السلام عليكم عندي سؤال للإخوة المصريين لو...

  • بادئ الموضوع بادئ الموضوع Sanaa Bayoud
  • تاريخ البدء تاريخ البدء
عرض العطلة
S

Sanaa Bayoud

:: مسافر ::
#1
السلام عليكم
عندي سؤال للإخوة المصريين لو استطعتم مساعدتي أكون شاكرة
انا من المغرب وأفكر في رحلة لمصر ولدي بعض الاسئلة
ماهي وسائل النقل الممكنة مابين شرم والاقصر؟وكم مدة الرحلة
هل السفر من شرم للقاهرة عبر حافلة مأمونة وغير متعبة وماهي أنواع الحافلات المتوفرة ،وهل يمكن تأجير سيارة خاصة ل 3 أفراد وماهي اسعارها؟؟
هل الرحلة من القاهرة لاصوان او الاقصر عبر قطار المبيت مأمون وكم تتراوح أسعاره؟
هل ممكن حجز الرحلة النيلية مابين الاقصر واسوان او مايسمى بالفندق العائم ومن تم الدفع عند الوصول؟
اعتذر عن الاسئلة الكثيرة وأتمنى منكم سعة الصدر،ولو هناك معلومات إضافية منكم سأكون شاكرة
سلامي لجميع الأعضاء
 
#3
ممكن تاخدو الباخره من شرم للغردقه، ومن الغردقه مواصلات لاسوان،ومن اسوان للقاهره قطار نوم وممكن قطار للاسكندرية بعدها
 
#5
وخصوصا لشارم
لو لازم تروحو شارم
ممكن تحجزو طيران من شارم للغردقة ومن الغريقة للاقصر عربيه ٣ ساعات
وتخلصو الاقصر واسوان وطيران عالقاهرة
 
عرض العطلة
#6
الاقصر وشرم الشيخ افضل حاجه طيران داخلى ع مطار الااقصر .. و لو عربيه او باص المشوار بشع صعب جداا .. بس فى حاجه دلوقتى مختصره من شرم للغردقه اسمها العباره السريعه بتوصل ف ساعتين عن طريق البحر الاحمر و بعدين من الغردقه تحجزى اى باص او عربيه للاقصر مثلا 3 ساعات هتبقى اقتصدتى مثلا بتاع اكتر من 10 ساعات لو سافرتى كده .. الرحله من القاهره للاقصر واسوان بالقطار مفيهاش مشكله بس هرشحلك نوعين من القطارات اما قطار النوم وده ليه مواعيد محدده بس ممتاز وامان و بتدخلى تنامى لحد م توصلى او قطار ال vip وده نضيف جداااا برضه بس متعب شويه فى انه كرااسى عاديه مش سراير بس ممتاز ونضيف وكراسيه رحبه .. المسافه بالقطار من القاهره ال الاقصر بتاع 10 او اكتر كمان ساعات و لو حبيتى تختصرى يبقى تحجزى باص من القاهره لل الاقصر على طريق الجيش توصلى ف 6 ساعات باذن الله ..
 
#8
اولا تنوري مصر
ثانيا الافضل ان كل رحلاتك دي تكون بالطيران

هو طبعا ينفع انك مثلا تاخدي اتوبيس من شرم ل القاهرة وبعدين قطر من القاهرة ل اسوان

بس تعب عليكي والفلوس اللي هتوفريها هتدفعيها ثمن العلاج من تعب جسمك اللي هيكون طول فتره الرحله دي

اصرفي شويه بس هترتاحي وتنبسطي اكثر
لكن الفلوس القليله = تعب ومشقه كبيره جدا

وان شاء الله تنبسطي
 
عرض العطلة
#11
ولو احتجتى اى استفسار انا تحت امرك انا عايشه فى الصعيد اصلا ف عندى معلومات كافيه عن الاقصر واسوان والغردقه كويس ..
 
#12
السفر بالباص من شرم القاهرة بياخد حوالى 6 ساعات او اقل مش متعب بس ممل احجزى جو باص ... والرحلة النيلية ممكن تحجزيها لما توصلى عادى و الباصات والقطار امان بس لو رحلتك لمصر قصيرة يبقى طيران احسن عشان مضيعيش وقت لأن الانتقال البرى بين الأماكن ال انتى مقررة تروحيها بينهم مسافات كبيرة...توصلى بالسلامة ان شاء الله
 
#13
الله يخليك ممكن تقولي لي واش حجزتي طيران مغربي ولا مصري والثمن.. و الفيزا طلعتي ليها بوحدك ولا كلفتي وكالة اسفار
 
عرض العطلة
#16
لو ركبتي قطر ل اسوان بلاش بتاع المبيت او النوم
احجزي درجة اولي عادي و هيكون ممتاز اوي بس حاولي تحجزي من بدري لانة بيخلص و سعرة كويس بس مش فاكراة تقدري تشوفي علي الويب سايت بتاع سكك حديد مصر ،
و بلاش السفر لشرم مواصلات لانة متعب عليكي ممكن تشوفي ميني باص مكيف و سريع لو مش عايزة تحجزي طيران هيكون اوفر لو معاكي عدد ، لو عايزة توفري وقت و مجهود يبقي طيران بقي لأنك محتاجة تستفيدي بكل وقت ف الافضل طيران داخلي و اسعارة كويسة أوي بس بردة بدري عشان تاخدي سعر كويس ، شوفي ع طيران النيل ، و ممكن تحجزي في اوتيل شيرتون ريزوت شرم كويس اوي
و لما تروحي اسوان انزلي في بيت نوبية جوة قرية غرب سهيل هتتبسطي اكتر و ممكن اعرفك علي حد هناك يحجزلك و يكون معاكي لو احتاجتي حاجة لانة من اهل البلد و دا تخصصة هتتبسطي اكتر م اي اوتيل في وسط البلد
وهو بردة ممكن يحجزلك الفندق العائم و لما تروحي تتدفعي عادي بس منصحكيش بية لانة ملل اوي انلطقي عادي بدون باخرة
 
#17
مصر حاتنور بيكى ياسناء بس عايزة اقولك معلومه مهمه جدا اسوان والاقصر تحفه بس فى الصيف صعبة قوى حر جدا انا روحتها فى فبراير وكانت حر شوية
 
#19
وقت جميل وصولك لمصر فى شهر ابريل الجو هيبقى كويس فى شرم والاقصر واسوان
تنورى مصر
البلد امان جدا غير مابتسمعى
 
#20
ممكن تحجزى مع الشركة دى لشرم او الغردقة
التكت بيبدأ من حوالى 175 للفرد
XPE5OqloDBVqvgJHkNCnZik3hprcZ3k2.jpeg
 
عرض العطلة
عرض العطلة
عرض العطلة
أعلى أسفل
عودة
قائمة