ع
عبدالرحمن حبت
:: مسافر ::
مغامرة النهاردة كانت في المدينة الساحر ( فينيسا الإيطالية ) أو زي ما بنقول عليها البندقيه
خطتنا كانت اننا نقضي فيها يوم واحد فقط وبصراحه هي على قد جمالها وسحرها ولكن فعلا يوم واحد هيكون مناسب جدا ورائع انك تعمل كل الانشطة فيها
احنا وصلنا في حدود الساعه 9 صباحا إلى مطار فينسيا وده كان اصغر مطار شفته في حياتي حتى الأن انت بتطلع من بوابة الوصول بتلاقي مكان الشنط ثم مكان الخروج ... كله لازق في بعضه بطريقه عجيبه
خرجنا من المطار واخدنا اتوبيس بحوالي 8 يورو عشان يودينا المكان اللي هنقيم فيه
الاتوبيس اخد حوالي نص ساعه، حطينا شنطنا وفطرنا وخرجنا اخدنا اتوبيس تاني اخد حوالي ربع ساعه عشان نكون واقفين قدام الساحره الجميله
على قد الجمال والسحر اللي شفناه اول ما وصلنا على قد صدمتنا الكبيره من أسعار ركوب العبارات الصغيره اللي بتتنقل في قنوات ومياه فينيسيا ... على ما اتذكر كانت التيكيت الواحده من مكان لمكان بحوالي ٤ يورو ولو عاوز اجيب كارت ليوم كامل كان بحوالي ٢٠ يورو( مش متأكد من الرقم حقيقة بس هو كان رقم كبي طبعا كانت صدمه كبيره وخصوصا ان وقتها كان الجنيه اتعوم خلاص وغرقنا معاه واحنا في السفريه وعشان نشتري كارت ليوم واحد فده معناه اننا هندفع ما يساوي ٤٠٠ جنيه للفرد الواحد
اخدنا قرارنا سريعا .. احنا هنستمتع بكل مكان في المدينه بس هناخدها مشي اعتمادا على ال GPS واكيد اكيد هو هيوصلنا بدون ما نضطر لركوب هذه العبارات
ومن هنا انطلقنا بقى وكوبري يطلعنا وكوبري ينزلنا ... حقيقة فضلنا مستمتعين لحد ما وصلنا لنقطة لقينا فيها اننا لازم نركب حاجه تنقلنا للساحة الرئيسيه في المدينة
مهما حكيت عن توفيق ربنا في اللحظات دي مش هتصدقوا
بس اللي حصل اننا ماشيين على الكوبري فجأه لقيت تحت رجلي كارت غريب كده هتلاقوا صورته تحت في الصور .. المهم اخدته عادي يعني عشان شكله كان مميز شويه، عند اول محطة عبارات قابلتنا قلت ما تجرب كده وتشوف
وهنا بقى كااااااانت المفاجأه العظيمه للغايه .. الكارت شغال لمدة يوم كامل لأى عدد من الرحلات كانت فعليا مفاجأه رهيبه وعظيمه
مش عاوز اقولكم بقى اننا استغلينا الكارت ده اسوأ استغلال ممكن
لو كنا هنتنقل من مكان لمكان حوالي 200 متر كنا بنستخدم العباره ... شغل مصريين بقى
الخلاصه لفينا المدينه كلها واستمتعنا بيها جدا جدا ... هي فعلا مدينه ساحرة
اكلنا ايس كريم عالمي من هناك ورحنا مطعم مكرونه غريب جدا بيعمل عجينة المكرونه وانت واقف
يعني هما عندهم مكنه بيعجنو العجيبن وبيحطوه في المكنه وهو بيطلع شرايح مكرونه بياخدها وقدام عينك بيعملها طاااازه
ــــــــــــــ
يوم واحد في فينيسا جميل جدا وما ينفعش تروح ايطاليا وما تروحش فينيسيا
