حد يعرف ازاي نخلي المصريييين يحافظوا علي...

  • بادئ الموضوع بادئ الموضوع Nada Zien Elden
  • تاريخ البدء تاريخ البدء
عرض العطلة
#3
اعرف ناس في السياحة
بيقولو ان السياح الروس من ارخم الجنسيات
من تحرش و غباء في المعامله
ده بصرف النظر عن جزء من المصريين فعلا الله المستعان
فا فكره الجست المصري ده كلام وخلاص
الفكره ان جزء كبير من الي شغالين في الفنادق فكرين نفسهم حاجه الا من رحم الله
بس ده الفكره
 
#4
عندك حق، لازم يكون فيه توعيه وثقافة سياحية وتبدأ من مناهج المدرسة، بس المواطن عامة لما بيحس انو جزء من السياحة بمعنى ان الدخل العائد من السياحة بيعود عليه بشكل مباشر أو غير مباشر (بأي نوع من المنافع) أكيد هيحافظ على الأثر السياحي أو المنشأة.
 
#5
يبقا فيه كتيبات او جلسة ترحيبية بالممنوعات و الممارسات الخطأ .. يكون في قاعة ف كل فندق مخصصة لكده و نخلي الجيست ينتظر فيها لحين تضبيط الغرف و يا اما حد من العلاقات العامة يكون واقف و بيشرح يا اما فيديو توضيحي معروض على شاشة كبيرة في القاعة .. مع كتيب صغير و لافتات تحذيرية
للاسف مش كل الناس واخدين على القوانين و بيحترموها
 
عرض العطلة
#6
ايوه نحسس الجيست المصري إنه مرحب بيه وان الاكل اللي بيتعملو هو اكل نضيف مش سد خانه ولا حاجه ونعرفو أن الفندق أو المكان اللي بيشرف بوجوده هو مكان سيعود ليه تاني فيجب الحفاظ عليه .... ودور الانيميشن الخاص بالفندق والذي يكون منعدم بعمل انشطه للجيست المصري لأشغال وقت فراغه وفي نفس الوقت بطريقه غير مباشره يوجهه أن الفندق جميل بيهم ولازم يشاركو في انشطه الفندق هيضيف سعاده وبهجه على الجيست ومش هيكون فيه اي مشاكل ومش يوقفو تدفئه حمامات السباحه علشان مفيش جيست اجنبي ...... الانيميشن والأنشطة هتكون اكبر توجيه للجيست
 
#7
عموما من الى بشوفه فى الشارع يوميا الناس مش بتعرف تعيش فى مكان نظيف خمس دقائق على بعض لازم زباله حوليهم من كنز الى قشر لب و خلافه ده فى معظم الناس و من مستويات علمبا عاليه على شان ماحدش يقول الجهل و قلله التعليم ده سلوك عام عند الناس
 
#8
اللي بيخلي الدول التانيه في تقدم وكل يوم في جديد ومحافظين ع بلدهم والسياحه اللي فيها اهم حاجه النظافه والنظام صدقيني لو لو متوفره الحاجتين دول في مصر
مصر هتبقي احلي واجمل بلد بس للاسف الدول التانيه في تقدم ومصر كل يوم في الناااازل
 
#9
انا اتفق معاكي لاكن انا السنادي روحت شرم و الغردق و دهب و قعدت ف كل مكان منهم ٤ ايام للاسف اتنرفزت جداً من جهل المصريين ف شرم لاني كنت ف فندق هيلتون شاركس باي بس معلش الجيست المصري بيدخل البوفيه كانه محروم عمره ما شاف قبل كده اكل و لما كنت هناك كان في اشكال نزله البوولز ب الهدوم الداخليه و لما المنقذين يكلمهوهم يقولوا بفلوسنا و الستات بالعبيات السوداء!! ازاي ؟ هيلتون رحته من ٥ سنين كان من انضف ما يمكن الغردقه نفس الحوار بس كنت ف موڤينبيك سوما باي بس ف الغردقه كان اوسخ من شرم الناس بليل ف الريسبشن بياكلوا لب و يرموا ع الارض و لما عامل النضافه كلمهم قالولوا امشي يا زبال متخيلين يعني ايه؟!
بس دهب كنت في كامب براديس كان خيال و هادي
ورايح كمان كام يوم بورتو السخنه ويارب مشفش الاشكال دي تاني
 
