك لموقع تاني عشان تحجز منه
و الفندق هو اللي بيحدد السعر االاصلي والموقع الوسيط زي بوكينج بياخد من 3 ل 7 % من سعر الحجز
.
في اقوي 3 مواقع في التاريخ للبحث عن الفنادق ..
الاول اسمه 7agz Fondoq .com
التاني اسمه Hotels Combined .com
التالت اسمه Ya Msafr .com
.
المواقع دي ( اول 2 خصوصا ) وظيفتهم انهم بيجيبوا لك كل الفنادق ويقارنهالك من علي كل مواقع حجز الفنادق ..
يعني ممكن مثلا تلاقي فندق من علي expedia مش موجود علي بوكينج او ارخص من بوكينج
أو تلاقي فندق من علي بوكينج ارخص او مش موجود علي trivago .. وهكذا وهكذا
.
وانت طبعا مش فاضي والفراغ قاتلك لدرجه انك تفتح كل مواقع حجز الفنادق والمواقع الوسيطه وتدور علي ارخص فنادق في كل موقع لوحده ! انت كدة عايز مليون سنه عشان تلاقي سعر مناسب
.
عشان كدة وظيفه موقع hotels combined أو موقع 7agz Fondoq انهم هيجيبو لك كل الفنادق ويقارنلك اسعارهم مع كل مواقع الحجز وبالتالي هتعرف تجيب احسن سعر للفندق من علي احسن موقع للحجز
.
بعد ما تدخل عليهم هتستخدم كل الفلاتر اللي علي الشمال ,,
.
يعني ايه كلمه فلتر ؟؟
معني كلمه فلتر يعني قوائم للاختيار موجودة فيها كل مواصفات الفنادق وانت وظيفتك انك بتفلتر النتائج يعني بتختار النتائج اللي تناسبك وتستبعد اللي مش يناسبك لتقليل نتائج البحث ..
.
مثلا هتلاقي فلتر عن التقييمات وعدد النجوم
( النزلاء بيعطوا تقييمات حسب اللوكيشن بتاع الفندق ,, حسب وسائل الراحه فيه ,, حسب الخدمات من اصحاب الفندق ,, الخ الخ )
هتلاقي فلتر تاني عن متوسط السعر وميزانيتك قد ايه
هتلاقي فلتر ثالث عن نوع المكان اللي عايز تنزل فيه هل فندق ولا ريزورت ولا فيلا ولا بيت شباب
هتلاقي فلتر رابع عن تسهيلات الفندق زي مثلا هل في واي فاي ولا مطعم ولا باركينج ولا صاله جيم ولا توصيله من المطار للفندق الخ الخ
اقعد العب في كل الفلاتر دي عشان توصل للفندق اللي يناسبك ويناسب احتياجاتك
.
وبعد ما تخلص فلتره هيطلعلك النتائج النهائيه المتفلتره من علي كذا موقع للحجز وانت تبدأ تشوف فندق فندق وتدخل علي الموقع بتاع الفندق نفسه وتشوفه وتشوف مواصفاته ومواصفات الغرفه وتقييم الناس ليه و نوع الغرفه اللي هتاخدها و التسهيلات اللي فيها الخ الخ .. وطبعاااااااااااا اهم حاجه الخريطه .. الخريطه و جوجل مابس في السفر هي ايديك و رجلك .. من غير خريطه و جوجل ماب انت هتبقي محتاس وضايع برا مصر
يعني لازم تشوف خريطه المكان كويس اوي وتحفظ العنوان بتاع الفندق وازاي تروحله .. وبعدين تحجز ..
.
اهم نصيحه وانت بتحجز انك لازم تقري شروط الحجز كويس اوي اوي خصوصا فيما يتعلق بال free cancelation وهو الالغاء المجاني للحجز لان ياما ناس لبست في الحيط بسبب انها مبتقراش شروط الحجز كويس
*******************************************************
تحجز الفنادق اونلاين ولا مع شركه سياحه احسن ؟؟؟؟
عشان ننهي النقطه دي اللي فيها جدل كتير جدا
اغلب شركات السياحه بيكونوا متفقين علي سعر معين مع الفنادق والفندق بيديلهم سعر ارخص وبالتالي هو هيبيع ليك بسعر ارخص
.
