عاوز اقدم على فيزا سياحة لامريكا . سافرت...

[Mahmoud Mohamed]

عاوز اقدم على فيزا سياحة لامريكا . سافرت امريكا قبل كده فيزا دراسة و رجعت مصر .. هل فيه فرصة انى اقدم لامريكا على طول و لا افضل اقدم شنجن الاول ؟؟ و اصلا فى حالتى شنجن هتبقى سهلة و لا صعبة ؟؟
مع العلم انى متزوج و عندى اطفال ( هقدم لوحدى ) و كشف الحساب البنكى فيه من 25الى 30 الف دولار و وظيفتى دكتور فى وزارة الصحة

 

[Somaya Soliman]

اللي اعرفه ناس سافرت اشتغلت لمدة شهر - منحة من السفارة-
بس في الشروط ان لازم ميقدمش قبل ٦ شهور او سنة حاجة كده
بس الافضل لما تسافر شينجن

 

[Mohamad Barakat]

توكل علي الله وقدم علي أمريكا السفاره مش بعبع حضرتك طبيب وعندك أسره وموقفك المالي كويس وليك سبقة انك دخلت اميركيا ورجعت يبقي ايه المانع بقي

 

[Muhammad A. Darweesh]

هو أفضل لو قدم لوحده و لا باسرته كلها؟

 

[Saleh Mohamed]

F

 

[تيما تميمة]

الشنجن مش هتدعم موقفك في حاجه.. بعرف ناس عندهم شنجن واترفضوا من سفارة امريكا..
المهم اوراقك سليمه وكل المعطيات صحيحه .. وانك كنت من قبل في امريكا هيدعم موقفك.. وان شاء الله تاخدها

 

[Sarah Elaraby]

طالما اخدت قبل كده و رجعت و ملكش مشاكل بتعدي بسهولة. اللي بيحصل لما حد بيترفض في تاني فيزا إن في ناس بيبقي عليها مخالفة مرور أو مدفعتش مصاريف علاج مثلا فبيقلولهم ادفعوا الأول

 

[Mostafa Aly]

لوحدك افضل

 

[Mostafa Mahmoud]

قدم لوحدك افضل...والشنجن مش حتفرق معاك كتير..الا لو ناوي تزور اوروبا فعلا..ساعتها فيزا امريكا السابقه حتنفعك اكتر ..انك تاخد الشنجن بفرصه كليره جدا

 

[John Gamel]

Up

 

[Mahmoud Mohamed]

شكرا يا شباب .. خلاص هتوكل على الله و اقدم على امريكا مباشرة .