#10
سلام عليكم - حضرتك فيديو جميل و ممتع و رائع و كلام زى الفل بس حضرتك طبيعـى جداً انه يبقى ضد المصرى عارفه ليه لانه المصرى ماشى بمبدىء البلد الى انت غريب فى اجرى و شلح فيه حضرتك ابسط مثال تعالى اسكندريـة يومين بس يومين و اقعدى على اى شاطىء دولقتى رسوم اى شاطىء ما بين 30-40 جنيه و ده مش مبلغ بس اتحداكى اتحداكى اتحداكى تكملى ساعه زمنيه واحده و هقولك تعالى شاطىء حلو زى البرويفاج او ستانلى المصرى اول ما يحط رجله فى المكان يمين بالله اعصار اعصار بيحصل فيه زباله و قرف و ناس بتعمل فى البحر و ناس بتاكل و ناس بتغسل اطباق انا كنت فى الساحل الشمالى من اسبوع بالظبط واحده ست بتأكل ابنها على طرف حمام السباحة جالها الامن بكل ادب و شياكة حضرتك ممنوع الاكل تقولو انا حره هات الى مشغلك انا جايه هنا بفلوسى ؟!؟! طيب ده رد هيا ترده و بعدين فلوس ايه الى هيا جايه بيها دول يدوب 400 جنيه فى ليله هيا ال 400 جنية دولقتى فلوس ؟ و بعدين لو الولد رجع فى حمام السباحه مين الى هيشيل ليله ما العمال هيطلع عينيهم انهم ينضفوه و احنا هنطلع نقعد فى الشاليه و نستنى لحد تانى يوم ما يتنضف ؟ رحلة لشرم طلعتها الاوبن بوفيه كان متاح الناس كانت بتفطر و تعمل سندوتشات معاها للسفارى او الرحلات البحرية ؟ يدخل الاجنبى ميلاقيش اكل ؟؟ يضطر انه يعمل اكل من اول و جديد و الغدا نفس الحكاية كان المصرى يدهل يملى طبق و اتنين و تلاته و صفره طويله عريضه و فى الاخر الاكل بيترمى فى الزبالة ؟!؟! لسه بردو مقتنعه انه المصرى ليه حق انه يزور اى مكان فى بلده ؟! ده حضرتك الناس بتروح ماكدونلز بتبهدل الدنيا هناك ايش حال بقى لما يروح فندق 3 ولا 4 نجوم ؟!؟!
 
عرض العطلة
#13
اعتقد والله اعلم ان الحل الوحيد ,,, هو ان لازم يكون في فتره من السنين ,, تكون الرحلات والحجوزات الفندية والسياحيه تقدم من خلال مكاتب معتمه من وزارة البيئة والسياحه ,, ليه بقه ,, علشان اولا يقدمو session وعي للي هيسافر للماكن الفولاني ,, ويكون في زي تعهد ان يكون في حسن التعامل مع البيئة المحيطه بيه سواء اثرية او طبيعية !!,, وفي نفس الوقت لما يطلعو زي افواج صغيره يكون في زي حد مراقب للجروب في المكان المقصود لرفع اي تقرير "وتغريم اي حد يخالف القوانين ... بس كده ."
 
