ع
عبدالرحمن حبت
:: مسافر ::
النهارده بقى هيكون كلامنا عن أحد الحاجات المبهجه جدا جدا، هكلمكم عن رحلتنا لديزني لاند باريس
مبدأيا كده انا كنت معارض للفكرة تماما بسبب جهلي بيها وده كان راجع لأكتر من سبب
1- كنت متخيلها بتاعة اطفال صغيره وكده يعني هنروح نعمل ايه هناك
2- كنت متخيلها غالية جدا جدا ما هي مش ملاهي عم السيد ... دي ديزني لاند
3- ان برضو الانسان عدو ما يجهل واحنا من واحنا في اللفه كنا بنسمع عن ديزني لاند ففكرة بقى اننا نروحها وكده كانت بتبقى اكنها حلم يعني مش اكتر
ـــــــ
المهم وبعد مداولات كثيره ومشاورات مع ردينه مراتي قررنا نتوكل على الله ونقرا عن الموضوع ... المهم دخلت قريت شوية حلوين عشان افهم الموضوع وشويه بشويه بدأت الأمور تتضح والفكره توضح
دخلت بقى على الموقع بتاعهم ويا هول ما رأيت
الموضوع مش شوية لعب وخلاص
ده عالم كبيييييييير، منتجعات وفنادق وعروض وومليارات وعالم كبيييير اوي اوي ومهول
المهم دخلت اشوف سعر التيكت ولقيت بقى كذا سعر
فيه ايام رخيصه وايام غاليه
وفيه تيكت بتاخدها يوم واحد وتيكيت بتاخدها اكتر من يوم وهكذا
انا اخت تيكيت اسمها Ticket mini دي كانت صالحة لمدة يوم واحد وكانت قيمتها ( 62 يورو ) ... التيكيت دي كانت بتدخلنا المفروض اغلب الاماكن في ديزني لاند
انطلقنا من اسبانيا ووصلنا باريس وكان المفروض نقعد في باريس 3ايام
يومين فسحه في باريس نفسها ويوم كامل مخصص لديزني
المشكله الوحيده اللي قابلتنا كانت ان باريس في الوقت ده ساقعه بشكل رهيب ومطره زى الفل
قعدنا أول يوم رحنا فيه برج ايفيل ولفينا شويه في باريس وتاني يوم قلنا نروح ديزني ولكن لقينا الدنيا برد جدا ومطره برضو فقلنا نأجلها لليوم الأخير وهنا بقى كانت المشكله العظيمه
ليلة الذهاب الي ديزني لاند تذكرت فجأه إني كنت قريت ان التيكيت بتاعتنا دي مش صالحه لكل الأيام ولكن مسموح الدخول بيها في أيام محدده فقط، المهم اتنفضت وقمت اشوف التيكيت وكانت الصدمه انها بالفعل ما ينفعش ادخل بيها في اليوم ده ، طبعا اتنكدنا جدا وقلنا خلاص وكده وكانت ليله حزينه والمشكله الاكبر كانت في ان ده كان اخر يوم خلاص لينا في باريس
صحينا الصبح وقلت اعمل محاوله اخيره وكلمت خدمة العملاء وطبعا كانت مسخره بقى، هما بيتكلموا فرنساوي وانا انجليزي مالوش لازمه وبالتالي كانت مكالمه عجيبه خرجت منها بخبر سعيد للغايه وهو اننا ينفع نروح ولكن هندفع فرق تذكره وهنا ابتهجنا من جديييييد
ـــــــــــــــ
عشان نوصل لديزني لاند من باريس كان لازم نركب مترو بيروح لهناك وكان بياخد وقت حوالي ساعه
وصلنا وقطعنا فرق التذاكر ودخلنا وكان فعلا يوم من ايام العمر
بهجه - فرحه - سعاده - روح جميله - ذكريات ما تتنسيش
قضينا هناك يوم كامل من الساعه 11 صباحا ولحد الساعه 11 مساءا
كانت الدنيا تلج تلج تلج ودرجة الحرارة وصلت 1 وكنا حرفيا بنموت ولكن السعاده اللي بتشوفها هناك بتهون عليك كل حاجه
ـــــــــــــــــــــــ
ان شاء الله هحاول انزل بوست تاني اوضح فيه بعض الحاجات المهمه جدا بخصوص ازاي تستفيد من كل دقيقة في ديزني لاند وايه الحاجات اللي تاخد بالك منها وانت هناك عشان يومك تستفيد بيه بنسبة 100 %