لان الشركه بتاعه السياحه بتتعامل مع الفندق مباشره وعلي اساس انهم شركه بيبقي ليهم سعر اقل من سعر الفندق نفسه ... يعني مثلا لو انت ك سائح كلمت الفندق هيديك السعر 1000 مثلا وبيدي شركه السياحه السعر 800 تقوم شركه السياحه تبيع ليك ب 900 ويبقي كده كل الاطراف كسبت .. انت كسبت سعر اقل من سعر الفندق ,, الفندق كسب انه باع كل الغرف ,, شركه السياحه كسبت انك اتعاملت معاها وخدت كوميشن وباعت ..
.
كمان في ميزه تانيه كبيره اوي لشركات السياحه
ناس كتير حجوزاتها بيعملوها اون لاين ويحبوا يعملوا ريفاند والاونلاين بتبقي الرولز بتاعته ان الحجز ما بيرجعش .. لكن لو حجز مع شركه .. الشركه بتعرف تتكلم مع الفندق وتقدر في اغلب الاحوال ترجع جزء كبير
.
طيب وانا اعرف ازاي ان الشركه هتعرف تجيب لي سعر اقل من الفندق !!!! مش جايز بينصبوا عليا وهيبعولي بسعر اعلي من الاونلاين ؟؟؟؟
حضرتك ببساطه هتحجز الفندق اللي انت عايزة في الفتره اللي انت عايزها من اي موقع حجز وليكن بوكينج مثلا وتخليه free cancellation وبعدين تروح لشركات السياحه
.
جابولك سعر ارخص من السعر اللي انت حجزته من بوكينج ( بعد عموله الموظف بتاعهم طبعا ) يبقي تكنسل الحجز بتاعك وتحجز مع شركه السياحه دي
.
لكن لو لقيت سعر شركه السياحه هو هو نفس حجز بوكينج او اغلي يبقي تفكس ليهم وتكمل بالحجز اللي معاك اللي حجزته من الاول
*************************************
حركه صايعه في الحجز ميعملهاش الا اللي قلبه جامد ومستبيع ومعندوش اسره :
متحجزش فندق قبل ما تسافر .. هتحجزه بعد ما تسافر
يعني بعد ما توصل البلد اللي انت رايحها بالسلامه هتبدأ تروح الفنادق اللي ف البلد علي رجلك وتقولهم انا عايز غرفه فاضيه عندكم
.
ليه تعمل كدة ؟؟
عشان الغرف اللي مش محجوزة مسبقا دي بتبقي ارخص بكتير من انك تحجز من بوكينج مثلا لان بوكينج بياخد ضريبه لكن لما تحجز من الفندق فيس تو فيس مبياخدش فلوس الضريبه دي يعني فلوس الحجز بتكون ارخص كتير جدا جدا
.
طب افرض صاحب الفندق قالك اوك هحجزلك الاوضه الفاضيه بس طلع ان سعر الغرفه اغلي من اللي مكتوب علي بوكينج ؟؟
ساعتها هتقوله ثانيه واحدة وتقوم حاجز من علي بوكينج وانت واقف وتديله الحجز في وشه وتبقي برضو خدت الاوضه بسعر رخيص
.
طيب ايه خوازيق الموضوع دة ؟؟
الخازوق طبعا انك متلاقيش غرف فاضيه أو صاحب الفندق ميرضاش انه يديك غرفه بدون حجز مسبق وبالتالي تقعد تلف في الشمس علي كذا فندق وممكن تنام ف الشارع لو ملقتش وعشان كدة منصحش بالحركه دي ل الاسر واللي معاهم اطفال
============================================
2- الهوستل :
هو عباره عن بيوت الشباب وهي نسخه مصغره من الفنادق ودي الاقامه المفضله ل الرحاله و الشباب اصحاب الميزانيه المتوسطه
احسن موقع تدور فيه علي الهوستلز هو Hostel World .com
.
الاقامه في الهوستل عباره عن نوعين :
1- ال Dorms : ودة معناه انك بتحجز سرير جوة اوضه
وعلي حسب كل هوستل ممكن تلاقي 8 سراير ف اوضه ,, وممكن تلاقي 10 سراير ف اوضه وممكن تلاقي 6 سراير بس في الاوضه
.
2- ال private rooms : ودي انك بتحجز اوضه كامله لوحدك بس طبعا حجم الاوضه بيبقي اصغر من اوض الفنادق
.
ليه تروح الهوستلز ؟
1- لانه ارخص بكتير جدا جدا من الفنادق
2- لان معظم الهوستلز بتبقي صغيره في الحجم ومبتشغلش مساحه كبيره وبالتالي بتبقي قريبه اوي من معظم المناطق الحيويه في البلد اللي هتروحها سواء قريبه من محطه اتوبيس او مترو او قريبه من وسط المدينه او قريبه من مكان سياحي مشهور الخ الخ
.
