M
Mohamed Ibrahim
:: مسافر ::
عن تجربه من اخر جوله في 5 دول في اوروبا بالعربيه الاماكن الغير معروفه او انك تتوه بقصد هي اجمل ذكريات الرحله,فالطريق من زيورخ لباريس وقفنا في نص الطريق بالظبط عشان نرتاح وكان الصبح بدري في مدينه صغيره اسمها ديجون وفمحل مخبوزات صاحبته عجوز بتعمل كل حاجه بايديها وقعدت تتكلم معانا ونشرب قهوه ونلف بعدها علي رجلينا تشوف مكان منعرفوش ولا تسمع عنه ولا فيه جو السياح المفتعل المليان سيلفي وبوزات وزي كده مواقف كتير في هولندا والمانيا ودايما ببعد بقصد عن اماكن تكدس السياح.
M
Mostafa Attia
:: مسافر ::
بقرا الريفيوز بتاعة ال backpackers لأن غالبا بيرشحوا حاجات حلوة كتير مش شرط تكون مشهورة، بقراها بكل اللغات، وساعات بترجم اللي بدور عليه بلغة البلد اللي هروحها وادور على جوجل، بلاقي حاجات جميلة، في مثلا activity عملتها في بوكيت مش مشهورة قوي بس كانت تحفة، عملتها قبل التعويم فكانت مقبولة كسعر، دلوقتي تعملها ألفين جنيه sky club puket عبارة عن ركوب طيارة صغيرة لمدة ٢٠ دقيقة فوق المزارع وفوق المحيط في وقت شروق الشمس، تحفة
