شباب .. السلام عليكم .. اولا كل عام و أنتم...

  • بادئ الموضوع بادئ الموضوع Ahmed El Toukhy
  • تاريخ البدء تاريخ البدء
عرض العطلة
A

Ahmed El Toukhy

:: مسافر ::
#1
شباب .. السلام عليكم .. اولا كل عام و أنتم بخير .. أنا متابع الجروب بقالي كذا يوم و شايف الناس متعاونة جدا الحمد لله .. أنا كنت عايز أسافر أنا و زوجتي ١٠ أيام تايلاند بتكلفة حوالي ٣٠ ألف في شهر ٨ القادم .. محتاج أعرف من خبرتكم أبدأ أعمل إيه؟
أنا عايز اجيب تذاكر رخيصة و إقامة رخيصة و أتفسح براحتي هناك و أخلي بالي من إيه و أركز علي إيه في السفرية دي؟ و هل أقدر أسافر بلد تانية من هناك؟
شكرا جدا مقدما لكل الناس اللي هتساعدنا بخبرتها
 
عرض العطلة
#8
احجز الفندق من بوكينج او اكسبيديا وممكن فندق ٤ نجوم او ٣ نجوم الفنادق هناك حلوه جدا ونضيفه مش لازم ٥ علشان يوفر معاك وتذاكر الطيران احجز من wego او flyin بيجبولك الاوفرز هناك في تايلاند جزيره بوكيت شاطئ باتونج دا يعتبر من احسن الاماكن في مسلمين كتير وهتلاقي اكل حلال كتير هناك
بالنسبه للمصاريف هناك الدنيا مش غاليه والرحلات والاكتفيتي في شارع اسمه واكينج ستريت هناك في مكاتب كتير لحجز الاكتفيتي بيجي ياخدك بباص ويرجعك الرحله من ٧ الصبح لحد ٦ المغرب مواعيدهم مظبوطه جدا متحجزش من اول مكتب لف علي جميع المكاتب وفاصل معاهم هناك في فصال وانت بتحجز اكد ان وجبه الغدا هتبقي اكل حلال ومتقلقش اكلهم نضيف وحلو بالنسبه للاكل بردو في الشارع دا في محلات اكل كتير بس علشان متصرفش كتير ظبط نفسك انك هتاكل تونه او شاورمه اكلات عاديه فاست فود وبيبقي في وجبات جاهزه في سوبر ماركت اسمه سيڤن إليڤن مشهور هناك وهتلاقي في كل حتي بس كل حاجه وانت بتشتريها تتأكد ان مكتوب عليها حلال فيه كمان مطاعم مصري ولبناني بس ممكن تخليها يوم او يومين علشان الاكله ال علي حق بتتكلف وانت طلاما طالع سياحه يبقي صرف الفلوس في الاكتيفيتي اهم البلد هناك جميله جدا وشعبها كويسين جدا
 
#9
وعليكم السلام ورحمه الله
وانتم طيبين
الاول حاول انك تعمل سيرش كويس بالميعاد على سكاي سكانر وفلاي ان و Wego ابدا من دلوقتى علشان كل ما تقرب هتغلى التكت وابدا في اجراءات الفيزا وحاول يبقى الاقامه ٣ نجوم مثلا او ٤ علشان الميزانيه الرحلات حلوة اوى جيمس بوند وبي بي ايلاند وفي فانتازى شو لو ليكم في العروض وفي السفارى كمان
وخلى اكتر الايام بوكيت
بانكوك سفاري وورلد حلوة اوى وفي بقى معابد ومولات
الاكل سهل في بوكيت واسماك وكده و اكل عربي وفي سوبر ماركت في كل مكان وفاكهه
واتاكد انه حلال
الرحلات لف كويس وفاصل وفي بوكيت من المطار باص ب٢٠٠ بات الفرد بيوديك لحد الفندق بس خلى بالك انه اخره الساعه ٧ بليل
بانكوك في مترو من المطار فحاول الاقامه تبقى قريبه منه
 
#10
دور على حجز من برج العرب هتفرق معاك حوالى الف جنيه فى التذكرة عن السفر من القاهرة ده بالنسبة للتوفير فى سعر التذكرة وثانيا تقدر تطلع من تايلاند على كمبوديا ودى مش بتحتاج فيزا سبقة للمصريين وقدامك اختيار من 2 ياتسافرها طيران على airasia او تسافرها بالباص وده طبعا اوفر بس هتتبهدل شوية فى الوقت حوالى 8 ل 10 ساعات واجازة سعيدة
 
عرض العطلة
عرض العطلة
عرض العطلة
أعلى أسفل
عودة
قائمة