لما عرفوا انك من مصر...رد الفعل كان بيبقى...

[Sara Abdelghany]

لما كنت في قبرص، كانوا مرحبين جدا اني مصرية وخصوصا لما عرفوا اني اسكندرية. وكانوا فاكريني الأول من اطاليا
في اسكتلندا لما طلعت رحلة مع مجموعه، المرشد السياحي، قالي انا وصديقتي انه اول مره يطلع معاه ناس من مصر، وكان عايز يعرف اكتر عن مصر.
في أستراليا، كانوا مبسوطين.

 

[Alaa Yassine]

وانا في جورجيا ماشي بليل فبحب اقف ادام الشباب والرجالة اللي بيشحتوا وبيقدموا شو في الشارع . وقفت ادام رجل عجوز وشاف شكلي غريب افتكرني ايراني او من اذربيجان واما قلتلة مصر انبسط اوي وراح نادي زمايلة وغنولي اغنية حبيبي يانور العين لعمرو دياب ♥♥

 

[DiDo DiDo]

انبهروا كانوا فاكرنا طليان

 

[Samuel Nashat]

بالنسبة للايطاليين بيحبونا بس لو رايحين سياحة بالنسبة للصين بيعرفوا مصر بس اسمها ايزيبتا واحد سواق تاكسي بقوله ايزيبتا قالى رقم ١ فى التاريخ

 

[Caren Kiro]

المصرى معروف بجيروته☺☺

 

[Doha Tawfik]

ما شاء الله مصر مشهوره بالاهرامات والأغاني

 

[Hamis Elgabry]

في الهند بيقولوا مصر ولو حد ميعرفهاش لما بقوله الأهرامات بيعرف بس في ناس مبينفعش معاها الاتنين بحس اننا مش ع الخريطة

 

[Samah Kades Shohdy]

في روما علي طول افتكروا الأهرامات رغم انهم محدش فيهم زار مصر وفي الشارع عزفوا اغنية حبيبي يا نور العين لعمرو دياب علشان يجاملونا

 

[Tarek Mohamed]

كلهم بيسالوا عن إذا كان فيه أحداث او ثورات تاني
ومعظم المصريين في الخارج بينتقدوا البلد واللي في البلد
وفيه ناس ما تعرفش فين مصر دي الا لو قلت لهم الأهرام
وناس منهم خصوصا اليهود بيعشقوا السادات

 

[Tarek Mohamed]

والبوست ده هيعمل مشاكل بسبب السياسة

 

[Mostafa Diab]

تحقيق فى المطار لمدة ساعة مع اكتر من 6 شرطيين ومعاملة بوش بلاستيك وقرف ولما سألتهم بتعملوا ليه كدة معانا قالولى علشان باسبورك مصرى - عن سنغافورة اتحدث

 

[Abu Yousuf El Emam]

انا بقول انا مصري وبفتخر وبقولهم عندنا مناطق احسن من ال في بلدكم مليون مرة

 

[Heba Abd-AlQader Ibrahim]

كان فيه حد بيسألني إذا كنا شبه الفراعنة و زيهم كدة في حياتنا

 

[Mohamed Elzamel]

حسب البلد اللي انت فيها

 

[Doha Wafi]

ديما بيقعدوا يقلولي الأهرامات و يهزروا
صراحه عمري ما حسيت ان حد اضايق او كده بالعكس

 

[Marwa Fawzy]

في لبنان من 15 سنه فرحوا جدا وقعدوا يقولولي بلد هاني شاكر

 

[Samer Daif]

أروع من الروعة، في ألمانيا ناس كتير قعدوا يكلموني عن جمال مصر وطيبة أهل مصر، في الصين الناس قعدت تتصور معايا سيلفي عشان من مصر وكلمتهم: احنا وانتم بس اللي حضارة قديمة زي بعض

 

[Heba Ibrahem]

الأتراك بيحبو المصريين جدا و في فرنسا كنت هناك بعد الثوره قعدو يباركولنا ان مبارك مشي

 

[Amr Amin]

شهاده حق فى الإمارات و الكويت معامله محترمه اما فى السعوديه بعض الأشخاص لما بيعرف انك مصرى مش عارف أُعبر عنها ازاى بس يلا ربنا يسامحهم

 

[Mina Bastawros]

في هونج كونج من قبل ما يفتح الباسبور بيطلع كارت مكتوب عليه restricted و بعده استجواب مش اقل من ١٥ دقيقة