عكس الفنادق بقي بتحتاج مساحات كبيره عشان الهووول و البسين ومكان للباركينج الخ الخ .. يعني الرفاهيه دي بتبقي محتاجه مساحات كبيرة وصعب تلاقي المساحات الكبيره دي وسط اماكن حيويه ف البلاد اللي هتروحها .. ولو لقيته في وسط اماكن حيويه هتلاقيه باسعار خرافيه تصلح لابناء ابو هشيمه و مرات كريستيانو رونالدو فقط
.
ليه متروحش الهوستلز ؟
1- الحمااااااااااااااااااااااااااام .. او ما يسمي ب بيت الراحه
ال dorms بتبقي ب حمامات مشتركه ودي صعبه شويه علي البنات انها تستني دورها وكدة
لكن لو private room اوقات كتير بتبقي ب حمام مستقل لكن ساعات برضو ال private room بتبقي بحمام مشترك
.
2- مفيش الرفاهيات اللي موجودة في الفنادق وانت اللي هتعمل كل حاجه بايديك
يعني انت اللي هتشيل الشنط بنفسك قليل جدا لو لقيت room service في هوستل خصوصا لو انت وصلت بليل متأخر
انت اللي هتطبخ الاكل بنفسك وتغسل الاطباق بعد ما تخلص بنفسك مفيش حاجه اسمها اوبن بوفيه والكلام دة
.
هل الهوستل امان ولا ممكن اتسرق فيه ؟؟
معظم الهوستلز بيبقي فيها locker او security انك تحط فيها شنطك وحاجتك اللي خايفه انها تتسرق منك
معظم الهوستلز بيكون فيها free wifi و احيانا في بعض الهوستلز بيكون فيه مغسله ودة مفيد جدا لو هتقعد فتره طويله هناك
.
الهوستل استايل شبابي يعني ممكن تلاقي فيه حفلات او تجمعات للمزيكا والغناء او حلقات نقاش وحكاوي عن السفر .. يعني لو انت انطوائي وكئيب ومتنكد عليك من مراتك ف بلاش تروح الهوستل عشان متقرفش الناس هناك معاك
======================================
3- تأجير الاستديوهااااااااااات والشقق المفروشه
موقع Airbnb
/Vacation Rentals, Homes, Experiences & Places - Airbnb
لحجز الغرف والشقق المفروشة أو الفلل أو الاستديوهات من اصحابها .. ودة انسب حل ل الناس اللي بتسافر عشان تدرس او بتسافر عشان تدور ع شغل في الامارات مثلا ,, او عائله وعايزين يقضوا اجازة طويله شويه بفلوس اقل بكتير من الفنادق وبامتيازات احسن بكتير من الهوستلز
.
يعني الموقع دة هو الحاجه الوسط اللي بتعالج عيوب غلاء سعر الفنادق و تعب وارهاق الهوستلز ..
.
في الموقع دة في 3 اوبشنز للمكان اللي هتستأجره :
1- اولا ال Shared room : ودي انك تأجر نص غرفه ( سرير مثلا ) و تتشارك فيها مع حد وتعيشوا كلكم مع صاحب السكن و عائلته
.
2- ثانيا ال Private room : ودي انك تأجر غرفه كامله لوحدك من غرف الشقه بس برضو هتفضل عايش مع المالك و عائلته في نفس البيت وتشاركه في الصالون والمطبخ والحمام
.
3- ثالثا ال Entire Place : ودي انك تأجر البيت كله ليك من المالك ومحدش يعيش معاك فيه وتستخدم كل مرافق البيت لوحدك
.
من مميزات البرنامج دة انك تقدر تعمل سيرش اما عن طريق السعر اللي يناسبك او عن طريق الماب ( الخريطه ) او المنطقه اللي عايز تسكن فيها
.
بتعمل سيرش وتشوف صور الشقه او الغرفه اللي انت عايز تأجرها وتشوف المالك ومعلومات عنه وتشوف تقييمات الناس اللي سكنت معاه أو أجرت منه قبل كدة
.
الموقع عندة خيارين في الحجز :
1- حجز فوري بمجرد ما تحجز تروح تسكن فورا
2- حجز غير فوري انك ترفع طلب الاول لصاحب السكن و صاحب السكن قدامه 24 ساعه يرد عليك هل هو موافق علي انك تسكن او لأ وبعدها تعمل كونفيرم للحجز
.
ملحوظات مهمه :
1- لو عملت تفعيل للحجز الفوري اللي هو اسمه instant book هيقلل من الخيارات المعروضه عكس لو عملت تفعيل للحجز الغير فوري هيجبلك ملايين من الشقق والغرف المعروضه للتأجير
.
