A
Ahmad M. Abdelwahab
:: مسافر ::
تحياتي ليكم جميعا
حابب اشارككم رحلتى لماليزيا
رحلتى كانت شهر عسل فى شهر مايو اللى فات
طبعا قريت تقارير كتير ونصائح كتير وقررت انى انظم كل حاجة بنفسي وبالفعل حجزت عالقطرية قبل الرحلة ب٣ اشهر وأخذت سعر خرافى ذهاب وعودة لفردين ب٨٥٠٠ جنبه
طبعا سعر ولا فى الاحلام وحجزت طيران داخلى لجزيرة لنكاوى وعملت حجوزات الفنادق
رحلتى كانت ١٠ ايام
متقسمة كالتالى
جزيرة لنكاوى ٣ ايام-سيلانجور يومين -كوالالمبور ٥ ايام
نبدا بلنكاوى
وصلت المطار اول حاجة عملتها رحت لواحد من المكاتب اللى فى المطار وحجزت الرحلات اللى انا عايزها وأجرت سيارة كمان طبعا مش هوصفلكو متعة القيادة هناك بصراحة كنت متردد جدا قبل ماخد القرار دا لكن الحمد لله ماندمتش واستمتاعى زاد بالرحلة اوى خصوصية طبعا وراحة دا غير أن فيه سيارة تحت ايدك فى اى وقت
وصلت المنتجع فى منطقة بانتاى سينانج وعملت شيك أن وطبعا استمتعت بمنظر الشاطئ حاجة جميلة جداوقضيت بقية اليوم عليه
٢-اليوم التانى وبداناه برحلة المانجروف البحرية حجزتها من المطار قارب خاص ليا انا وزوجتى كان سعرها تقريبا ٢٥٠ رينجت انصح أن الرحلة دى ماتتفوتش مهما كان الرحلة استمرت حوالى ٤ ساعات مشينا الساعة ٨ صباحا وركبنا القارب طبعا المناظر الطبيعية حاجة لاتوصف جميلة جدا جدا فى الرحلة دى بنمر على كذا حاجة زى كهف التماسيح وكهف الخفافيش ومزارع الأسماك وفى الاخر اطعام النسور قبل مانخرج للمحيط وبنبقى ساعتها قريبين جدا من حدود تايلاند وطول مانت ماشى طبعا لسانك لا يستطيع إلا أن يردد سبحان الخالق من روعة وجمال المناظر اللى انت شايفها وانتهت رحلة المانجروف عالظهر
وبعدها توجهنا للقرية الشرقية oriental village حيث المتعة والسحر والجمال وركوب التلفريك الرائع وكل مالتليفريك يطلع لفوق كل مايبان لك جمال وروعة الجزيرة وتظهر المعالم اكتر واكتر بصراحة منظر خيالى وفى أعلى قمة فى التليفريك هنلاقى الجسر المعلق وهو تحفه هندسية ومعمارية رائعة
وبما اننا فى القرية الشرقية فهى مش تليفريك بس لا دى فيه انشطة كتير جدا ممكن تتعمل مثلا فيه سينما سداسية الابعاد ممتعة جدا 6d cinema وفيه قبة السماء sky dome وهى عبارة عن سينما بشاشة بانورامية تعرض فيلم قصير
دا غير المتحف الفنى الرائع 3d art museum وممكن جوا تاخد صور مش هتنساها طول عمرك وقبل مانخرج من المتحف فى عرض رائع جدا مايتفوتش لازم تتفرج عليه
وكثير من الأنشطة؛ المفاجأة أن انت ممكن تعمل كل دا بتذكرة مجمعة كل الأنشطة دى بما فيها التليفريك وتمن التذكرة لايتعدى ال٨٠ رينجت
وكمان ركوب الفيل متاح لو حابب تغامر يعنى بس غالى شوية
