H
Haytham Sleem
:: مسافر ::
حكايتي مع تلاجة الفندق
عادة وحشة اوي..
اول حاجة بعملها لما أروح اي فندق بفتح التلاجة ، اشوف ايه البضاعة اللي ممكن تتاخد واقدر اشتري زيها من بره بسعر ارخص ..وارجعها مكانها تاني. ( سعر الفندق اربع اضعاف بره مثلا )
فندق ARTEMIS ده فندق هولندي جميل ،
وصلت الاوضة
فتحت التلاجة ، كالعادة
نشنت علي ٤ شوكلاتة وعلب عصير وكل علب البيبسي ، وطلعتهم بره.
وكان معايا اكل حطيته في التلاجة الصغيرة دي..
حددت الهدف .
وانا ع السرير جه في بالي اقرا اراء الناس في الفندق من موقع trip advisor .
واكتشفت الكارثة .. الفندق عاملي فخ !
،،،،،،،،،،،،،،،،،،،،،،،،،،،،،،،،،،،،،،،،،،،،
موضوع بسيط اوي كلنا عارفينه..من كتر ما هو بسيط بننسي نشرحه للناس علي اساس انهم اكيد طبعا عارفينه..
(الفندق زبالة.. السرير فيه حشرات..الاكل وحش. الاستف مش محترم ..الهاوس كيبنج حرامية.. الخ..)
كل دي شكاوي كلنا قريناها وسمعناها من ناس كتير كانوا رايحين يتبسطوا وللأسف خسروا فلوسهم ومتعتهم.. بسبب بسيط اوي
لازم تعرف الفندق اللي رايحه اراء الضحايا اللي قبلك فيه ايه ؟
ببساطة..ادخل علي موقع trip advisor
اكتب اسم الفندق .حتلاقي ترتيبه مثلا رقم ٢٠ من ضمن ٢٠٠ فندق في المدينة.
ده ترتيب كويس..تدخل تقرا اراء الناس وتشوف صور واقعية ليهم مش صور ادارة الفندق حطاها عشان تضحك ع الناس.
حتلاقي صور عناكب..وحشرات.وميه نازله سودا من الحوض..
اوعي تتخض . ده الواقع اللي الساكن اللي قبلك كان فيه.
اخر حاجة حتشوف room tips
ودي ترشيحات للنزلاء لافضل الغرف ، مثلا تحذير من الغرف السفلية عشان مش نضيفة وضيقة. اطلب في الدور التالت عشان اوسع.
كده تروح الفندق وانت فاهم حتطلب ايه .وتبعد عن ايه .لان العادة في اغلب الفنادق انه يبدا يخلص من الاوض التعبانة عنده .
القاعدة دي تجربها في شرم والغردقة بالذات لأن مستوي الشكاوي والتجاوزات السنة دي تاريخي.
،،،،،،،،،،،،،
اه .عايزين تعرفوا ايه الفخ االي الفندق عملو ؟
بعد ما قعدت ع السرير وفارش كل حاجة بره التلاجة .بيبسي شوكولاتة وعصاير وهاااح بءه .( حاطين كمان قزايز خمرة تقريبا كمان صغيرة كده دي خلتها مكانها طبعا )
بقرا الرفيوز بتاعت الناس لقيت مكتوب الجملة الصادمة دي:
واحد ببشتكي ان الفندق حاسبه علي كل الحاجات اللي في التلاجة!
وان كل اللي عملوا انه طلع بس حاجات منها عشان يحط اكل جايبه معاه .
الفندق حاطط شريحة إلكترونية تحت كل حاجة في التلاجة!
اول مترفع ..ينزل الحساب تلقائي علي الفاتورة بتاعتك.!!
هاار اسود . انا مطلع كل حاجة تقرببا !
اتصلت علي الريسبشن وانا بزعق..
Iam Muslim
Imm Muslim
تعالو خدوا كل الحاجات اللي في التلاجة. انا مقبلش يكون عندي خمرة في اوضتي ! وجه واحد خد كل حاجة فعلا.
وعدت الحمدالله..اقروا الرفيوز يا جماعة.
