معلش بس عاوز اقول حاجه لان الموضوع زاد قوي عن...

[أحمد حسني]

معلش بس عاوز اقول حاجه لان الموضوع زاد قوي عن الطبيعي .
الناس اللي بتفضل تنزل صور ليها من غير اي شرح للمكان او تقرير عنه ... انت فاكر ان ده جروب ولاد خالتك و هنفرح بصورك و نقول ما شاء الله الواد حماده كبر اهو و بقى بيسافر !!!!!!!!!!، ولا فاكر ده جروب توفيق راسين في الحلال !!!!!
يا جماعة ده جروب لتبادل خبرات السفر و الاعتماد على نفسنا من غير شركات سياحة ، يعني يا اما تنزل الصور مصحوبة بتقرير عن البلد و المزارات و المواصلات و اهم النصايح و الاخطاء اللي المفروض ناخد بالنا منها ، يا اما بلاش صورك اللطيفة و نزلها في جروب العيله .
اما بقى لو بتتفشخر علينا انك سافرت و لفيت فطبيعي ان مكانك مش هنا .... مكانك في منتجع ترفيهي صحي في العباسية حيث الخضرة و الماء و العلاج لحالتك .
و السلام عليكم و رحمة الله و بركاته .

 

[Ramy Pasha Reda]

و بتلاقى نص الصورة لمناخيره اصلا

 

[Heba Saleh]

مضمون البوست كويس بس لهجته صعبه شوية...

 

[Mohamed Safwat Sadek]

كلام سليم

 

[Islam Fares]

وجهة نظر وجيهة
لكن ليه تدي لنفسك الحق انك تتكلم بالعنف ده وبالطريقة دي؟

 

[Shimaa Monir]

و لا نسال علي الاسعار، يقول حسب ميزانية كل شخص و ميردش علي اي سؤال عن سعر الرحله....
بس هو منزل البوست شكر في الشخص اللي نظمله الرحله بس....
طيب كمل جميلك و قول كل التفاصيل كامله....

 

[Baraa Hosny]

اية ياعم انت كاره نفسك وكارة الدنيا كدا لية

 

[حسن عصام الدين]

إن كان هو غلطان فانت غلطان انت كمان في كلامك بالاسلوب وبالطريقة دي ..وبعدين ممكن هو يكون فاهم اسم الجروب أنه لعرض التجارب سواء تصوير بس أو شرح تجربة وهنا هو مش غلطان .. أما بئا لو منزلها فشخرة فده الغلط وفي كلتا الاحوال اللي انا اعرفه ان النصيحة بتكون بأسلوب أفضل من كده

 

[Aser Magdy]

انا عمري ما نزلت صور
بس شايف ان دي حريه و كل واحد حر

صور البلاد دي هي اللي بتشجعنا نروحها

 

[أحمد حسني]

اسف لو كان اسلوب البوست عنيف شوية ، بس الموضوع بقى فعلا مستفز ، بالاضافة اني باتكلم عموما و ماهجمتش حد بشخصه

 

[Walid Hamed Mohamed]

بالرغم من أن البوست فكرته جيدة ولها وجاهتها لكن كمان الأسلوب اللي اتكتبت بيه فيه نوع من أنواع الوصاية اللي ماحدش يقبله ابدا!

 

[Moataz Ali]

كلام سليم، لكن احنا لو ولاد خالتك حتي مش هتكلمنا بالطريق الناشفة دي

 

[Ahmed Gamal Mohmed]

ههههههههههههههههههههه فصلتني ضحك
كلامك صح
كلامك صح

 

[Ahmed Mohamed]

كان نفسي انزل صور واتفشخر بيها عليكوا ... بس للأسف لسه مسافرتش

 

[Asmaa Haddad]

هههههه عندك حق بزهق من الى بينزل صوره واحنا مالنا هو مبسوط اوكى
بس يفيد الباقى بتقرير عن البلد الى زارها

 

[Nashwa Rayyan]

يا جماعه متفكوها شويا هو لازم نمسك العصايه لبعض .. زي مافي كدا في كدا خدو اللي يعجبكم وعلقوا عليه واللي ميعجبكوش طنشوة وخلاص .. لكن لازم نعاقب بعض ونسخر من بعض يمكن مثلا نسي يصور المكان لوحده او اي سبب تاني .. يمكن عاوز الناس to relate لصاحب البوست وشخصيته كمان .. فكوها شويا وسيبوا النوايا للي خلقكم ..

 

[Yourey Alnadi]

مش عارف بس المفروض ان الجروب دا ليه ادمن وهو بس الي بيسمح بنزول المنشورات .. فلو الصور الي بتنزل ومابتعجبش سعادتك لو كانت ضد سياسه الجروب كان الادمن ماوفقش عليها .. فلو الموضوع دا مدايق سعادتك انت بس او مجموعه بسيطه معلش يا اما تستحملوا وتيجوا على نفسكم شويه وما تشوفوش البستات الي فيها صور او ممكن لو الادمن شاف ان دا مطلب جماهيري ما يوفقش على البستات دي وبكل بساطه يكتب في سياسه الجروب ممنوع نشر الصور الشخصيه .. بس اسلوب سعادتك مرفوض تماما ومافيش حاجه اسمها نغلط ونقول معلش؟!!

 

[Eman Elmatbouly]

اولا أسلوبك عصبي جدا ، ثانيا فيه ناس بتستمتع انها تتفرج عالصور ، ثالثا كان ممكن تطلب من اللي بينزل صوره انه يدعمها بشوية نصايح.
رابعا اللي بينزل صوره ما ضركش في حاجه واكيد لو كنت سالت اي حد عن اي شيء ، كله كان هيساعدك .
اخيراً : متعرفش انت ظروف كل واحد ايه من اللي نزل صوره ده ، يمكن نفسه يسمع كلمه طيبه ترفع روحه المعنوية . وعليكم السلام

 

[Mahmoud Elkorashy]

صاحب البوست؛
أؤيدك بشده

 

[Sayed Ahmed]

كلامك صح ده جروب لتبادل خبرات السفر......مش لاى حاجه تانيه....لكن بطريقه الطف