A
Alaa Eldin Emam
:: مسافر ::
سلام عليكم جميعاً.
صباح الورد على أصدقاء أجمل جروب. عايز أشارككم تجربتى فى باريس بس قبل ما احكى عايز أشكركم جميعا على نصائحكم الغالية إللى أفادتني جداااا هناك و بالأخص نصيحة الآب الخاص بالمترو أفادنى جدااااااا هناك. اولا انا سافرت أنا و زوجتى و اولادنا الثلاثة. سافرنا من إنجلترا فبجد معنديش اى معلومات عن الفيزا. حجزت شقة علشان العدد بتاعنا اتكلفت حوال 450€ لمدة أربع ليالى. مبدئيا المدة كانت قصيرة جدا على مدينة زى باريس. الشقة كانت فى المنطقة الخامسة و الشارع فيه حياة و مطاعم كتير. وصلنا أول يوم روحنا على البرج بس للأسف مطلعناش بسبب الزحمة. طوابير طويييلللة. بس قضينا وقت جميل هناك و صور كتييير. تانى يوم روحنا قصر الفرساى تحفة نصيحة لازم تكون هناك بدرى جدا او تحجز تذكرة تخليك تدخل من غير طواببر. احنا وصلنا هناك الساعة 10:30 الصبح دخلنا القصر الساعة 13:30 متخيلين الطابور شكله ايه طبعا. مينفعش تروح هناك و متدخلش حديقة القصر تحفة بالتماثيل إللى هناك و البحيرة بالمراكب مع الوسيقى الفرنسي حاجة جميلة بجد. احنا حجزنا التذكرة من برة القصر شاملة القصر و الحديقة و قصر مارى أنطوانيت اتكلفت 27€ للفرد و الطفل 8€ طبعا اون لاين أرخص من كدة. بالنسبة للمركب النهرى التذكرة للبالغ 17€ و الطفل حوالى 8€. المركب بيقف فى تسع محطات بيسمحلك تنزل تتجول و تركب واحد تانى. مدة التذكرة ٢٤ ساعة من وقت الحجز. تالت يوم كان اليوم إللى بستناه من سنيين و خد الولاد حجة. ديزنى. . من البداية كدة مينفعش يوم واحد أبدا أبدا. بس انا علشان الأجازة محدودة فحجزت يوم و ندمت أنى محجزتش اتنين. أوعى تحجز من هناك. تحجزها اون لاين. انا حجزت التذكرة للبارك و الأستديوهات ب55€ فى حين كانت هناك over 80€ مينفعش تفوت العرض الأخير بجد. نصيحتى ليك لازم تكون هناك بدرى بدرى و بعد العرض طيارة على القطر علشان الزحمة. اليوم الأخير كان معادنا مع حبية الملايين الموناليزا فى اللوڤر. التذكرة 15€ للبالغ و قرى للأطفال. برده لازم تكون هناك بدرى علشان الزحمة وطبعا آثارنا هى زينة المكان هناك. الأتوبيس المفتوح إللى لونه أصفر التذكرة يوم ب 33€ و يومين37€ ده للبالغين هو عبارة عن اربع خطوط مختلفة ليتقابلوا فى نقط معينة علشان التغيير. باريس أجمل بكتيير من لندن بإستثناء oxford street مفيش زيه فى باريس. باريس مليانة مطاعم لبنانى و ترمى فمكنش فيه مشكله بالنسبة للاكل. أشهر حاجة هناك الكريب ومكن عصير البرتقال الفريش إللى موجود تقريبا فى كل المحلات.
آسف على الاطالة و أتمنى أنى أكون ضفت معلومة جديدة.
صباح الورد على أصدقاء أجمل جروب. عايز أشارككم تجربتى فى باريس بس قبل ما احكى عايز أشكركم جميعا على نصائحكم الغالية إللى أفادتني جداااا هناك و بالأخص نصيحة الآب الخاص بالمترو أفادنى جدااااااا هناك. اولا انا سافرت أنا و زوجتى و اولادنا الثلاثة. سافرنا من إنجلترا فبجد معنديش اى معلومات عن الفيزا. حجزت شقة علشان العدد بتاعنا اتكلفت حوال 450€ لمدة أربع ليالى. مبدئيا المدة كانت قصيرة جدا على مدينة زى باريس. الشقة كانت فى المنطقة الخامسة و الشارع فيه حياة و مطاعم كتير. وصلنا أول يوم روحنا على البرج بس للأسف مطلعناش بسبب الزحمة. طوابير طويييلللة. بس قضينا وقت جميل هناك و صور كتييير. تانى يوم روحنا قصر الفرساى تحفة نصيحة لازم تكون هناك بدرى جدا او تحجز تذكرة تخليك تدخل من غير طواببر. احنا وصلنا هناك الساعة 10:30 الصبح دخلنا القصر الساعة 13:30 متخيلين الطابور شكله ايه طبعا. مينفعش تروح هناك و متدخلش حديقة القصر تحفة بالتماثيل إللى هناك و البحيرة بالمراكب مع الوسيقى الفرنسي حاجة جميلة بجد. احنا حجزنا التذكرة من برة القصر شاملة القصر و الحديقة و قصر مارى أنطوانيت اتكلفت 27€ للفرد و الطفل 8€ طبعا اون لاين أرخص من كدة. بالنسبة للمركب النهرى التذكرة للبالغ 17€ و الطفل حوالى 8€. المركب بيقف فى تسع محطات بيسمحلك تنزل تتجول و تركب واحد تانى. مدة التذكرة ٢٤ ساعة من وقت الحجز. تالت يوم كان اليوم إللى بستناه من سنيين و خد الولاد حجة. ديزنى. . من البداية كدة مينفعش يوم واحد أبدا أبدا. بس انا علشان الأجازة محدودة فحجزت يوم و ندمت أنى محجزتش اتنين. أوعى تحجز من هناك. تحجزها اون لاين. انا حجزت التذكرة للبارك و الأستديوهات ب55€ فى حين كانت هناك over 80€ مينفعش تفوت العرض الأخير بجد. نصيحتى ليك لازم تكون هناك بدرى بدرى و بعد العرض طيارة على القطر علشان الزحمة. اليوم الأخير كان معادنا مع حبية الملايين الموناليزا فى اللوڤر. التذكرة 15€ للبالغ و قرى للأطفال. برده لازم تكون هناك بدرى علشان الزحمة وطبعا آثارنا هى زينة المكان هناك. الأتوبيس المفتوح إللى لونه أصفر التذكرة يوم ب 33€ و يومين37€ ده للبالغين هو عبارة عن اربع خطوط مختلفة ليتقابلوا فى نقط معينة علشان التغيير. باريس أجمل بكتيير من لندن بإستثناء oxford street مفيش زيه فى باريس. باريس مليانة مطاعم لبنانى و ترمى فمكنش فيه مشكله بالنسبة للاكل. أشهر حاجة هناك الكريب ومكن عصير البرتقال الفريش إللى موجود تقريبا فى كل المحلات.
آسف على الاطالة و أتمنى أنى أكون ضفت معلومة جديدة.