انا والدي متوفي كان شغال في الامارات في واحد...

[Mahmoud Eleslaby]

انا والدي متوفي كان شغال في الامارات في واحد كلمني من الشركه علشان نيجي نسلتم مستحقات دلوقتي انا مش عارف اسافر ازاي!!! يبعت هو دعوه ولا نعمل ايه؟؟؟

 

[Mahmoud Shalaby]

قدم علي فيزا سياحه من اي شركة هنا وبتطلع في يومين او تلاته بالكتير وتوكل علي الله

 

[Ahmd Ahmd]

لو ليكو حد هناك ثقه اعمله توكيل باستلام حقوق والدك وده اسرعلكم بس تكون واثق فيه

 

[Menna Mahmoud]

بص انا مش عارفة موضوع الدعوي .. بس ممكن تيجي علي فيزا سياحة شهر من أي شركة و تعالي بنفسك .. بس قبل ما تيجي اتكلم معاهم في الإيميل علي التفاصيل بتاعة المستحقات و المبلغ هيجهز أمتي
و عامة لو احتجت اي حاجة اي وقت و انت في الامارات ابعتلي ربنا معاك

 

[Mohamed Hassan El Khiat]

توكيل لحد ثقة هناك يستلم المستحقات ويعملكم بيها حوالة
في السعودية بيحصل كدة

 

[Mahmoud Atef]

لو محتاج حاجه انا في ابوظبي. وربنا يرحم الوالد ويجعل مثواه الجنه

 

[Mohammed Fahloan]

يحولوها ليكم على البنك
وبلاش تعب وسفر وغلب

 

[Abdo Elmabrok]

خليه يبعتهم على البنك افضل

 

[Meligy Shoman]

كلمهم في الشركة خليهم يعملو لك فيزا زيارة شهر وبكل سهولة تروح وتستلم والله يرحم والدك

 

[Meligy Shoman]

او تعملو إعلام وراثة في مصر وكل الورثة يوكلو واحد فيكم لإستلام المستحقات علي حساب بنك في مصر بس الموضوع هياخد وقت اكتر

 

[Samy Hassan]

أسأل على إجمالى المستحقات لو مبلغ يستاهل واكبر من سعر فيزا السياحة من اى مكتب سياحة كان بحوالى 1000 جنية قبل التعويم و تذكرة الطيران حوالى 2800 جنيىة و تكلفة الأقامة وممكن تطلع مع طيران الأمارات التذكرة غالية شوية بس هما اللى بيجيبو الفيزا مجانا

 

[Mohamed Hikal]

اي مكان في الإمارات أنا بأبوظبي لو محتاج اي حاجه كلمني وانا تحت امرك

 

[Mohamed Hikal]

لو عاوزني اكلمً الشغل واعرفلك التفاصيل أبعتلي رقمهم

 

[Younes Samir]

* خلى بالك عشان واحد كان فى مصر و استأمن حد ميعرفوش غير من النت على فلوس ليه فى السعوديه و اتسرق ...... انت مش بتكلم ملايكه .. عادى الخليج فيه نصابين برضو

 

[Abu Haya]

روح بنفسك بفيزا سياحية او زيارة.. ما حك ظهرك مثل ظفرك

 

[Mai Mahrous]

أوعي تعمل لحد توكيل أبدا أسمع مني عن تجربة شفتها مع ناس و اتنصب عليهم ولحد دلوقتي بيعانو والشخص اللي عملولوا التوكيل كان أكتر من أخ بالنسبة لهم

 

[Eslam Mohammed Arfa]

خليه يعملك زيارة . سهله بتتكلف حوالي 1200 ريال سعودي لمده 3 شهور
أو خلي حد شغال هناك من معارفك يستلمهم ويحولها لكم

 

[Luna Omar]

البقاء لله و ربنا يرحمه رحمه واسعه.. فى فيزا سياحه لمدة شهر و بتطلع على طول. المهم تتاكد من الاوراق المطلوبه للحصول على المستحقات و طالبين توكيلات من باقى الورثة اللى فى اعلام الوراثه و لا لأ.. خذ الاوراق المطلوبه و اى ورق ممكن يساعدك بزيادة

 

[Mohmoud Hassen]

اتصل بى شركة سياحة وعمل زيارة شهر او 3 شهر وروح استلم المستحقات بانفسك زيارة مش مكلفة

 

[Abdullah Nabil]

اطلب منه يعملك فيزا زيارة و ابعتله ع النت صورة باسبورك و صورة شخصية ليك (بخلفية بيضاء)
و هو هيبعتلك برضه صورة الفيزا ع النت عشان تسافر بيها .. و دة أفضل و اسهل ليك من انك تطلع فيزا سياحة من هنا لأنهم هنا (شركات السياحة او خطوط الطيران اللي بيطلعلك فيزا سياحة) بياخدو منك فلوس الفيزا مقدما و مش بترجعلك حتى لو الفيزا اترفضت ، دة غير انهم بياخدو منك مبلغ تأمين ع الفيزا و بيرجعلك بعد ما ترجع من السفر و توريهم ختم الخروج من الامارات و دة بياخد وقت ..