وربنا يرزقكم بكارت مواصلات زى اللي ربنا رزقنا بيه وتستمتعوا بالمدينه احلى استمتاع
خطتنا كانت اننا نقضي فيها يوم واحد فقط وبصراحه هي على قد جمالها وسحرها ولكن فعلا يوم واحد هيكون مناسب جدا ورائع انك تعمل كل الانشطة فيها
احنا وصلنا في حدود الساعه 9 صباحا إلى مطار فينسيا وده كان اصغر مطار شفته في حياتي حتى الأن انت بتطلع من بوابة الوصول بتلاقي مكان الشنط ثم مكان الخروج ... كله لازق في بعضه بطريقه عجيبه
خرجنا من المطار واخدنا اتوبيس بحوالي 8 يورو عشان يودينا المكان اللي هنقيم فيه
الاتوبيس اخد حوالي نص ساعه، حطينا شنطنا وفطرنا وخرجنا اخدنا اتوبيس تاني اخد حوالي ربع ساعه عشان نكون واقفين قدام الساحره الجميله
على قد الجمال والسحر اللي شفناه اول ما وصلنا على قد صدمتنا الكبيره من أسعار ركوب العبارات الصغيره اللي بتتنقل في قنوات ومياه فينيسيا ... على ما اتذكر كانت التيكيت الواحده من مكان لمكان بحوالي ٤ يورو ولو عاوز اجيب كارت ليوم كامل كان بحوالي ٢٠ يورو( مش متأكد من الرقم حقيقة بس هو كان رقم كبي طبعا كانت صدمه كبيره وخصوصا ان وقتها كان الجنيه اتعوم خلاص وغرقنا معاه واحنا في السفريه وعشان نشتري كارت ليوم واحد فده معناه اننا هندفع ما يساوي ٤٠٠ جنيه للفرد الواحد
اخدنا قرارنا سريعا .. احنا هنستمتع بكل مكان في المدينه بس هناخدها مشي اعتمادا على ال GPS واكيد اكيد هو هيوصلنا بدون ما نضطر لركوب هذه العبارات
ومن هنا انطلقنا بقى وكوبري يطلعنا وكوبري ينزلنا ... حقيقة فضلنا مستمتعين لحد ما وصلنا لنقطة لقينا فيها اننا لازم نركب حاجه تنقلنا للساحة الرئيسيه في المدينة
مهما حكيت عن توفيق ربنا في اللحظات دي مش هتصدقوا
بس اللي حصل اننا ماشيين على الكوبري فجأه لقيت تحت رجلي كارت غريب كده هتلاقوا صورته تحت في الصور .. المهم اخدته عادي يعني عشان شكله كان مميز شويه، عند اول محطة عبارات قابلتنا قلت ما تجرب كده وتشوف
وهنا بقى كااااااانت المفاجأه العظيمه للغايه .. الكارت شغال لمدة يوم كامل لأى عدد من الرحلات كانت فعليا مفاجأه رهيبه وعظيمه
مش عاوز اقولكم بقى اننا استغلينا الكارت ده اسوأ استغلال ممكن
لو كنا هنتنقل من مكان لمكان حوالي 200 متر كنا بنستخدم العباره ... شغل مصريين بقى
الخلاصه لفينا المدينه كلها واستمتعنا بيها جدا جدا ... هي فعلا مدينه ساحرة
اكلنا ايس كريم عالمي من هناك ورحنا مطعم مكرونه غريب جدا بيعمل عجينة المكرونه وانت واقف
يعني هما عندهم مكنه بيعجنو العجيبن وبيحطوه في المكنه وهو بيطلع شرايح مكرونه بياخدها وقدام عينك بيعملها طاااازه
ــــــــــــــ
يوم واحد في فينيسا جميل جدا وما ينفعش تروح ايطاليا وما تروحش فينيسيا
وربنا يرزقكم بكارت مواصلات زى اللي ربنا رزقنا بيه وتستمتعوا بالمدينه احلى استمتاع