I
Islam Abdallah
:: مسافر ::
ده اول بوست ليا في الجروب وقلت خلاص بأه مبدهاش الناس كلها بتجيب في سيره كوريا الجنوبيه قلت لازم ادخل واعملكو تقييم على السريع اتمنى اني اكون جبتلكم فيها معلومات جديده.
اول حاجه موضوع الفيزا والاشتغاله الكبيره اللي عملاها كوريا معانا ومبدء المعامله بالمثل اعتقد ان في ناس كتيره قتلت الموضوع بحثا في بوسوات سابقه قبل كده علشان كده مش هطول عليكم وهحكلم بس عن تجربتي الشخصيه واللي انا شفته بنفسي في مطار انشن بكوريا مبدئيا انا كنت رايح شغل ومعايا دعوه من شركه كوريه مختومه وحجز مؤكد بيزنس على الامارتيه وحجز مؤكد على فندق اسمه lotte وده برده فندق ٥ نجوم وحاجه كده ليها قيمتها في كوريا وبرغم كده الجوزات رفضت تختملي في ساعتها مع ان يامؤمن كان واقف قدامي مباشره في كاونتر الجوزات واحد من افغنستان وعدى من غير اى ازغاج اكيد كان معاه فيزا مسبقه طبعا بس ليك ان تتخيل ان افغاني اخد الفيز لكوريا بسهوله اللي هيا فيها اكبر قاعده عسكريه في المنطقه والسياح الامريكان اصلا ذى الرز عدى وانا بخ ماينفعش
ماعلينا الراجل بتاع الجوزات نادى على الامن اخدوني لغرفه تحقيق علشان يستجوبني ويشاء الظروف انى قلاقي ٢ مصريين جوه معايا
بس ياسيدي السؤال التقليد جاى عندنا تهبب ايه طلعتلها الورق والحجوزات الفخيمه المؤكده بتاعتي خطابhr ولا الهوى الاخر جات في بالي فكره كان معاياbusiness card بتاع واحد من اللي شغال في السركه اللي بعتالي الدعوه وبينا شغل وكده وقلتله اتصل بيه واتاكد الراجل وافق لحسن حظي وكلمي صديقي الكوري اللي الحمدالله رد عليه واكدله معلومات اللي معاه كلها مظبوطه وبس يارجاله اخدت ختم الدخول ٣٠ يوم الدمعه كانت هتفر من عيني الصراحه بس لوجه الله اعتذروري جامد.
ثانيا خلينا نخش على الزبده او المفيد اللي في كوريا الجنوبيه هديلو شويه معلومات من اصدقائي الكوريين نفسهم وبعد كده ممكن نتعمق
١- الشعب الكوري شعب طيب جدا جدا وودود جدا معادا السواقين التكاسيات حاجه بنت تيت الصراحه بس الحكومه الكوريه عارفه الموضوع وبتحاول تسيطر عليه انا حصلي موقف وانا في سول قلت اوقف تاكسي وقفلي وريته مكان الفندق بصلي بقرف ومشى وهوب يامعلم قلاقيلك ٣ ظباط ناطين على المكان ونظام الافلام عربي سلم نفسك المكان كله محاصر وظبطو سواق التاكسي المخالفه المتينه وقفولي كمان تاكسي تاني واعتذرولي.
٢-couple in every where
فعلا دى الحقيقه الكوريين نفسهم متأثرين بالامريكان جدا وبيقلدوهم في كل حاجه عادتهم وتقاليدهم ولو شافو اى امريكاني في الشارع بيكونو سعداء جدا.
٣-الازواج بأه هناك اكتر حاجه لفتت انتباهي من كلام اصدقائي الكوريين نفسهم ان اول مالمرتب ينزل اول كل شهر بيسلمو كامل متكامل لزوجاتهم والزوجات هما اللي بيتحكمو في ميزانيه البيت وبيدو مصروف صغير جدا للزوج مابيكفهوش طبعا بس ميقدرش يشتكي.
٤-البلد نضيفه بطريقه تغيظ مش موضوع زباله لا ده كمان مفيش تراب.
الكوريين بيشربو خمور وللاسف بطريقه كبيره جدا جدا يمكن اكتر من الاوربيين والامريكان وعندهم مشروب وطني في كوريا اسمه سوجو وده نسبه الكحول فيه ١٥% ببحبو يخلطوه مع البيره وبيسمو بووم علشان كده نسبه الحوادث بالشوارع عاليه بسبب حالات السكر.
٤-في الفنادق تملي هتلاقي جولات سياحيه علشان تفرجك على البلد ودي بتبقي غاليه جدا انتو تفككو من الكلام ده خلاص فيها هنا في سول باصات مفتوحه خاصه بالسياحه الكوريه بتلف سول وبوسان واولسان كلها ومتقسمى محطات تقدر تنزل في المحطه اللي انت عايزها قدام المكان السياحي اللي انت عايز تشوفه وبعد ماتخلص ترجع تاني لنفس مكانك تاخد الباص وتروح مكان جديد.
٥-الاكل ثم الاكل ثم الاكل ياخونا انا واحد من الناس لما احب اتعرف بالبلد اللي بزورها باكل اكلهم واركب المترو عندهم تقريبا ماسبتاش حاجه ليها علاقه بكوريا وعادتهم وماكلتهاش اتفرجو على الصور وقلولي اه رايكم.
٦- كل المزارات السياحيه او اغلبها هناك مجانا مش محتاج حجز اون لاين.
