O
Omar Abdalla
:: مسافر ::
ياريت الناس لما تقرأ تعليق تفهمه وياريت لما حد يعلق علي بوست يخاف ربنا في الناس لانه ممكن تعليقه يخسر انسان سواء خساره ماديه او معنويه .انا لما بقول أفريقيا أرض الخير وأرض الفرص أنا عارف انا بقول ايه .أفريقيا ممتازه لكن فرص العمل غالبا صعبه وصعبه جدا ولو لاقيت وظيفه هتلاقي المرتبات ضعيفه .ممكن تلاقي مرتب كويس فقط مع الشركات الدوليه .دايما بقول الإستثمار أفضل شئ في أفريقيا .لكن بتفاجئ لما ألاقي واحد يقوللي انا معايا 50 الف جنيه و عاوز استثمر في أفريقيا ال 50 الف يعني 2500 دولار .هتحتاج تشتري تذكره طيران وتعمل شركه و تعمل رخصه تجاريه و تعمل بطاقه ضريبيه وتعمل شهاده صحيه وتعمل بطاقه العمل وتعمل اقامه في البسبور وهتحتاج عربيه علشان تتنقل بيها لانه المواصلات العامه غالبا خطر في افريقيا وهتحتاج تدفع ديبوزت للسكن و اكل وشرب .أقسم بالله ده حصل فيه شاب اتعرف عليا من أحد الجروبات إحتمال يقرأ البوست .اتصل بيا وقاللي انا في جنوب افريقيا وجاي استثمر .قولتله احنا في رمضان تعال افطر عندي .لما جه البيت عندي بيقوللي شغلني معاك اي حاجه مقابل اكل وشرب وسكن علشان انا هنا من شهرين وفلوسي خلصت .بذمتكم ده ينفع .مش حرام تضيعوا فلوسكم وتعبكم كده .ياريت الناس تفكر وتفكر وتفكر مفيش حاجه اسمها اطلع من البلد وخلاص .ادرسوها الاول حرام عليكم الجنيه في الزمن ده مش بييجي بالساهل ف حرام تخسره بالساهل .