خلصنا القرية الشرقية عالساعة ٥ تقريبا وعلى بعد دقيقتين بالسيارة كان موجود شلالات لنكاوى والابار السبعة وبالرغم من التعب والاجهاد اللى كنا حاسين بيه لكن بمجرد نزولنا فى المياه كل التعب راح الشلالات فعلا جميلة وتاخدك لعالم تانى
طبعا اليوم دا كان حافل رجعنا تعبانين لكن كنا مستمتعين جداجدا
٣ -اليوم التالت وبدانا اليوم برحلتنا لجزيرة بولا بايار ودى للناس اللى بيحبو الغطس والسباحة والسنوركلينج كنت حجزت الرحلة من المطار وعالساعة ٨ الصباح جه اتوبيس خدنا للمينا ومن الميناء ركبنا عبارة فى رحلة مدتها ساعة ولما وصلنا استلمنا عدة السنوركلينج واللايف جاكت ونزلنا المياه السمك حواليك من كل حتة الكبير والصغير واسماك القرش الصغير عمال يلف حواليك والمياه صافية بطريقة عجيبة ووقت الظهر كان غدا اوبن بوفيه تشكيلة سى فود واسماك
وبعدين ركبنا القارب الزجاجى glass boat ومن خلاله شفنا الشعب المرجانية ومن رايى لاتقارن بالشعب المرجانية الى موجودة عندنا فى البحر الاحمر وشرم اللى عندنا اجمل كثير
والساعة ٣ كانت نهاية الرحلة وعدنا مرة أخرى للنكاوى
وفى المساء رحنا حديقة ليجيندا بارك وعدينا على ميدان النسر eagle square اللى هو رمز الجزيرة
وبكدا انتهت ايامنا فى العروس الجميل لنكاوى وندمت أشد الندم انى خططتلها ٣ ايام بس كانت اقل حاجة اسبوع ليها لان فيه انشطة كثير وفعاليات اكتر موجودة عالجزيرة دى
ان شاء الله فى بوست قادم هكتب عن ايامى فى سيلانجور وكوالامبور
اى استفسار انا تحت امركم
حابب اشارككم رحلتى لماليزيا
رحلتى كانت شهر عسل فى شهر مايو اللى فات
طبعا قريت تقارير كتير ونصائح كتير وقررت انى انظم كل حاجة بنفسي وبالفعل حجزت عالقطرية قبل الرحلة ب٣ اشهر وأخذت سعر خرافى ذهاب وعودة لفردين ب٨٥٠٠ جنبه
طبعا سعر ولا فى الاحلام وحجزت طيران داخلى لجزيرة لنكاوى وعملت حجوزات الفنادق
رحلتى كانت ١٠ ايام
متقسمة كالتالى
جزيرة لنكاوى ٣ ايام-سيلانجور يومين -كوالالمبور ٥ ايام
نبدا بلنكاوى
وصلت المطار اول حاجة عملتها رحت لواحد من المكاتب اللى فى المطار وحجزت الرحلات اللى انا عايزها وأجرت سيارة كمان طبعا مش هوصفلكو متعة القيادة هناك بصراحة كنت متردد جدا قبل ماخد القرار دا لكن الحمد لله ماندمتش واستمتاعى زاد بالرحلة اوى خصوصية طبعا وراحة دا غير أن فيه سيارة تحت ايدك فى اى وقت
وصلت المنتجع فى منطقة بانتاى سينانج وعملت شيك أن وطبعا استمتعت بمنظر الشاطئ حاجة جميلة جداوقضيت بقية اليوم عليه
٢-اليوم التانى وبداناه برحلة المانجروف البحرية حجزتها من المطار قارب خاص ليا انا وزوجتى كان سعرها تقريبا ٢٥٠ رينجت انصح أن الرحلة دى ماتتفوتش مهما كان الرحلة استمرت حوالى ٤ ساعات مشينا الساعة ٨ صباحا وركبنا القارب طبعا المناظر الطبيعية حاجة لاتوصف جميلة جدا جدا فى الرحلة دى بنمر على كذا حاجة زى كهف التماسيح وكهف الخفافيش ومزارع الأسماك وفى الاخر اطعام النسور قبل مانخرج للمحيط وبنبقى ساعتها قريبين جدا من حدود تايلاند وطول مانت ماشى طبعا لسانك لا يستطيع إلا أن يردد سبحان الخالق من روعة وجمال المناظر اللى انت شايفها وانتهت رحلة المانجروف عالظهر
