انا مسافر برشلونه والترانزيت مطار شارل دجيجول...

[Mohmaed El Sayed Mashaly]

انا مسافر برشلونه والترانزيت مطار شارل دجيجول بفرنسا على الطيران الفرنسي تيرمنال 2F
وحاخد طياره برشلونه من تيرمنال 2E
نفس شركة الطيران كله بتيكت واحد
بس الترانزيت ساعه ونص بس
هل ممكن ألحق ولا شويه ؟؟؟

 

[Amr Elfar]

تلحق ان شاء الله

 

[Hanaa Amer]

لو وصلت فى الميعاد هتلحق انشالله، 2E و 2F جمب بعض

 

[Sam Salah]

انت لسة حيكون فى passport control وحتختم باسبورك فى باريس بس مطار CDG فى الانجاز يعنى وحتلحق ^^

 

[Ayman El Semry]

لو قطعت يبقي خلاص السؤال مش هيفيد و مش هيكون عير القلق
المهم لازم تتحرك بسرعه و قول للمضيفه علشان تخرج اول واحد من الطياره لأنك هتختم جواز سفرك هناك و بعدها تتجه لأخذ الطائره الثانيه الي برشلونه من gate بيعتبروه زي طيران داخلي علشان كده لازم تختم الجواز و تطلع جري
المهم باذن الله لا يكون في تاخير للطائرة بس لو حدث تاخير في الطيران من القاهره و يكون ميعاد الوصول بعد ميعاد طائرتك لبرشلونه يبقي حلو لان وقتها هيكونوا ملزمين يضبطوا لك رحله اخري ولو وصلت هيبيتوك علي حسابهم

 

[Yusuf A Mahmoud Fahmy]

حتعدي على الجوازات والتفتيش
اظن الوقت ضيق جدا جدا

 

[Yusuf A Mahmoud Fahmy]

مراتي واولادي كانوا راجعين من ماليزيا وترانزيت ٣ ساعات في قطر
الطيارة اتأخرت ساعة وشوية
كلموا المضيفة وقالولهل فكلمت المطار ولقيت موظف مستنيها وصلها بسرعة جدا ولحقت

 

[Mohamed Labib]

ترانزيت لبرشلونة؟

 

[Fekry Ashour]

حصلت معايا في امستردام وكان باقي نص ساعه،،لما بلغتهم خلصوني بسرعه قبل اي حد،،المهم تحاول تنزل من الطياره بسرعه

 

[Maha Mowafy]

في الحاله دي حتختم الباسبور في مطار شارل ديجول و حتعدي
Passport Control
و ممكن يكون في طابور زحمه فلازم تتحرك بسرعه من أول النزول من الطيارة. الاحسن تبلغهم و حيساعدوك.
أتحرك بسرعه و بلغ حد و ما تقلقش لأنهم غالبا بيتعاملوا بسرعه .

 

[Mohmaed El Sayed Mashaly]

شكرًا للجميع على الإفاده

 

[Ahmed Hollah]

توصل بالسلامة ان شاء الله

 

[Moh Mah]

هتختم في باريس

 

[Mohamed El Shenawy]

حتلحق ان شاء اللله ياعم ولو ملحقتش حتنبسط في باريس أكثر