2- السعر اللي بيطلعلك غالبا ل الليله وغالبا قبل الدفع بيكون فيه خصومات
.
3- انت مبتحاسبش صاحب السكن .. يعني اوعي تديله اي فلوس .. انت بتحاسب airbnb وبمجرد ما صاحب السكن يبعتلك موافقه علي انك تسكن معاه أو تأجر شقته تقوم ال airbnb تسحب المبلغ من الفيزا بتاعتك .. وبعدين ال airbnb بيحولوا المبلغ ل صاحب السكن بمعرفتهم .. بعد ما تاخد عمولتها طبعا
يعني من الاخر ال airbnb بتقوم بدور السمسار .. بيوفق راسين في الحلال
.
4- صاحب السكن بيتواصل معاك عن طريق الواتس او الفون عشان يقولك هتوصل امتي عشان يديك مفاتيح الشقه
======================================
4 - الكاوتشسيرفنج ( الاقامه مجانا بدون اي فلوس )
موقع Couchsurfing
/Meet and Stay with Locals All Over the World
الموقع دا بيخليك تلاقي ناس من اهل البلد اللي انت رايحها تستضيفك ببلاش عدد ايام معينه سواء يوم او اتنين او 10 .. حسب كل هوست بالاتفاق معاه
.
الموقع ببلاش .. كل اللي بتعمله هتخش علي الويب سايت وتعمل بروفايل وتدور علي الهوستس اللي مستعدة تستضيفك في البلد اللي رايحها
.
ليه اشتراك سنوي ,, من 10 ل 20 دولار .. انت ممكن متدفعش وتستخدمه عادي لكن لما بتدفع الاكونت بيتعمله vertified وبالتالي بيكون موثوق عند الهوست انك شخص جاد وكدة
دة غير انك لما بتدفع بيديك عدد غير محدود من طلبات الاضافه للهوست عكس لما مبتدفعش بيديك عدد محدود كل شهر حوالي 10 طلبات كل شهر بس
.
طيب هو ايه الاستفادة اللي هيستفيدها الهوست ؟؟ بينيمك عنده ليه مجانا ؟؟
** في ناس بتبقي مهتمه بالتعرف علي الثقافات المختلفه وتكوين اصدقاء من كل دول العالم
** في ناس تانيه بتستعمله من مبدأ " قدم السبت تلاقي الخميس والجمعه بليل "
انه لما يستضيف ناس كتير مجانا ويقرر يروح دول غاليه جدا في المصاريف عشان يتفسح ساعتها الناس اللي استضافهم دول هيقولوله تعالي عندنا طبعا وبكدة يبقي اتردله اللي عمله ولقي سكن برضو مجانا
** في ناس تالته بتستعمله لغرض تحسين اللغه زي ان حد امريكاني عايز يتعلم تركي ف يستضيف ناس اتراك او حد مصري عايز يتعلم روسي ف يستضيف ناس روس الخ الخ
.
طيب اضمن منين الهوست دة انه امان خصوصا للبنات ؟؟
طبعا كل الناس هترد في بوق واحد " من الريفيوهااااااااااااااااات "
وهيقولولك كل ماكان الهوست واخد ريفيوهات كتيره كويسه دة معناها انه امان اكثر
طبعا دة كلام هلس والريفيوهات مبتعبرش ابدا عن المشاكل اللي ممكن تتعرضلها
هتقولي عشان ممكن كل الريفيوهات تكون من صحابه وعيلته وشلته وبيجاملوة ؟؟؟ لا عادي ممكن تكون الريفيوهات من كل بلاد العالم
.
بس الفكرة ان ممكن واحد امريكي حشاش يستضيف ناس من كرواتيا مثلا عندة بيحبوا الحشيش ف يقعدوا يرولو مع بعض والناس الكروات يخرجوا من عندة يكتبوا الراجل دة ميه الميه الميه الميه الميه اسيادنا راضيين عليه
او واحد روسي بيحب يشيش ف استضاف ناس من المجر بتحب تشيش فهيطلعوا من عندة يقولوا عليا الطلاق الراجل دة اجدع من ابويا
القصد يعني الريفيوهات مبتعبرش ابدا عن واقع شخصيه الهوست حتي لو عنده 200 ريفيو
.
