ع
عبدالرحمن حبت
:: مسافر ::
عمرك اتنشلت قبل كده في سفريه من السفريات، لو اه يبقى اهلا بيك يا زميل الكفاح ولو لاء يبقى انت محتاج تقرا الكلام اللي جاى ده
____
البدايه اني وكالعاده قبل ما بسافر اى مكان بقعد اقرا كتير عشان الامن والامان وكده وفعلا قبل ما اسافر برشلونه قريت وعرفت انها مركز اول عالميا في موضوع النشل والسرقه ده
قلت هاخد حذري بقى عشان ما البسش في الحيطه ولكن دايما الطعنه بتيجي من حيث لا تتوقع من قلب المطار
الحكايه اننا وصلنا برشلونه ونزلنا من الطياره ودخلنا استلمنا الشنط وحطيناها على العربيه، كان معانا ٤ شنط
شنطة سفر ليا وشنطة سفر لردينة محمد علي مراتي
وشنطة ضهر فيها لاب وورق بتاعتي وشنطة ضهر برضو لردينه
اللي حصل بقى اننا حطينا كل الشنط دي على العربيه واتحركت بيها عشان اخرج من المطار ونركب الباص
واحنا بنخرج من بوابة الوصول وبنركب الاسانسير عشان ننزل تحت واحد سألنا على حاجه وجاوبته وبعدها نزلنا تحت والمفروض بقى اننا بنقطع تيكت الباص بالكريدت كارد
كان فيه مكنتين لقطع التيكيت والمشكله ان المكنتين كان فيههم مشكله وفيه زحمه كده ودوشه
المهم شويه واتحلت الدنيا وقطعت تيكت وراجع لردينه وبقولها يلا واذ فجأة نبص على الشنط نلاقيهم بقوا ٣ فقط لا غير
ادور يمين شمال ... اطلع فوق وانزل تحت واسأل هنا وهناك وللأسف النتيجة كانت صفر
ستر ربنا وقدره ان الحرامي سرق شنطة ردينه اللي كان فيها شمسيه وسلفي ستيك وحاجات يمكن تعويضها
لكن لو لا قدر الله كان اتهور واخد شنطتي فاحنا كنا هنروح ورا الشمس
شنطتي كان فيها كل الفلوووووس وكل الحجوزات والباسبورات والفنادق والطيران ولاب توب وكل حاجه كل حاجه
على قد ما احنا زعلنا على سرقة الشنطه، على قد ما احنا نشكر ربنا انها ما جتش في الشنطه التانيه والا كانت الرحله خلصت قبل ما تبدأ
_____
طيب نستفيد ايه بقى من القصه دي
اولا اوعى تحط كل حاجه في مكان واحد ابدا ابد
ثانيا لو معاك شنطة ضهر فيها حاجات مهمه ما تخليهاش تنزل ابدا من على كتفك ومش بس كده لو انت في مكان زحمه البسها من قدام
ثالثا احنا هنا غلابه اوي اوي في السرقه، احنا اتسرقنا من قلب المطار والحرامي كل اللي عمله كان حركة الهاء بسيطه خلانا نروح في حته وهو ظبط اموره في حته تانيه
اخيرا وانت نازل بقى تلف في البلد نفسها فلوسك ومحفظتك وخلافه تحطهم في جيب جوه ما يكونش ظاهر عشان ما يحصلكش كده
_____
ربنا يسعدكم جميعا وتكون رحلاتكم دايما بدون مشاكل ابدا
____
البدايه اني وكالعاده قبل ما بسافر اى مكان بقعد اقرا كتير عشان الامن والامان وكده وفعلا قبل ما اسافر برشلونه قريت وعرفت انها مركز اول عالميا في موضوع النشل والسرقه ده
قلت هاخد حذري بقى عشان ما البسش في الحيطه ولكن دايما الطعنه بتيجي من حيث لا تتوقع من قلب المطار
الحكايه اننا وصلنا برشلونه ونزلنا من الطياره ودخلنا استلمنا الشنط وحطيناها على العربيه، كان معانا ٤ شنط
شنطة سفر ليا وشنطة سفر لردينة محمد علي مراتي
وشنطة ضهر فيها لاب وورق بتاعتي وشنطة ضهر برضو لردينه
اللي حصل بقى اننا حطينا كل الشنط دي على العربيه واتحركت بيها عشان اخرج من المطار ونركب الباص
واحنا بنخرج من بوابة الوصول وبنركب الاسانسير عشان ننزل تحت واحد سألنا على حاجه وجاوبته وبعدها نزلنا تحت والمفروض بقى اننا بنقطع تيكت الباص بالكريدت كارد
كان فيه مكنتين لقطع التيكيت والمشكله ان المكنتين كان فيههم مشكله وفيه زحمه كده ودوشه
المهم شويه واتحلت الدنيا وقطعت تيكت وراجع لردينه وبقولها يلا واذ فجأة نبص على الشنط نلاقيهم بقوا ٣ فقط لا غير
ادور يمين شمال ... اطلع فوق وانزل تحت واسأل هنا وهناك وللأسف النتيجة كانت صفر
ستر ربنا وقدره ان الحرامي سرق شنطة ردينه اللي كان فيها شمسيه وسلفي ستيك وحاجات يمكن تعويضها
لكن لو لا قدر الله كان اتهور واخد شنطتي فاحنا كنا هنروح ورا الشمس
شنطتي كان فيها كل الفلوووووس وكل الحجوزات والباسبورات والفنادق والطيران ولاب توب وكل حاجه كل حاجه
على قد ما احنا زعلنا على سرقة الشنطه، على قد ما احنا نشكر ربنا انها ما جتش في الشنطه التانيه والا كانت الرحله خلصت قبل ما تبدأ
_____
طيب نستفيد ايه بقى من القصه دي
اولا اوعى تحط كل حاجه في مكان واحد ابدا ابد
ثانيا لو معاك شنطة ضهر فيها حاجات مهمه ما تخليهاش تنزل ابدا من على كتفك ومش بس كده لو انت في مكان زحمه البسها من قدام
ثالثا احنا هنا غلابه اوي اوي في السرقه، احنا اتسرقنا من قلب المطار والحرامي كل اللي عمله كان حركة الهاء بسيطه خلانا نروح في حته وهو ظبط اموره في حته تانيه
اخيرا وانت نازل بقى تلف في البلد نفسها فلوسك ومحفظتك وخلافه تحطهم في جيب جوه ما يكونش ظاهر عشان ما يحصلكش كده
_____
ربنا يسعدكم جميعا وتكون رحلاتكم دايما بدون مشاكل ابدا