المكان ده فى جنوب المانيا اعتقد يعنى هكون قريب من دول اخرى تفتكروا اقدر ازور ايه تانى وافضل مواصلات ايه
O
Osama Bahgat
:: مسافر ::
زيارة اي مكان داخل المانيا أو في اروبا عموما ليها مصاريف ثابتة ومصاريف بتختلف من شخص للتاني...بالنسبة للمواصلات لميونخ في كذا حاجة بس الوسط بيكون الباص او حاجة اسمها bla bal ودي معروفة جدا في اروبا أو عموما للناس اللي بتسافر برة وممكن تدفع الباص من علي النت وعموما ممكن تدفع حاجات كتير وممكن نقول كل حاجة في اروبا أو برة علي النت. بالنسبة للإقامة عندك ابتداء من ال couch surfing ببلاش لحد الاوتيلات مرورا بال hostels ...في ابليكيشن اسمو hostelworld نزلو هيساعدك ان تلاقي هوستيل في أي مكان في اروبا...بالنسبة للمصاريف الخاصة بالانتقالات الداخلية...او متنزل محطة الباص في مكنة تشتري منها تذكرة يومية بحوالي ٨ يورو تركب بيها كل المواصلات المكنة متتخضش هتلاقي فيها لغة إنجليزية ودا في كل المكن برة بس ركز انتا بتختار أية...مصاريف اكل بقي علي حسب كل شخص...خش ال super market واستكشف ودوق وكمان في وسط البلد في ميونخ عند مبني البلدية في سوق حلو جدا خش واشتري حاجات كلها
O
Osama Bahgat
:: مسافر ::
بلاش القطار...عشان تلاقية بسعر كويس لازم تكون حاجز قبليها بفترة مش قليلة أو طويلة بمعني اصح في البديل باص flixbus...انا مزورتش المكان دة بس في العموم متقلقش الباصات دي مغطية اروبا كلها الاسعار من ١٠ لحد ١٠٠ يورو علي حسب المسافة...الاكل خليك في ال super market وتجنب اي حاجة مكتوب عليها schwein...الاكل كويس جدا وباسعار كتير من ٥٠ سنت...حاول تطلع المكان اللي انتا هتبقي فية من الخريطة وشوف الولايات اللي في المانيا وكمان الدول الأوربية القريبة...ممكن تصرف في اليوم ١٠ يورو وممكن اكتر علي حسب بتاكل وتشرب أية وزي مقلتلك الاسعار كتير في ال super market ... الموصلات الداخلية خليك في ال tag kart وضروري أي مكان تروحو اول حاجة اعملها تجيب خريطة وتعرف مكان اقامتك فين ومحطة الباص فين وبعد كدة انطلق متخفش تتوة وحاول تنزل DB nevigator يدلك علي المواصلات في المانيا
enjoy your trip