مساء الخير عليكو يا جماعه انا سافرت كذا بلد...

[Lamyaa Selim]

مساء الخير عليكو
يا جماعه انا سافرت كذا بلد قبل ما اخلف وبلد بعد ما خلفت ومنى حياتي اسافر فرنسا وصدقوني مش هفارق برج ايفيل وهتلحم فيه
السؤال بقى اخد معايا الاوغاد(الاطفال)ولا اسافر انا والراجل البركة لوحدنا

 

[Khaled Badry]

لا الاوغاد يستنوا طبعا , معندناش اوغاد تسافر .

 

[Mona Maher]

لو عايزة تنبسطي سافري انتي والراجل البركة لوحدكم
هتاخدي الأوغاد هتلعني سلسفيلهم وسلفيل اللي جابهم وهتلعني اليوم اللي فكرتي تسافري فيه

 

[Jiji Gamal]

نصيحه السياحه مرهقه وغير ممتعه للاطفال لانها بتطلب مشى كتير وتحركات كتيير متنسبش مواعيد نوم الاطفال كمان انا بلاحظ ان مع الاسف اطفالنا غلسين جدا فى الخروج ومصدر عكننه لينا خلى international travel on your own

 

[Kævën Tæwêüqê]

انا أوغادي باخدهم مش بيهون علينا نسيبهم بس عاوز اقولك انك تسيبيهم احسن

 

[Rania Ali]

شوفي موش أنا عمتو اهوه..
بس بقولك سيبيهم..
للأسف بيتعبوا من السفر والفرهدة وبيطلعوه عليكم زن وعياط..
وكله كوم وأن الرحلة متطلعش على مستوى توقعاتهم كوم تاني خااالص..
هتندمي انك اخدتيهم

 

[Mohamad Barakat]

سن الاوغاد هيبقي الفيصل بس طبعا الأفضل انتي والبركة

 

[Hanan Attar]

حرام خدیهم معاک علشان یروحوا دیزنی

 

[Wessam Eldin Ahmed]

هههههههه خديهم حرام عليك ياسى دونى

 

[Ahmad Mohamed El Garhy]

الاوغاد هايخلوكي تندمي انك اخدتيهم و خصوصا لو فكرتي تدخلي بيهم اللوفر.

 

[Rania El Bahaey]

اوعععععععععي تاخدي عيال اقل من ١٠ سنين بره ! الدواااااء به سم قاتل

 

[Rasha Reda Barakat]

بصي لو صغيرين اوي و مش هيحز في نفسياتهم و يعملولك صعبانيات سيبيهم بس لو كبار و فاهمين لأ حرام هيزعلوا و انا عن نفسي لو خارجة و سيباهم ساعتين و عارفة انهم زعلانين مش هاعرف اتبسط ،،، فعلي حسب

 

[Rana Mohsen]

بصي لو سافرتي لوحدك هتتبسطي بس هيصعب عليكي كل ما تروحي مكان وهما مش معاكي ولو سافرتي معاهم هتكرهي اليوم اللي قررتي تسافري فيه فانتي قرري بقى عايزه ايه احنا ساعدناكي اهو

 

[Rania El Bahaey]

بصي جمدي قلبك كده ، وشوفي حد يقعد معاهم لو صغيرين ومتخيبيش خيبتي !
مااااااااامي پي پي
ماااااااامي كي كي
مااااااامي جعان
مااااااامي رجلي وجعتني أوي
مااااااامي عايز اروح تعبت !
ده غير انهم مش بيتغذوا ولا بيناموا كويس بره ! ومعظم المزارات مش للسن ده اصلاً ! حتي ديزني يفضل بعد ١٠ سنين

 

[Ola Adel]

بص هو ممكن طبعا تاخديهم وتظبطي الرحلة وتتبسطوا بس طبعا هتقابلوا شوية متاعب ، لكن لو في فرصة انكم تسيبوهم يبقى ممكن تعتبريها فرصة تغيير وراحة شويه ليكوا ويبقوا يسافروا معاكم في فرصة تانية ان شاءالله

 

[Ahmed Gamal]

خدى اطفالك طبعا لأنهم مش هينسوا ابدا الرحله دى.
انا و زوجتي اخدنا اطفالنا معانا جنوب إفريقيا و كانت رحله جميله بيهم

 

[Elham Kraman]

والي حيبقا معاه اتنين بيبي يعمل اييييه
طيب ياريت الي سافر بولاده يقولنا ناخد بالنا من ايه ونعمل ايه بحيث السفريه متضربش

 

[زهرة اللوتس]

Ahmed Ayad

 

[Mina Edward]

انت و الرجل البركة
الاوغاد الاطفال باريس متنفعهومش

 

[Eman Elmatbouly]

بصي اوعي اوعي تروحي ب الولاد اقل من ١٠ او ١٢ سنه ، انا رحت ب كل ولادي و بيخلصوا الطاقه بدري في اي مشوار