E
Emad Mahmoud
:: مسافر ::
هو موقف اكشن لما الحرب ابتدت في ليبيا والمليشات اقتحمت علينا الأوتيل من كل ناحيه ورصاص من كل ناحيه لمده ساعه ونصف وكان رتل كامل بيضرب رصاص وخد عندك في المحن تظهر قصص الرجوله كان معانا واحد بشنب يقف علي الصقر استخبي في الدولاب ومن الرعشة جوه كسر الدولاب وكان بيبكي من الرعب وقصص كتير عن الساعه والنصف اكشن
والله بفكر اعمل قصه عن الساعه والنصف للرعب ولأول مره في حياتي اعرف معني كلمه نهايه الحياه وردود افعال مختلفه من كل الجنسيات اخيبها للأسف مصريين
والله بفكر اعمل قصه عن الساعه والنصف للرعب ولأول مره في حياتي اعرف معني كلمه نهايه الحياه وردود افعال مختلفه من كل الجنسيات اخيبها للأسف مصريين
M
Mohammed Hassan
:: مسافر ::
فى مطار شارل ديجول نسيت الموبيل فى الحمام وكنت مسافر بودابيست وبعدها سلوڤينيا وايطاليا وحرفيا السفرية كلها كانت ماشية بالموبيل وطلعت بره المطار اشرب سيجارة وجيت اطلع الموبيل ملقتوش جريت بسرعة كريستيانو رونالدو وفتحت ع واحد الحمام وانا بسأله فطبعا كان الرد close da fukin door قفلت الباب وسألته قالى nothing here fuck of طلعت وانا مش عارف اعمل ايه لقيت جروب كبير وفيه شاب بيبصلى وبيبص ع خلفية الموبيل رحت حضنته وانا مش مصدق وهو بيدينى الموبيل،،طلعت بعدها شربت خمس سجاير ورا بعض
M
Mahmoud Noureldin Aal Youssef
:: مسافر ::
روحت اجيب اكل ليا وسبت شنطي وحاجتي جنب صحابي رجعت ملقتهمش ولقيت واحد فاعد مكانا وجنبة شنطة اللاب بتاعتي قولت عادي متحرجهوش مع ان الاماكن في المطار فاضية بس خلاص يعني ... روحت فتحت الشنطة بتاعه اللاب اخد منها حاجة لقيته بيبصلي فقلت عادي يعني الراجل ميعرفنيش ... دخلت ايدي في شنطتي اجيب حاجة لقيته بيقولي اامر قولتله انا باخد حاجة من شنطتي قالي لا حضرتك دي شنطتي انا وشنطتك مع صحابك قعدوا هناكواخدوا شنطكن معاهم ... انا اللي نزل عليا ضحك ومش عارف اعتذرله اقوله ايه وافتكرت قصة البنت اللي اكلت البسكوت بتاع الرجل في الاتوبيس وهي فاكراه البسكوت بتاعها ... نفس الشنطة الاتش بي الاسود في احمر ... المشكله اني في الباص في المانيا لقيت حد تاني شايل نفيس الشنطة فافتكرت الموقف بردة ... ولما رجعت مصر كنت في ميتنج وبوطي جنب الكرسي لقيت نفس الشنطة وكنت هقرب منها لقيت عليها نضارة بصيت للراجل اللي جاي يعمل معايا الميتنج ووقعت ضحك .... موعود موعود بالاحراج يا قلبي
الشنطة دي لازم تموت
الشنطة دي لازم تموت
S
Shady Ezz
:: مسافر ::
بلاوي بعيد عنكم : مره لقيت راجل عجوز واقع في الارض في باريس مغمى عليه في عز الحر والناس بتجمهره عليه وكله بيتفرج ومش معاه حد .المهم فرحت شيكت عليه طلع مافيش نبض وبعدين عملت انعاش قلبي cpr دورتين باستحياء قلت ميت ميت !! و الراجل سبحان الله رجع بنبض ضعيف جدا المهم الاسعاف لما جه كان معاه ظابط بوليس عصبي فشخ بيقولي انت مين سمحلك تتدخل عل حسب مافهمت منه رحت قلتله انا دكتور في مصر وده واجبي المهم قاعد بيبرطم مع الاسعاف وقالي هات جوازك رحت طلعتله صورة الجواز اللي مكتوب فيها طالب وكان الجواز في السكن المهم عصب اكتر بيقولي تعال القسم فجاه لقيت الناس اللي كانت بتتفرج اتلمت عليه شرشحوله لدرجه ان كان واحد هيضربه والله و جابولي مياه و عصير و شكروني جدا حسيت اني محترم ههههه
A
Ayat Khaled
:: مسافر ::
لما جه رئيس الوزرا الهندي لغى العملة القديمة قال للناس تحطها في حساباتها البنكية ويتعاملوا عادي بالكارت وطبعا بما اني كنت قاعدة سنة فليا الحق في فتح حساب فحطيت كل فلوسي في الحساب وسافرت ولاية تانية بالكارت وكنت بتعامل على مدار يومين عادي جدا وانا راجعة في الاتوبيس رفضوا الكارت لأن البيه وقف التعامل بيه وفجأة لقيتني في الشارع من غير فلوس وكارت مالوش لازمة الساعة اتناشر بالليل
بس والله المصري مبيغلبش
بس والله المصري مبيغلبش
S
Shady Ezz
:: مسافر ::
كنت لسه متعرف عل واحد سوري في برشلونة معايا في الهوستيل واحنا ماشيين قلتله انا رايح اشتري حاجة وارجعلك نتقابل في المكان الفلاني المهم رحت وانا راجع لقيت الواد وشه احمر وجالي جري بيقولي معاك موبايل او كاميرا اترددت شوية شكيت مع انه واد محترم المهم قلتله ايوا ليه قالي اصور صورة بس قلتله اتهزر قالي اقسم بالله هات موبايلك وتعالى معايا المهم خدوا طلع جري وانا وراه باكياس والشنطة ظهري تقيله المهم سبقني جامد بنادي عليه مش بيرد قلبي وقف حسيت اني مغفل جدا ههههههه المهم في الاخر راح وقف في تجمهر ناس كده المهم لما وصلت كان الناس مشت انا زعقتله فالي معليشي بس كانت ماريا شارابوفا واقفه تتصور مع الناس .. قلته ياروح امك وطلع حقيقي الموضوع ده ما صدقتش الا لما شفت الخبر عل حسابها في الفيس