ع
عبدالرحمن حبت
:: مسافر ::
عاوز أكلمكم النهارده عن جولة أسباينا ( برشلونة الساحره والأندلس الجميل )
خلوني أقولكم ان اسبانيا بلد جميل وراقي ونضيف وفيه روح جميله جدا وما اقدرتش افهم قيمة اسبانيا غير لما طلعت منها على باريس وشفت الفرق الكبيييييييير بينهم
بداية احنا نقدر نقول ان اسباينا هي عباره عن مدينتين كباااااااار وكل واحده فيهم عاوزه رحلة لوحدها وهما ( برشلونة - مدريد ) والجزء الخاص بالجنوب أو ما يطلق عليه الأندلس وده مكون من حوالي 4 مدن وهما ( مالقا - اشبيليه - غرناطة -قرطبة )
في رحلتي كنت عامل حسابي اني هروح برشلونه واقعد فيها حوالي 4 أيام وبعدها أنطلق في الجنوب وأقعد في كل مدينه يوم ماعدا غرناطه غالبا قعدت فيها يومين
يعني رحلتي لبرشلونه ومدن الأندلس أخدت 9 أيام وهي من وجهة نظري كانت كافية جدا
بدايتنا كانت من الساحرة برشلونه، اختارنا مكان اقامتنا في منطقة كويسة جدا وجنب مترو وده سهل علينا كتير جدا ... قبل ما نسافر برشلونه سمعنا كتييييير جدا عن النشل والسرقه وانها رقم واحد في حوادث النشل بس ما صدقناش غير لما اختفت شنطة ردينه مراتي واحنا على باب المطار ودي حادثه عاوزه قصه تانيه مش وقتها
برشلونه مدينه مش غاليه مقارنة بباريس مثلا
الاقامة كلفتنا حوالي 30 يورو في اليوم الواحد، المواصلات كانت معقوله برضو واغلب انتقالاتنا كانت بالمترو أو بالباص والدنيا كانت لذيذه
مش حابب اصدعكم بأسماء الأماكن اللي رحناها هناك ولكن حقيقة ما اقدرش انسى شارع الرامبلا - وميناء برشلونة الجميل وكنيسة ساجرادا ، هي فيه مزارات جميله جدا جدا تانيه لو حد احتاجها ابقى اكتبهاله
بعد برشلونة انتقلنا على مالقة ومنها لغرناطة ثم قرطبة واخيرا اشبيليه
انتقالنا من برشلونه لمالقا كان بالطيارة وكان سعرها رخيص جدا حوالي 19 يورو
اما بقى انتقالنا بين مدن الاندلس فكان بالباص والمدة بين كل مدينه كانت حوالي من ساعتين لتلاته وكانت التيكيت بتتراوح ما بين 12 يورور و 16 يورو
الأندلس ساحر بيحسسك بحاجات كتير جدا
ما بين قصر الحمرا وجامع قرطبة والقصبه وعروض الفلامنكو والتاريخ الأندلسي القديم الجميل عشان 5 ايام عظيمه للغايه ومن وجهة نظري كانوا كافيين جدا جدا
طبعا مدن الأندلس مش بنفس نظام ونضافه برشلونه ولكن اقل بكتير وبرضو اسعار الاقامة والمواصلات كانت اقل حوالى النص على حسب كل مدينه
الخلاصه
اسبانيا جميله ورائعه وما تكفيهاش زياره واحده ولام تستمتعوا فيها بكل تفاصيلها وروحها الجميله ولو حد حب يسأل عن حاجه انا معاكم ان شاء الله
خلوني أقولكم ان اسبانيا بلد جميل وراقي ونضيف وفيه روح جميله جدا وما اقدرتش افهم قيمة اسبانيا غير لما طلعت منها على باريس وشفت الفرق الكبيييييييير بينهم
بداية احنا نقدر نقول ان اسباينا هي عباره عن مدينتين كباااااااار وكل واحده فيهم عاوزه رحلة لوحدها وهما ( برشلونة - مدريد ) والجزء الخاص بالجنوب أو ما يطلق عليه الأندلس وده مكون من حوالي 4 مدن وهما ( مالقا - اشبيليه - غرناطة -قرطبة )
في رحلتي كنت عامل حسابي اني هروح برشلونه واقعد فيها حوالي 4 أيام وبعدها أنطلق في الجنوب وأقعد في كل مدينه يوم ماعدا غرناطه غالبا قعدت فيها يومين
يعني رحلتي لبرشلونه ومدن الأندلس أخدت 9 أيام وهي من وجهة نظري كانت كافية جدا
بدايتنا كانت من الساحرة برشلونه، اختارنا مكان اقامتنا في منطقة كويسة جدا وجنب مترو وده سهل علينا كتير جدا ... قبل ما نسافر برشلونه سمعنا كتييييير جدا عن النشل والسرقه وانها رقم واحد في حوادث النشل بس ما صدقناش غير لما اختفت شنطة ردينه مراتي واحنا على باب المطار ودي حادثه عاوزه قصه تانيه مش وقتها
برشلونه مدينه مش غاليه مقارنة بباريس مثلا
الاقامة كلفتنا حوالي 30 يورو في اليوم الواحد، المواصلات كانت معقوله برضو واغلب انتقالاتنا كانت بالمترو أو بالباص والدنيا كانت لذيذه
مش حابب اصدعكم بأسماء الأماكن اللي رحناها هناك ولكن حقيقة ما اقدرش انسى شارع الرامبلا - وميناء برشلونة الجميل وكنيسة ساجرادا ، هي فيه مزارات جميله جدا جدا تانيه لو حد احتاجها ابقى اكتبهاله
بعد برشلونة انتقلنا على مالقة ومنها لغرناطة ثم قرطبة واخيرا اشبيليه
انتقالنا من برشلونه لمالقا كان بالطيارة وكان سعرها رخيص جدا حوالي 19 يورو
اما بقى انتقالنا بين مدن الاندلس فكان بالباص والمدة بين كل مدينه كانت حوالي من ساعتين لتلاته وكانت التيكيت بتتراوح ما بين 12 يورور و 16 يورو
الأندلس ساحر بيحسسك بحاجات كتير جدا
ما بين قصر الحمرا وجامع قرطبة والقصبه وعروض الفلامنكو والتاريخ الأندلسي القديم الجميل عشان 5 ايام عظيمه للغايه ومن وجهة نظري كانوا كافيين جدا جدا
طبعا مدن الأندلس مش بنفس نظام ونضافه برشلونه ولكن اقل بكتير وبرضو اسعار الاقامة والمواصلات كانت اقل حوالى النص على حسب كل مدينه
الخلاصه
اسبانيا جميله ورائعه وما تكفيهاش زياره واحده ولام تستمتعوا فيها بكل تفاصيلها وروحها الجميله ولو حد حب يسأل عن حاجه انا معاكم ان شاء الله