طيب امال نعمل ايه يعني عشان نتأكد من الهوست انه محترم وامان ؟؟
ببساطه هتدخل عند الهوست دة هتلاقيه منزل اكونت الفيس بوك وتويتر وانستجرام .. هتعمل سيرش علي كل بوستاته وصوره .. ومن الصور والبوستس دي هتعرف :
هل الراجل دة محترم ولا هلاس
هل متواجد بصورة منتظمه وليه حياه فعليه زي ما كاتب عن نفسه في ريفيو الاكونت ولا مجرد شخص وهمي
هل ليه صحاب كتير وصحابه من نوعيه محترمه ولا شله صيع
هل مثلا لو الهوست بنت وانتي بنت وعايزة تقعدي عندها .. البنت الهوست دي مصاحبه ولاد وبيقعدوا عندها ف الشقه ولا لأ
.
الخطوة التانيه وهي الاهم انك تتكلم معاه سواء ع الماسنجر او واتس قبل ما تروح ومن خلال كلامكم هتعرف ايه النوعيه الشخص اللي بتتعامل معاه .. وبيبان من كلامهم ووصفهم لنفسهم
.
طيب هل الموقع دة للاستضافه فقط ؟؟ مفيش اي انشطه تانيه بتتعمل ؟
طبعا في انشطه تانيه .. ممكن تعمل اكونت عليه عشان تتقابل مع الهوستس في clubs او يوصلوك بالعربيه لمكان معين في البلد اللي رايحها ,, لان الهوستس دول يعرفوا عن البلد اكثر من trip advisor نفسه
.
طيب هتنام فين ؟؟
دي المفروض بتتفق مع الهوست قبل ما تروح عليها ,, في هوست بيقدم كنبه فقط ,, في هوست بيقدم سرير في اوضه ,, في هوست بيقدم اوضه كامله .. علي حسب كل هوست وامكانياته
=====================================
5- التطوع مقابل الاقامه ( اقامه شبه مجانيه )
في مواقع زي
Work away - Home stay - World packers - Wwoof - Helpex - Au Pair
الموضوع ببساطه دي مواقع للمتطوعين .. بتشتغل عدد ساعات معينه في اليوم مقابل سكن واكل واحيانا فلوس كمان .. والشغل بيبقى في كل حاجه تتخيلها ,, اما في الزراعة .. او المساعدة في بناء بيت .. او في رعاية أطفال .. او في تنضيف الهوستل .. او في تعليم الانجلش للاطفال .. الخ الخ
.
المواقع دي كلها باشتراك سنوي ما بين 10 دولار ل 50 دولار .. بتدخل تعمل اكونت وبتختار المجال اللي هتشارك فيه .. بس وانت بتقدم لازم تقرا الريفيو كويس اوى عشان مش كل الاماكن شبه بعضها
المواقع اللي تدور فيها :
/Workaway in over 155 countries - Give meaning to your travels
/Find your au pair or your host family today - AuPairWorld
/Be an Au Pair | Go Abroad with Go Au Pair | Go Au Pair
/WWOOF
/Help Exchange: free volunteer work exchange abroad Australia New Zealand Canada Europe
/MindMyHouse - Bringing home owners and house sitters together
/Find House Sitters | House Sitting Guide USA Australia Canada NZ UK worldwide
/FREE Volunteering Abroad | Work Away and Help Exchange | GapYear
===================================
6- الكامبااااااااااااااااات و التخييم
طبعا دي للناس اللي بتحب تجربه اماكن جديدة عكس المألوف وطبعا هي مقصد ال solo travellar الاول خصوصا في مصر
الكامب عباره عن زي شاليه كدة بيبقي في قريه صغيرة علي البحر
طبعا ليها انواع كتير
فيه كامب بيبقي مكيف وفيه وسائل راحه كتير وينفع للعائلات
وفيه كامب بيبقي بسيط جدا ينفع للسنكحه و ال day use بس
وفيه كامب بيبقي مجهز للهاني مونرز بس
===================================
انا اسف طبعا اني شرحت الحاجات بالتفصيل الممل عشان الناس اللي معندهاش اي خبره ف السفر تبدا تعرف وتفهم .. طبعا في ناس الكلام دة بالنسبالها عبيط اوي ومعروف بس زي ما قولت احنا التارجت بتاعنا من البوستات دي هما المبتدئين وليس الرحاله ..
.
ان شاء الله الحلقه الجايه عن تذاكر الطيران وازاي تجيب ارخص تذكره طيران في رحلتك
صحيح انا نزلت مقاله قبل كدة عن ازاي تجيب ارخص تذاكر طيران
بس المرة دي هتكون أشمل و افيد وفيها معلومات اكثر من المقاله اللي فاتت
.
وكالعادة .. اقعدوا بالعافيه