ده الجزء الاول وكفايه كده علشان صوابع ايدي وجعتني من كتر الكتابه لو الموضوع الزاس مهتمه بيه ممكن اكلمكو في جزء تاني عن المزرات السياحيه بالتفصيل في كوريا.
اول حاجه موضوع الفيزا والاشتغاله الكبيره اللي عملاها كوريا معانا ومبدء المعامله بالمثل اعتقد ان في ناس كتيره قتلت الموضوع بحثا في بوسوات سابقه قبل كده علشان كده مش هطول عليكم وهحكلم بس عن تجربتي الشخصيه واللي انا شفته بنفسي في مطار انشن بكوريا مبدئيا انا كنت رايح شغل ومعايا دعوه من شركه كوريه مختومه وحجز مؤكد بيزنس على الامارتيه وحجز مؤكد على فندق اسمه lotte وده برده فندق ٥ نجوم وحاجه كده ليها قيمتها في كوريا وبرغم كده الجوزات رفضت تختملي في ساعتها مع ان يامؤمن كان واقف قدامي مباشره في كاونتر الجوزات واحد من افغنستان وعدى من غير اى ازغاج اكيد كان معاه فيزا مسبقه طبعا بس ليك ان تتخيل ان افغاني اخد الفيز لكوريا بسهوله اللي هيا فيها اكبر قاعده عسكريه في المنطقه والسياح الامريكان اصلا ذى الرز عدى وانا بخ ماينفعش
ماعلينا الراجل بتاع الجوزات نادى على الامن اخدوني لغرفه تحقيق علشان يستجوبني ويشاء الظروف انى قلاقي ٢ مصريين جوه معايا
بس ياسيدي السؤال التقليد جاى عندنا تهبب ايه طلعتلها الورق والحجوزات الفخيمه المؤكده بتاعتي خطابhr ولا الهوى الاخر جات في بالي فكره كان معاياbusiness card بتاع واحد من اللي شغال في السركه اللي بعتالي الدعوه وبينا شغل وكده وقلتله اتصل بيه واتاكد الراجل وافق لحسن حظي وكلمي صديقي الكوري اللي الحمدالله رد عليه واكدله معلومات اللي معاه كلها مظبوطه وبس يارجاله اخدت ختم الدخول ٣٠ يوم الدمعه كانت هتفر من عيني الصراحه بس لوجه الله اعتذروري جامد.
ثانيا خلينا نخش على الزبده او المفيد اللي في كوريا الجنوبيه هديلو شويه معلومات من اصدقائي الكوريين نفسهم وبعد كده ممكن نتعمق
١- الشعب الكوري شعب طيب جدا جدا وودود جدا معادا السواقين التكاسيات حاجه بنت تيت الصراحه بس الحكومه الكوريه عارفه الموضوع وبتحاول تسيطر عليه انا حصلي موقف وانا في سول قلت اوقف تاكسي وقفلي وريته مكان الفندق بصلي بقرف ومشى وهوب يامعلم قلاقيلك ٣ ظباط ناطين على المكان ونظام الافلام عربي سلم نفسك المكان كله محاصر وظبطو سواق التاكسي المخالفه المتينه وقفولي كمان تاكسي تاني واعتذرولي.
٢-couple in every where
فعلا دى الحقيقه الكوريين نفسهم متأثرين بالامريكان جدا وبيقلدوهم في كل حاجه عادتهم وتقاليدهم ولو شافو اى امريكاني في الشارع بيكونو سعداء جدا.
٣-الازواج بأه هناك اكتر حاجه لفتت انتباهي من كلام اصدقائي الكوريين نفسهم ان اول مالمرتب ينزل اول كل شهر بيسلمو كامل متكامل لزوجاتهم والزوجات هما اللي بيتحكمو في ميزانيه البيت وبيدو مصروف صغير جدا للزوج مابيكفهوش طبعا بس ميقدرش يشتكي.
٤-البلد نضيفه بطريقه تغيظ مش موضوع زباله لا ده كمان مفيش تراب.
الكوريين بيشربو خمور وللاسف بطريقه كبيره جدا جدا يمكن اكتر من الاوربيين والامريكان وعندهم مشروب وطني في كوريا اسمه سوجو وده نسبه الكحول فيه ١٥% ببحبو يخلطوه مع البيره وبيسمو بووم علشان كده نسبه الحوادث بالشوارع عاليه بسبب حالات السكر.
٤-في الفنادق تملي هتلاقي جولات سياحيه علشان تفرجك على البلد ودي بتبقي غاليه جدا انتو تفككو من الكلام ده خلاص فيها هنا في سول باصات مفتوحه خاصه بالسياحه الكوريه بتلف سول وبوسان واولسان كلها ومتقسمى محطات تقدر تنزل في المحطه اللي انت عايزها قدام المكان السياحي اللي انت عايز تشوفه وبعد ماتخلص ترجع تاني لنفس مكانك تاخد الباص وتروح مكان جديد.
٥-الاكل ثم الاكل ثم الاكل ياخونا انا واحد من الناس لما احب اتعرف بالبلد اللي بزورها باكل اكلهم واركب المترو عندهم تقريبا ماسبتاش حاجه ليها علاقه بكوريا وعادتهم وماكلتهاش اتفرجو على الصور وقلولي اه رايكم.
٦- كل المزارات السياحيه او اغلبها هناك مجانا مش محتاج حجز اون لاين.
ده الجزء الاول وكفايه كده علشان صوابع ايدي وجعتني من كتر الكتابه لو الموضوع الزاس مهتمه بيه ممكن اكلمكو في جزء تاني عن المزرات السياحيه بالتفصيل في كوريا.