B
Bedo Abd El Samad
:: مسافر ::
كدة أكون تمّيت شهر بالتمام والكمال بره مصر
هيفضل السفر أحلى حاجة ف حياتي، هيفضل إحساس البلد الجديدة هو الأفضل، الحاجات الغريبة اللي مش بتبقى مفهومة في الأول لكن أما تتعلم اللغة والثقافة كل حاجة بيبقى ليها معنى، أهل البلد اللي بتعيش وتشتغل معاهم وتاكل عيش وملح وبتبني معاهم روابط قوية هي المفتاح الوحيد للعالم المحلي اللي ميعرفوش السياح، العالم الأكثر صدق ومتعة بالنسبالي لإن بيبقى فيه روح البلد الحقيقية بعيد عن التلفزيون والبروباجاندا، بتاخد تذكرة مجانية لقلب البلد وثقافتها وتتشبع بيها، بتقابل ناس من كل جنسيات العالم بعقليات مختلفة كل واحد بيعلمك حاجة أو بيديك فكرة جديدة، بتعمل صحاب بتكسر أصنام صنعتها ف دماغك وتخيلتها عن شعوب البلاد التانية، كل مدى بتسافر بتكتشف مدى صغرك ف الدنيا دي وإن في عالم كبير بره وذهنك بيتفتح أكتر وبتفتح ليڤلات ف دماغك صعب حد عاش ف مدينة أو دولة واحدة طول حياته يفتحها، بس كل حاجة ليها ثمن دفعته وهتفضل تدفعه هو بعدك عن أهلك وصحابك عن المناسبات واللحظات اللي فوتها وكنت بتتخيل نفسك بترقص فيها وانت فمكانك بره وبتنطط م الفرح، السفر يعتبر من الحاجات اللي بتتحط ف كاتيجوري "تمنها غالي" وهي الحاجات اللي تمنها "الوقت" لإنك عمرك ما هتبقى هناك وهنا فنفس الوقت فلازم تختار، لكن هنعمل ايه سنظل نسافر ونكتب ونشتاق ما حيينا
________________________
لو حد عاوز تفاصيل أكتر يكتب اسمي ف سيرش الجروب هيطلعلك كل بوستاتي هنا
هيفضل السفر أحلى حاجة ف حياتي، هيفضل إحساس البلد الجديدة هو الأفضل، الحاجات الغريبة اللي مش بتبقى مفهومة في الأول لكن أما تتعلم اللغة والثقافة كل حاجة بيبقى ليها معنى، أهل البلد اللي بتعيش وتشتغل معاهم وتاكل عيش وملح وبتبني معاهم روابط قوية هي المفتاح الوحيد للعالم المحلي اللي ميعرفوش السياح، العالم الأكثر صدق ومتعة بالنسبالي لإن بيبقى فيه روح البلد الحقيقية بعيد عن التلفزيون والبروباجاندا، بتاخد تذكرة مجانية لقلب البلد وثقافتها وتتشبع بيها، بتقابل ناس من كل جنسيات العالم بعقليات مختلفة كل واحد بيعلمك حاجة أو بيديك فكرة جديدة، بتعمل صحاب بتكسر أصنام صنعتها ف دماغك وتخيلتها عن شعوب البلاد التانية، كل مدى بتسافر بتكتشف مدى صغرك ف الدنيا دي وإن في عالم كبير بره وذهنك بيتفتح أكتر وبتفتح ليڤلات ف دماغك صعب حد عاش ف مدينة أو دولة واحدة طول حياته يفتحها، بس كل حاجة ليها ثمن دفعته وهتفضل تدفعه هو بعدك عن أهلك وصحابك عن المناسبات واللحظات اللي فوتها وكنت بتتخيل نفسك بترقص فيها وانت فمكانك بره وبتنطط م الفرح، السفر يعتبر من الحاجات اللي بتتحط ف كاتيجوري "تمنها غالي" وهي الحاجات اللي تمنها "الوقت" لإنك عمرك ما هتبقى هناك وهنا فنفس الوقت فلازم تختار، لكن هنعمل ايه سنظل نسافر ونكتب ونشتاق ما حيينا
________________________
لو حد عاوز تفاصيل أكتر يكتب اسمي ف سيرش الجروب هيطلعلك كل بوستاتي هنا