#14
والله الحل اننا نسيبهم يشحتو لما تلاقى المصريين هما اللى وقفو مع الفاندق فى وقت الزنقة والناس هناك كانت بتتسرح وتستغيث وتلاقى بعد كده لما نسبة الاجانب تبقى 30 فى المية بس وتلاقى دول بيتعاملو معامله ودول معاملة تانية ساعتها لازم يبقى فية واقفة واللى الاجانب فعلا بيعملوها بيخشو على موقع الفندق ويكتبو تقرير زفت فية محدش بعد كده يجيلة وتقييمة ينزل وساعتها الادارة طبعا هتتحرك مش حبنا فينا ولكن منعا لنزول تقييم الفندق وده اللى انا عملته لما رحت الاجازة حطيت تقييم كمصري فى الفندق وصورت الناس اللى اسلوبها مش كويس واتعاملت معاهم بشكل مش كويس لان ده اللى ينفع معاهم
 
#15
مفيش طبعا حاجه أسمها الجيست المصرى ... بس المشكله أساسا بتبقى من أصطاف الفندق أو الكامب ...
أى جيست فى رأيى محتاج أربع حاجات ...أحترام ... توجيه ... تعليمات ... متابعه ...
و لو قلتى له طير حيطير عشان هو ميعرفش حاجه فى المكان الجديد ...
أنما هما بيتكلمو على الجيست المصرى عشان حضرتك المصرى بيدفع بالمصرى ومدردح وفاهم والغالبيه جى عشان البحر فقط ‍♂️ .. ممكن يبات قدام البحر هو وأهلو عادى ..(( بس فى بردو كائنات عملاقه غريبة الفكر والتكوين الدخلى والخارجى وفى المأكل والملبس ... بس دول بردو ومجودين فى جميع الجنسيات ... ده أسمه الجيست (أنت ياض ) متقفش على الشعب متعمش بعيد متكولش البوفيه لوحدك متفكش سرير الغرفه وتبيع الملايات ..ألخ )))
الأجنبى بقا بيدفع بالدولار .... وعاوز يشترى ويخرج ويتفرج
 
عرض العطلة
#16
مشكلتنا هيه عقدة الخواجه
اى حد مش مصرى معناها عملة صعبة بالنسبه الفنادق او الشركات أو اى حاجه بنفضلة فى الشغل فى السكن فى اى شئ عن اهل البلد ..
تعالوا كده نشوف مثلا هنا بامريكا هل بيخلوا السائح او الغريب بيركب على الأمريكى؟؟؟
الشغل مثلا دايما بيفضلوا فى الشغل إلى واخد شهادة من اى جامعه بامريكا على الغريب حتى لو عامل معادلة ...
هل بيتنصب عليه والناس فى المحلات مجرد انه غريب تبيعلة ازازة المية ب ٥ اضعاف سعرها؟؟؟
هل الفنادق تفضله عن الأمريكى وتقول انت اجنبى لازم تدفع الضعف؟؟؟
كل الكلام ده فى بلدنا احنا بس
 
#17
الحل انهم يعملوا ابليكيشن للمصريين عليه كل الفنادق اللي في البلد ومينفعش حد مصري يحجز في فندق الا بحسابه اللي فيه رقمه القومي بتاع الـapp ده ويكون قائم على التقييم المتبادل ..ادارة الفندق تقيم كل جست بعد إقامته والجست يقيمهم برضو زي أوبر كده مثلا ويبقى بالنقاط والجست لما يحجز .. الفندق يدخل على حسابه ويشوف التقييم بتاعه والنقط بتاعته لو كتير يعملوله كونفيرم أو تخفيض وحاجات من دي ولو واحد بقى من اللي بيلموا الاكل في شنط والكلام ده اكيد مش هيقبلوه او يتعمله حظر لمده معينة على حسابه وبكده غصب عنه هيتصرف كويس في المره اللي بعدها
أنا اعرف واحد الاسبوع اللي فات راح الغردقة هو و واحد صاحبه سابوا مراتتهم في الفندق وراحوا مشوار ولما رجعوا لقوهم قاعدين في الغرفة وبيقزقزوا لب وبيرموا القشر ع الارض في الغرفة وقاعدين عادي
 
#18
المصري عارف بلده صح بس المشكله انه مش عارف يحافظ عليها صح... كفايه اي مكان بيروحه مش بيحافظ علي نظافته و لا على سلوكه قدام النزلاء. و فاكر انه عشان دفع تمن كام ليله كده الفندق بقى بتاعه... قله وعي مش اكتر
 
عرض العطلة
عرض العطلة
عرض العطلة
أعلى أسفل
عودة
قائمة