صباح الورد و الياسمين :) بما اني ميعاد الاجازة...

[Badr Helmy]

صباح الورد و الياسمين
بما اني ميعاد الاجازة الموعودة قرب (بسببكم ).. رحت سفارة تايلاند هنا في دبي عشان فيزا السياحة و لقيت اجراءاتها اصعب من السفارة في القاهرة ! مطلوب مني حجوزات الفنادق و الطيران متأكدة و الPNR بتاعها واضح و متأكد بالاسم و صالح للاستعلام !! و كشف حساب بنكي 6 شهور لا يقل في بدايتهم عن 25 الف درهم يعني تقريبا 125 الف جنية !!! تخيلوا !!! و لو اسرة يبقي 40 الف درهم !!!
و ده معناه اني لازم احجز كل حاجة قبل السفر .. و عليه فأنا رجعت للجروب العظيم و اعضاؤه الرائعين عشان يساعدوني في موضوع التخطيط و الحجز ده
الخطة كالأتي:
- السفر في خلال الشهر الحالي و قبل نهايته لمدة 10 ايام (قابلة للزيادة لو ضروري)
- 5 ايام تايلاند (يومين بانجكوك مثلا + 3 بوكيت) .. و بعدها الوصول لماليزيا بري (يومين كوالا مثلا + 3 ايام مكان حلو تختاروه) .. و ياريت النصيحة لو الايام و الفترات محتاجة تعديل
- الغرض من السياحة هو الطبيعة و الجزر و السفاري و الشواطئ في الاغلب .. مش مهتم بالحياة المدنية في الاغلب
- مكان السكن فنادق متوسطة السعر او هوستيلز غرفة خاصة .. احب جدا الاختلاط بالناس لكن مش في مكان النوم 
- افضل خطوط طيران ممكن السفر عليها في الفترة التقريبية من 20 اغسطس (دبي / بانجكوك) و العودة 30 اغسطس (كوالا / دبي)

اتمني منكم النصيحة يا افضل جروب عشان اقوم بالحجوزات دي بشكل كامل و منها اقدر اقدم ع الفيزا
و لكم جزيل الشكر مقدما

 

[Badr Helmy]

الو الو صدي صوت

 

[Bahaa Aldeen Farouk]

الفكره أن ده كله عاوز تنظيم كامل , حد ينظملك الرحله كلها بالطيران و الفنادق و الرحلات و الانتقالات
فأي حد حيعمل تعليق ممكن يعلق بنصيحه مثلا من وجهة نظره الشخصيه و ترجبته الفرديه اللي عملها , لكن تنظيم رحله كامله حاجه مختلفه

 

[Badr Helmy]

طب كنصيحة بسيطة .. هل الدولتين دول ممكن يتزاروا بالترتيب اللي انا كاتبه ده؟
و تنصحني باي مدينة في كوالا ازورها اخر ٣ ايام؟

 

[Badr Helmy]

و افضل عرض طيران كان السنغافورية و فيه ترانزيت ٦ ساعات في سنغافورة .. هل ده ترانزيت محتاج تاشيرة؟

 

[Ahmad Saeed]

لو حد عنده فكره عن ضريبة ال vat فى تايلاند يفيدنا سمعت ان اقدر ارجع الفلوس دى تانى ؟؟

 

[Ramy Pasha Reda]

رأيى الشخصى بلاش بانكوك ملهاش لزمة
بوكيت اقل حاجة اسبوع و ممكن تخلى التلات ايام دول اما كوالالمبور ( بس دى مدينة مش مناظر طبيعية) او لنكاوى

 

[Tamir Magdi]

الحوار مش بالتعقيد ده، لو مرتبك فوق ال 4 الاف درهم، الفيزا تطلع في يومين من السفارة في ابو ظبي

 

[Badr Helmy]

طب ايه افضل المدن اللي اركز فيها في تايلاند؟ الصور كتير و محتاج خبرة اللي زاروا هناك
فيه بوكيت و فيه بي بي ايلاند و فيه كرابي و كلهم في الصور روعة

 

[Tamir Magdi]

انا اقدر اساعدك في الفيزا بحكم شغلي بس بصراحه مروحتش تايلاند قبل كده

 

[Tamir Magdi]

 

[Badr Helmy]

متشكر جدا جدا .. ده من ذوقك
اجراءات الفيزا مافيهاش الا مشكلة واحدة .. حجز طيران و فنادق متاكد .. و ده اللي مضايقني لو حبيت اغير اي حاجة لاي سبب و انا لسه مش متاكد من الاماكن اللي هازورها

 

[Noor El-Adawy]

بما أن الرحله عائلي شيل بانكوك خالص و اطلع دبي - بوكيت قضي أسبوع و اطلع من بوكيت علي كوالا 3 ايام و ممكن من كوالا علي بالي 3 أيام كمان

 

[Badr Helmy]

لا الرحلة مفردة خالص ..
بوكيت هيا فعلا افضل مكان يتزار في تايلاند؟ مفيش مكان تاني زيه؟

 

[Mohamed Ghazal]

5 ايام قليلين جدا علي تايلاند

 

[Badr Helmy]

اخد تحديث للخطة بتاعتي
حجزت الطيران العماني دبي بانجكوك دبي (ترانزيت بسيط في مسقط) بسعر معقول من 1 سبتمبر لحد 12 سبتمبر
كدة 12 يوم في تايلاند .. هانتقل لمرحلة حجز الفنادق دلوقتي بقة .. استعنا ع الشقا بالله

 

[Badr Helmy]

لو نزلت 3 سبتمبر لحد 8 سبتمبر في بوكيت و من 8 سبتمبر لحد 12 سبتمبر في كرابي يبقي كدة تمام ؟!

 

[Mohamed Ghazal]

حلو اوي يادوبك كده

 

[Badr Helmy]

تمام .. يوم 3 سبتمبر راحة و تجول .. عندي 4 ايام للرحلات في بوكيت .. ممكن تغششني ؟!

 

[Ahmed Badrul Radzi]

يا اخي تعالي ماليزيا احسن و بدون كل وجع الدماغ ده و احلي كمان و انضف