اهم حاجة تجهز اوراقك كلها اللى هى خطاب جهة العمل وكشف حساب بنكى لمدة 6 شهور بمبلغ كويس وعليه حركة وتعمل حجز طيران وهوتيل مؤكد لو مش عارف فيه مكاتب سياحة بتعمله وهمى كده وبتكنسله اول ما تاخد التأشيرة .. بعد كده لو هتعدى على بلد تانية يستحسن تعمل حجز هوتيل هناك تقدمه مع الورق على الا يكون لمدة اكبر من المدة اللى هتقعدها فى فرنسا .. وبعد كده بتعمل تأمين سفر من اى شركة تامين يغطى المدة اللى هتكتبها فى الاستمارة .. وبعد كده تطبع استمارة تأشيرة شنجن فرنسا من على الانترنت وتملأ البيانات فيها .. ملحوظة مهمة لازم يكون الورق كله انجليزى بإستثناء تأمين السفر ولو مش مترجم ممكن تترجمه من اى مكتب معتمد ويختمهولك وبعد ماتجهز الورق تدخل على موقع tlscontact وتملأ بياناتك وتحجز ميعاد اونلاين وتروح فى الميعاد اللى حجزته تقدم الورق بتاعك مع صورتين شخصيتين خلفيه بيضاء يكونوا حديثين ولو الباسبور قديم يستحسن يكونوا غير اللى فى الباسبور وهناك اسمك هيظهر على الشاشة تديهم الورق ويستكملوا البيانات وبعد كده هتروح غرفة تانية تتصور وياخدوا البصمة البيومترية وبعد كده تدفع الرسوم اللى هى كانت على ايامى 1670 جنيه كاش مابيقبلوش فيزا وبعد كده هيدولك ايصال ده اللى هتستلم بيه الباسبور ان شاء الله بعد 14 يوم وبالتوفيق
