S
Sam French
:: مسافر ::
انا زرت بانكوك العاصمة و جزيرة فوكيت في تايلاند ....... بالنسبة لبانكوك انصح انك متقعدش فيها اكتر من يومين او تلاتة لإن مشكلة البلد انها زحمة جدا وفِي نقطة سلبية كمان الا وهي اللغة ..... للاسف في بانكوك قليل لما تلاقي حد بيتكلم انجليزي ويا دوبك بتفهمه بالعافية لو بيعرف يتكلم ..... النصيحة الأهم بالنسبة لبانكوك انك تتأكد ان الفندق بيقدملك كتالوج بالرحلات اليومية اللي ممكن تعملها وأهمها طبعا ( زيارة المعابد البوذية والتعرف على حضارتهم ، زيارة floating market وده سوق عائم على البحر ..... تجربة long tail boat وده بياخدك تلف بيه بانكوك وكمان عندك safari world وmadam Taussauds............. ممكن تروح بردو مدينة جنب بانكوك اسمها Pataya ....... بالنسبة للتركيز بيبيقي على فوكيت Phuket ودي جزيرة بتبعد حوالي 900كيلو من بانكوك .... الأفضل انك تاخدها بالطيارة حوالي ساعة ومن هناك بتقدر تروح جزر تانية قريبة منها .... أشهرهم جزيرة phi phi وجزيرة James Bond..... عموما الحياة رخيصة في تايلاند وخصوصا فوكيت .... علي سبيل المثال ممكن تاخد ميكروباص خاص بيك لمدة 8 ساعات بحوالي 20 دولار
