Update1 : (عشان منتوهش في التعليقات حنجمع اكتر...

[Haytham Sleem]

Update1 :
(عشان منتوهش في التعليقات حنجمع اكتر الشركات الموثوقة المتفق عليها وننزلها في update 2)
......

نقول تاني .

ايه أرخص موقع لحجز تذاكر الطيران ؟
حنتكلم علي اهم واحد..

موقع سكاي سكانر SKY SCANNER

ده مش موقع حجوزات ، ده موقع بيديلك ارخص سعر لتذكرة طيران من خلال شركات حجوزات وسيطة بتعرض عنده اسعارها وانت تختار السعر الارخص. وبيتم تحويلك للشركة االي اختارت سعرها ( الارخص). طبعا واستكمال الحجوزات من موقعها مباشرة وسكاي سكانر بره الليلة دي خالص ..

فين المشكلة؟

المشكلة ان فيه شركات وسيطة مقدمة افضل سعر ، سمعتها مش تمام.. وفيه شركات كويسة.

السيناريوهات :

تلاقي رسوم اضافية وسعر مختلف عن المنشور في الصفحة اللي اختارت الشركة دي علي اساسه.

تدفع بالكريدت مفيش تذكرة تجيلك أساسا ع الإيميل! وممكن جدا يتخصم مبلغ اكبر من المتفق عليه.

التعديل علي التذكرة او الإلغاء بيكون شبه مستحيل مع اغلب الشركات دي.

هنا. حننزل اغلب الشركات الوسيطة ونحكي تجاربنا ونختار افضل الشركات واسوأها.

من تجربة شخصية.
CLEARTRIP
TRAVEL START
REHLAT.com

دي شركات كويسة ومقابلتش اي مشكلة معاها.( حجز عادي من غير تعديل).

يا ريت تجاربكم وتحذيراتكم لاخواتكم المسافرون الغلابة ،

 

[Sameh Mohamed]

Saso Sherif

 

[Alaa Abdelhamed]

احسن تشركات جربتهم طبعا citybookers..و expedia ..وgotogate وbudgetair بصراحه الاربعه ثقه ومحترمين

 

[Khaled Elsherif]

ايه رايكوا في chipeoair

 

[Bahaa Aldeen Farouk]

للاسف ترافل ستارت , أسوء خدمة عملاء مرت عليا
عدم احترافيه , انتظار يصل الى ساعه على التليفون , أسعار غالبا أغلى من مواقع تانيه
في حالة قررت تعدل أو تلغي التكره تبقى أمك داعيه عليك , علشان حيعملوا معاك الصح و يخدوا عمولات كتير جدا تصل ل 90% من تمن التذكره
الحاجه الألعن ان كل موظف حيقولك رقم من دماغه لتغيير السعر المهم يعمل عليك أي مصلحه و مافيش قانون ثابت بيحكمهم

 

[Haytham Sleem]

Bahaa Aldeen Farouk
أحسن شركات جربتها ايه يا حاج؟

 

[Eng Mohamed Morad]

من احسن البوستات المفيده

 

[Mohamed Samy]

انا جربت Expedia.com خدمه عملاء فوق الممتازه . حجزت من عندهم واتصلت الغي التذكره . بمنتهي السهوله واليسر

 

[Sherif Maldini]

Mohamed AbdelHamed

 

[Mahmoud Elbanna]

انا حجزت مع opodo مرة واحده وكانت تمام

 

[Mayada Magdy]

Destinia & holidays دول شركات بتحط اسعار وهمية ولما بتيجى تحجز بعد خطوات الحجز بتتفاجئ بزيادة مبلغ كبير عند الدفع
Travel start w rehlat كويسين ومضمونين

 

[Eman Damaty]

انا كنت حاجزه اون لاين من على Vayama على الخطوط القطريه قبل مالمقاطعه تحصل...و لما حصلت المقاطعه اتصلت بيهم عشان الغي وآخد فلوسي..والصراحه اتحطيت على hold كتير وكذا مكالمه لحد مافعلا قالولي انهم لغولي الحجز بتاعي واني هاخد refund كامل عالتذاكر بالاتفاق مع القطريه...لكن الموضوع هياخد من 45 ل 60 يوم.....وقلت امري لله وحجزت عالامراتيه واتكلت على الله لاني كنت حاجزه في تايلاند شقه وطيران داخلي وحاجات تانيه...المهم فعلا بعد 45 يوم رجعولي الفلوس كامله وصدقوا في وعدهم...بس انا مش عارفه ده حظي عشان القطريه رجعت للكل ام انهم فعلا شركه محترمه

 

[Mohamed Magdy El Bordeiny]

الاحسن ان اي حد لما يجي يحجز من على شركة يدور على ال reviews اللي عليها على جوجل

 

[Maysa Badran]

فيه شركة سياحة انا حجزت عندها مش عارفه اقول اسمها ولا لا وسافرت كندا عن طريقها وانا راجعه غيرت ميعاد الحجز وكانو عايزين منى فى المطار هناك 200$ اتصلت بيهم وكلمو شركة الطيران فى مصر ومادفعتش حاجه

 

[Ibrahim Sheikh Al Saggaf]

Expedia ممتاز

و إذا حصلت نفس الرحلة بسعر أقل و ارسلت خلال 24 ساعة من الدفع يرجعون الفرق

 

[Mohamed Magdy El Bordeiny]

انا جربت opodo. و كانت كويسة