وبعدها توجهنا للقرية الشرقية oriental village حيث المتعة والسحر والجمال وركوب التلفريك الرائع وكل مالتليفريك يطلع لفوق كل مايبان لك جمال وروعة الجزيرة وتظهر المعالم اكتر واكتر بصراحة منظر خيالى وفى أعلى قمة فى التليفريك هنلاقى الجسر المعلق وهو تحفه هندسية ومعمارية رائعة
وبما اننا فى القرية الشرقية فهى مش تليفريك بس لا دى فيه انشطة كتير جدا ممكن تتعمل مثلا فيه سينما سداسية الابعاد ممتعة جدا 6d cinema وفيه قبة السماء sky dome وهى عبارة عن سينما بشاشة بانورامية تعرض فيلم قصير
دا غير المتحف الفنى الرائع 3d art museum وممكن جوا تاخد صور مش هتنساها طول عمرك وقبل مانخرج من المتحف فى عرض رائع جدا مايتفوتش لازم تتفرج عليه
وكثير من الأنشطة؛ المفاجأة أن انت ممكن تعمل كل دا بتذكرة مجمعة كل الأنشطة دى بما فيها التليفريك وتمن التذكرة لايتعدى ال٨٠ رينجت
وكمان ركوب الفيل متاح لو حابب تغامر يعنى بس غالى شوية
خلصنا القرية الشرقية عالساعة ٥ تقريبا وعلى بعد دقيقتين بالسيارة كان موجود شلالات لنكاوى والابار السبعة وبالرغم من التعب والاجهاد اللى كنا حاسين بيه لكن بمجرد نزولنا فى المياه كل التعب راح الشلالات فعلا جميلة وتاخدك لعالم تانى
طبعا اليوم دا كان حافل رجعنا تعبانين لكن كنا مستمتعين جداجدا
٣ -اليوم التالت وبدانا اليوم برحلتنا لجزيرة بولا بايار ودى للناس اللى بيحبو الغطس والسباحة والسنوركلينج كنت حجزت الرحلة من المطار وعالساعة ٨ الصباح جه اتوبيس خدنا للمينا ومن الميناء ركبنا عبارة فى رحلة مدتها ساعة ولما وصلنا استلمنا عدة السنوركلينج واللايف جاكت ونزلنا المياه السمك حواليك من كل حتة الكبير والصغير واسماك القرش الصغير عمال يلف حواليك والمياه صافية بطريقة عجيبة ووقت الظهر كان غدا اوبن بوفيه تشكيلة سى فود واسماك
وبعدين ركبنا القارب الزجاجى glass boat ومن خلاله شفنا الشعب المرجانية ومن رايى لاتقارن بالشعب المرجانية الى موجودة عندنا فى البحر الاحمر وشرم اللى عندنا اجمل كثير
والساعة ٣ كانت نهاية الرحلة وعدنا مرة أخرى للنكاوى
وفى المساء رحنا حديقة ليجيندا بارك وعدينا على ميدان النسر eagle square اللى هو رمز الجزيرة
وبكدا انتهت ايامنا فى العروس الجميل لنكاوى وندمت أشد الندم انى خططتلها ٣ ايام بس كانت اقل حاجة اسبوع ليها لان فيه انشطة كثير وفعاليات اكتر موجودة عالجزيرة دى
ان شاء الله فى بوست قادم هكتب عن ايامى فى سيلانجور وكوالامبور
اى استفسار انا تحت امركم