مبدأيا كده انا كنت معارض للفكرة تماما بسبب جهلي بيها وده كان راجع لأكتر من سبب
1- كنت متخيلها بتاعة اطفال صغيره وكده يعني هنروح نعمل ايه هناك
2- كنت متخيلها غالية جدا جدا ما هي مش ملاهي عم السيد ... دي ديزني لاند
3- ان برضو الانسان عدو ما يجهل واحنا من واحنا في اللفه كنا بنسمع عن ديزني لاند ففكرة بقى اننا نروحها وكده كانت بتبقى اكنها حلم يعني مش اكتر
ـــــــ
المهم وبعد مداولات كثيره ومشاورات مع ردينه مراتي قررنا نتوكل على الله ونقرا عن الموضوع ... المهم دخلت قريت شوية حلوين عشان افهم الموضوع وشويه بشويه بدأت الأمور تتضح والفكره توضح
دخلت بقى على الموقع بتاعهم ويا هول ما رأيت
الموضوع مش شوية لعب وخلاص
ده عالم كبيييييييير، منتجعات وفنادق وعروض وومليارات وعالم كبيييير اوي اوي ومهول
المهم دخلت اشوف سعر التيكت ولقيت بقى كذا سعر
فيه ايام رخيصه وايام غاليه
وفيه تيكت بتاخدها يوم واحد وتيكيت بتاخدها اكتر من يوم وهكذا
انا اخت تيكيت اسمها Ticket mini دي كانت صالحة لمدة يوم واحد وكانت قيمتها ( 62 يورو ) ... التيكيت دي كانت بتدخلنا المفروض اغلب الاماكن في ديزني لاند
انطلقنا من اسبانيا ووصلنا باريس وكان المفروض نقعد في باريس 3ايام
يومين فسحه في باريس نفسها ويوم كامل مخصص لديزني
المشكله الوحيده اللي قابلتنا كانت ان باريس في الوقت ده ساقعه بشكل رهيب ومطره زى الفل
قعدنا أول يوم رحنا فيه برج ايفيل ولفينا شويه في باريس وتاني يوم قلنا نروح ديزني ولكن لقينا الدنيا برد جدا ومطره برضو فقلنا نأجلها لليوم الأخير وهنا بقى كانت المشكله العظيمه
ليلة الذهاب الي ديزني لاند تذكرت فجأه إني كنت قريت ان التيكيت بتاعتنا دي مش صالحه لكل الأيام ولكن مسموح الدخول بيها في أيام محدده فقط، المهم اتنفضت وقمت اشوف التيكيت وكانت الصدمه انها بالفعل ما ينفعش ادخل بيها في اليوم ده ، طبعا اتنكدنا جدا وقلنا خلاص وكده وكانت ليله حزينه والمشكله الاكبر كانت في ان ده كان اخر يوم خلاص لينا في باريس
صحينا الصبح وقلت اعمل محاوله اخيره وكلمت خدمة العملاء وطبعا كانت مسخره بقى، هما بيتكلموا فرنساوي وانا انجليزي مالوش لازمه وبالتالي كانت مكالمه عجيبه خرجت منها بخبر سعيد للغايه وهو اننا ينفع نروح ولكن هندفع فرق تذكره وهنا ابتهجنا من جديييييد
ـــــــــــــــ
عشان نوصل لديزني لاند من باريس كان لازم نركب مترو بيروح لهناك وكان بياخد وقت حوالي ساعه
وصلنا وقطعنا فرق التذاكر ودخلنا وكان فعلا يوم من ايام العمر
بهجه - فرحه - سعاده - روح جميله - ذكريات ما تتنسيش
قضينا هناك يوم كامل من الساعه 11 صباحا ولحد الساعه 11 مساءا
كانت الدنيا تلج تلج تلج ودرجة الحرارة وصلت 1 وكنا حرفيا بنموت ولكن السعاده اللي بتشوفها هناك بتهون عليك كل حاجه
ـــــــــــــــــــــــ
ان شاء الله هحاول انزل بوست تاني اوضح فيه بعض الحاجات المهمه جدا بخصوص ازاي تستفيد من كل دقيقة في ديزني لاند وايه الحاجات اللي تاخد بالك منها وانت هناك عشان يومك تستفيد بيه بنسبة 100 %
