M
Manal M. Saady
:: مسافر ::
أما كنت فى سريلانكا كنا قاعدين فى فيلا وكانت منطقة كلها فلل وسط غابات كدا تاخد حوالى ربع ساعة مشى لحد ماتوصل للبحر او الطريق الرئيسى المهم قررنا انا واختى نتمشى بدل مانركب توكتوك والفيلا اللى كنا فيها كان بيحرسها كلب كل اما يشوفنا ي هوهو علينا وعايزنا نلاعبه واحنا مكبرين منه عشان مش يلزق لنا فى الرايحة والجاية. . المهم الكلب ده طلع ورانا فضل يلف حوالينا ويهوهو ويشمشم فينا واحنا ماشين لحد ماعدى على فيلا فيها كلب هوهو له قام طالع له بقى ورانا كلبين وبعدها فيلا تانية طلع الكلب التالت والفيلا الرابعة فيها كلبين وفجأة ورانا 15 كلب بيهوهووو وبيتخانقو وبيلفو حوالين رجلينا هيوقغونا على الأرض واحنا خايفين نتعض او نقع ومن كتر القلق بقينا ميتين من الضحك .. ده غير ان الناس كلها طلعت تتفرج علينا وبقينا بنجرى نص جرية عشان الكلاب ماتاخدش بالها وآل نهرب منهم فى الآخر مالقيناش فايدة قمنا ناطين فى اول توكتوك لاقيناه والكلاب بتحاول تركب معانا واحنا بنهش عليهم وبنهوشهم برجلينا مع منظر الرعب على وشنا كانت مسخرة والله
