مساء الخير معلش كنت محتاج حد يفيدنى لانى عاوز...

[Amr Khamis]

مساء الخير
معلش كنت محتاج حد يفيدنى لانى عاوز اسافر انجلترا مع العلم انى اترفضت من 3سنين بس اخطاء ساذجة لانى كنت اول مرة اجرب انى اسافر والباسبور بتاعى كان حاصل على بكاليوريوس انما انا دلوئتى شغال فى شركة ومرتبى بينزل ع بنك وكنت حابب انى اجرب تانى مع العلم انى متزوج وربنا رزقنى بطفلين معلش عاوز حد يئولى لما اجرب مرة تانية هل اجربها بعد اما اغير الباسبور بالمهنة الجديدة .
وعاوز اسال سوال تانى معلش لما احاول مرة تانية هل احاول انا وزوجتى ولا لوحدى هيكون افضل ..وكشف الحساب يكون فى اد ايه تقريبا ...شكرا

 

[Gaby Kababa]

up

 

[Miky Abdelaal]

البلد غالية جدا. ده اولا.
و لو هتسافروا انتم الاتنين. يبقي تجيب تذاكر ممكن ترجعها و فندق كمان ممكن ترجعه في حالة الرفض

و أفتكر ان الاسترليني ب ٢٥ جنية علي الفيزا

 

[Nermeen Moustafa]

اه غير الباسبور للمهنة الجديدة
خلي في حركة سحب وايداع كويسة لمدة ٦ شهور وحساب بنكي قوي
لو حتقدم مع مراتك سي الولاد هنا وقدم ان عندك ولاد وصور جوازات سفرهم برده عشان يضمنوا انك ترجع
HR letter بمرتب كويس
وجرب

 

[Hend Salem]

غير الباسبور بالمهنة الجديدة و طبعا هتقدم خطاب hr فيه تاريخ التعيين و الراتب
و تقدم كشف حساب الراتب ... و لو فى كشف حساب شخصى او ودايع او شهادات قدمها ... قدم انت لوحدك او انت وزوجتك بدون الاطفال عشان مايشكوش انكم مسافرين كلكم و مش راجعين
كشف الحساب كل مايكون كبير كل ما يكون افضل بس فى نفس الوقت ماتحطش مبلغ كبير مرة واحدة ... اكتر جزء tricky فى الابليكيشن هو جزء مصادر الدخل... كل مبلغ هتكتبه لازم يكون عليه دليل و يكون له مصدر واضح ... ماينفعش مثلا يكون مرتبك الف جنيه و يظهر فى كشف حسابك مبلغ ١٠٠ الف مثلا مالهوش تبرير و لا مصدر محدد ... لازم تكون ارقامك متناسقة مع بعض و ربنا يسهل لك

 

[Hala Ismaiel]

انا رأيي تاخدها تدريجي .. يعني تاخد شنجن الاول وتدخل وتطلع كذا مره وبعدين تقدم إنجلترا كده متهيألي حيكون ليك نصيب اوفر انك تاخدها

 

[Amr Khamis]

شكرا ليكم جميعا