والله مهمة
عادة وحشة اوي..
اول حاجة بعملها لما أروح اي فندق بفتح التلاجة ، اشوف ايه البضاعة اللي ممكن تتاخد واقدر اشتري زيها من بره بسعر ارخص ..وارجعها مكانها تاني. ( سعر الفندق اربع اضعاف بره مثلا )
فندق ARTEMIS ده فندق هولندي جميل ،
وصلت الاوضة
فتحت التلاجة ، كالعادة
نشنت علي ٤ شوكلاتة وعلب عصير وكل علب البيبسي ، وطلعتهم بره.
وكان معايا اكل حطيته في التلاجة الصغيرة دي..
حددت الهدف .
وانا ع السرير جه في بالي اقرا اراء الناس في الفندق من موقع trip advisor .
واكتشفت الكارثة .. الفندق عاملي فخ !
،،،،،،،،،،،،،،،،،،،،،،،،،،،،،،،،،،،،،،،،،،،،
موضوع بسيط اوي كلنا عارفينه..من كتر ما هو بسيط بننسي نشرحه للناس علي اساس انهم اكيد طبعا عارفينه..
(الفندق زبالة.. السرير فيه حشرات..الاكل وحش. الاستف مش محترم ..الهاوس كيبنج حرامية.. الخ..)
كل دي شكاوي كلنا قريناها وسمعناها من ناس كتير كانوا رايحين يتبسطوا وللأسف خسروا فلوسهم ومتعتهم.. بسبب بسيط اوي
لازم تعرف الفندق اللي رايحه اراء الضحايا اللي قبلك فيه ايه ؟
ببساطة..ادخل علي موقع trip advisor
اكتب اسم الفندق .حتلاقي ترتيبه مثلا رقم ٢٠ من ضمن ٢٠٠ فندق في المدينة.
ده ترتيب كويس..تدخل تقرا اراء الناس وتشوف صور واقعية ليهم مش صور ادارة الفندق حطاها عشان تضحك ع الناس.
حتلاقي صور عناكب..وحشرات.وميه نازله سودا من الحوض..
اوعي تتخض . ده الواقع اللي الساكن اللي قبلك كان فيه.
اخر حاجة حتشوف room tips
ودي ترشيحات للنزلاء لافضل الغرف ، مثلا تحذير من الغرف السفلية عشان مش نضيفة وضيقة. اطلب في الدور التالت عشان اوسع.
كده تروح الفندق وانت فاهم حتطلب ايه .وتبعد عن ايه .لان العادة في اغلب الفنادق انه يبدا يخلص من الاوض التعبانة عنده .
القاعدة دي تجربها في شرم والغردقة بالذات لأن مستوي الشكاوي والتجاوزات السنة دي تاريخي.
،،،،،،،،،،،،،
اه .عايزين تعرفوا ايه الفخ االي الفندق عملو ؟
بعد ما قعدت ع السرير وفارش كل حاجة بره التلاجة .بيبسي شوكولاتة وعصاير وهاااح بءه .( حاطين كمان قزايز خمرة تقريبا كمان صغيرة كده دي خلتها مكانها طبعا )
بقرا الرفيوز بتاعت الناس لقيت مكتوب الجملة الصادمة دي:
واحد ببشتكي ان الفندق حاسبه علي كل الحاجات اللي في التلاجة!
وان كل اللي عملوا انه طلع بس حاجات منها عشان يحط اكل جايبه معاه .
الفندق حاطط شريحة إلكترونية تحت كل حاجة في التلاجة!
اول مترفع ..ينزل الحساب تلقائي علي الفاتورة بتاعتك.!!
هاار اسود . انا مطلع كل حاجة تقرببا !
اتصلت علي الريسبشن وانا بزعق..
Iam Muslim
Imm Muslim
تعالو خدوا كل الحاجات اللي في التلاجة. انا مقبلش يكون عندي خمرة في اوضتي ! وجه واحد خد كل حاجة فعلا.
وعدت الحمدالله..اقروا الرفيوز يا جماعة.
والله مهمة
