لو سمحتو ممكن تساعدوني انا دلوقت عندي اختي...

  • بادئ الموضوع بادئ الموضوع Rere Marie
  • تاريخ البدء تاريخ البدء
عرض العطلة
R

Rere Marie

:: مسافر ::
#1
لو سمحتو ممكن تساعدوني انا دلوقت عندي اختي بامريكيا مقيمه هناك مع جوزها وانا صيدلانيه وبشتغل بالحكومه وعندي صيدليتي الخاصه بس واخده اجازه بقالي ٣ سنين رعايه طفل وعايزه اخد فيزا لامريكيا ياتري اخليها تبعتلي دعوه سياحه ولا اعمل ايه وهل اني واخده اجازه من شغلي دا بيثر علي نسبه اني اخد الفيزا بليز ياريت تساعدوني باريكم
 
#2
معكى صورة من الإجازة انك ليكى شغل مستديم وتأمينات فى بلدك؟ وتكون مختومة بشعار الجمهورية وتترجم من المترجم المعتمد من سفارة امريكا وترفق مع أوراق تقديم
 
#4
بس انتي في جميع الاحوال هتقولي ان ليكي اخت ف امريكا لان ده سؤال ف الابليكشن. لازم تدعمي موقفك بورق يثبت انك بتشتغلي شغل دائم ف مصر
 
#5
مافيش فيزا سياحه تتبعت
انت بتملا الابليكيشن بتاعه السياحه أونلاين وعموما لو عملته وعرفوا انك رايح لأختك هاتترفض
وعلشان اختك تعملك لم شمل لازم تبقى جنسيه ولو جنسيه لم شمل الاخوات ١٣ سنة
 
عرض العطلة
#6
عن تجربة مش تخمينات اوعي تجيبي سيرة ان ليكي اخت هناك مش هيدوكي الفيزا ابدا لانهم بيعتقدوا انك هتروحي مش هترجعي تاني طالما ليكي قرايب مقيمين لكن ممكن تقدمي سياحة ووجود مشروع قائم وشغال مع اثبات دخل المشروع عن طريق محاسب قانوني معتمد هتاخديها سياحة بس نصيحة متجيبيش سيرة اختك
 
#7
اعملي فيزا سياحة واكتبي في الايليكشن ان اختك هناك مفيش مشكلة انا اخدهاا وكنت كاتبه في الابليكشن ... اكتبي عادي لان بيكون عندهم معلومات ان اختك او اخوكي هناك ...
 
#8
الأبليكيشن فيها سؤال عن لو حد من أهلك هناك، نصيحة بلاش تكدبي لأن ممكن مش بس الفيزا تترفض، بس يتعمللك بان خالص من أمريكا
 
#9
الأردنيين نسبة قبولهم بفيزا أمريكا عالية نسبيا
و خاصة إن فيه رابط صلة قوى بالوطن بس تقدمى إثبات إنك عندك صيدلية
 
عرض العطلة
#12
انا شايف تقدمي سياحة و تقولي الحقيقية لان الناس دي مش بتحب الكذب و الحوارات و لو شكت ١٪‏ انك مش بتقول الحقيقة هتاخد رفض فا حضرتك قدمي و قولي انك رايحة تزوري اختك و تقدمي ما يقيد انك بتشتغلي هنا و حياتك مستقرة و ان شاء الله تاخديها
 
#15
صعب انك تخديها عشان اختك هناك لكن هما بنسبه كبيره بيدوهاك في حالة انها هاتولد ومحتجاكي او فرحها وعايزاكي تحضريه عشان كده قولتلك تقولي انها هاتولد لكن غير كده صعب جدا جدا انهم يدوهالك
 
عرض العطلة
#17
بصى انا أمريكى و أختى اترفضت لما قدمت من مصر لسببين الأول و الأقوى انها قالت ان ليها أخوات فى أمريكا و الثانى انها ما قدمتش اثبات لروابط قوية بمصر. و الموقف ده اتكرر مع كتير من أصحابى. لو هتقولى ان ليكى اخت لازم تثبتى ان ليكى روابط قوية جدا فى بلدك عن اى حد تانى ملوش حد. يعنى شغل و املاك و اهل و زوج و أطفال إلخ .....
 
#18
بصى هم مش بيكشفوا عن الأخوة بس لو صادف انك ذكرتيها فى اى طلب فى ما بعد او قدمتلك على اى ورق هيظهر عندهم red flag على السيستم و هتتمنعى من التأشيرات للأبد. ف لو هتكدبى خليكى consistent
 
عرض العطلة
عرض العطلة
أعلى أسفل
عودة
قائمة